மும்பை: இந்திய சந்தையில் முதலீட்டாளர்கள் லாப நோக்கில் அதிகளவிலான பங்குகளை விற்று வருவதால் நாணய சந்தையில் இன்று தங்கம் மற்றும் வெள்ளி விலை குறைந்துள்ளது.
வாரத்தின் கடைசி வர்த்தக நாளான இன்று தங்கம் விலை கிராமிற்கு 8 ரூபாய் குறைந்துள்ளது.
தங்கம் விலை
இன்றைய நாணய சந்தையில் 24 கேரட் தங்கம் விலை கிராமிற்கு 8 ரூபாய் குறைந்து 2,776 ரூபாய்க்குச் சில்லறை சந்தையில் விற்பனை செய்யப்படுகிறது.
அதேபோல் 22 கேரட் தங்கம் விலை கிராமிரற்கு 7 ரூபாய் குறைந்து 2596 ரூபாய்க்கு விற்பனை செய்யப்படுகிறது.
வெள்ளி விலை...
தங்கத்தைப் போல் அல்லாமல் வெள்ளியின் விலை இன்று 350 ரூபாய் உயர்ந்து 39885.00 ரூபாய்க்கு விற்பனை செய்யப்படுகிறது.
ரூபாய் மதிப்பு
நாணய சந்தையில் அமெரிக்க டாலருக்கு எதிரான இந்திய ரூபாயின் மதிப்பு 0.12 பைசா குறைந்து 63.56 ரூபாயாக உள்ளது.
பங்குச் சந்தை
தற்போது சென்செக்ஸ் குறியீடு 90 புள்ளிகள் வரை உயர்ந்து 27,298 புள்ளிகளை அடைந்துள்ளது.
நிஃப்டியும் இன்று அதிகளவிலான ஏற்ற இறக்கங்களைச் சந்தித்து, உயர்வுடனே காணப்படுகிறது. இதன் படி நிஃப்டி 23.35 புள்ளிகள் உயர்வுடன் 8,247.55 புள்ளிகள் உயர்வுடன் உள்ளது.