டெல்லி: இந்தியாவில் உணவு பணவீக்கம் தொடர்ந்து அதிகரித்து வந்தாலும், மொத்த விலை பணவீக்கத்தின் அளவு கடந்த நான்கு மாதங்களாக சரிவை சந்தித்து வருகிறது. இதன் படி பிப்ரவரி மாதத்தில் நாட்டின் மொத்த விலை பணவீக்கம் -2.06 சதவீதத்தை அடைந்துள்ளது.

ஜனவரி மாதத்தில் இதன் அளவு -0.39 சதவீதமாக இருந்த நிலையில் ரிசர்வ் வங்கியின் வட்டிக் குறைப்பு, உணவு பொருட்கள், எரிபொருள் விலை, உற்பத்தி பொருட்களின் விலையை குறைத்தது. இதனால் பணவீக்கத்தின் அளவு மேலும் சரிய துவங்கியது.

ஐனவரி மாதத்தை போல் டிசம்பர் மாதத்தில் -0.50 சதவீதமாகவும், நவம்பர் மாதத்தில் 0.17 சதவீதமாகவும் இருந்தது.

ரிசர்வ் வங்கியின் வட்டிக்குறைப்பு பணவீக்கத்தை தொடர்ந்து குறைத்து வந்தாலும், தொழில்துறை வளர்ச்சியை மேம்படுத்தியது குறிப்பிடதக்கது.

மத்திய அரசு திங்கட்கிழமை வெளியிட்ட அறிக்கையின் படி, பிப்ரவரி மாதத்தில் உணவு பணவீக்கம் 7.74 சதவீதமாகவும், உற்பத்தி பொருட்களின் பணவீக்கம் 0.33%, எரிபொருள் மற்றும் மின்சாரம் மீதான பணவீக்கம் -14.72%, காய்கறி பொருட்களின் பணவீக்கம் 19.74% (ஜனவரி மாதம்) இருந்து 15.54% குறைந்துள்ளது.