ஜேட்லி உட்கார்ந்ததும் மார்கெட்டும் உட்கார்ந்தது..

பங்கு சந்தை

மும்பை பங்கு சந்தையில் இன்று காலை வர்த்தகம் துவங்கிய முதலே சரிவுடனே துவங்கியது. நேற்றைய வர்த்தக முடிவில் மும்பை பங்கு சந்தை 25,444.81 புள்ளிகளிள் முடிவடைந்தது இன்று காலை 25410 புள்ளிகள் சரிவடைந்தது. இதனால் சந்தை முதலீட்டாளர்களின் வர்த்தகம் குறைந்துள்ளது.

நிப்டி

மும்பை பங்கு சந்தை போல் நிப்டியிலும் இன்று காலை வர்த்தகத்தில் சுமார் 20 புள்ளிகள் சரிந்தது. சில நிமிடங்களுக்கு முன்புதான் சந்தை மீட்சியடைந்துள்ளது.

5 நிமிட இடைவேளை

பட்ஜெட் தாக்கலின் போது நிதியமைச்சரின் களைப்பின் காரணமாகவோ அல்லது அவை கூச்சலின் காரணமாகவோ 5 நிமிட இடைவேளையை சபாநாயகர் அறிவித்தார். இந்த இடைவோளையில் மட்டும் சுமார் 300 புள்ளிகள் குறைந்தது.

சரிவில் தத்தளிக்கும் பெரு நிறுவனங்கள்

டிசிஎஸ், சிப்லா, பார்தி ஏர்டெல், ஆக்சிஸ் வங்கி, எஸ்பிஐ, ஐசிஐசிஐ வங்கி போன்ற சந்தையின் பெரும் புள்ளிகளாக திகழும் நிறுவனங்களும் தலா 1 சதவீதம் சரிவை சந்தித்து வருகிறது.

தப்பித்த நிறுவனங்கள்

இந்தி இக்கட்டான சூழ்நிலையில் எச்.டி.எஃப்.சி, டாடா பவர், கோல் இந்தியா, என்டிபிசி, டாடா மோட்டார்ஸ், விப்ரோ ஆகிய நிறுவனங்கள் சரிவில் இருந்து மீண்டு வளர்ச்சியை சந்தித்துள்ளது.