சென்னை: இந்தியாவில் பருவ மழை துவங்கியுள்ளதால் விவசாயம் மற்றும் தொழிற்துறை உற்பத்தி அதிகரிக்கத் துவங்கியுள்ளது. இதன் காரணமாக இந்த வாரம் நாட்டில் தங்கத்தின் தேவை தொடர்ந்து குறைந்து வருகிறது.
புதன்கிழமை நாணயச் சந்தையில் தங்கம் மற்றும் வெள்ளி விலை கடுமையாகப் பாதித்துள்ளது. மேலும் சர்வதேச சந்தையில் தங்க விலை ஏலத்தில் (LBMA குறியீடு) பாங்க் ஆஃப் சீனா இணைந்துள்ளதால் தங்க விலை நிலவரத்தில் குறிப்பிடும் அளவில் தாக்கம் ஏற்பட்டுள்ளது.
இன்றைய நாணய சந்தை வர்த்தகத்தில் 1 கிராம் 24 கேரட் தங்கத்தின் விலை 12 ரூபாய் குறைந்து 2,713 ரூபாய்க்கு விற்கப்படுகிறது. அதேபோல் 22 கேரட் தங்கம் விலை 11 ரூபாய் குறைந்து 2,537 ரூபாய்க்கு வர்த்தகம் செய்யப்படுகிறது.
தங்கத்தைப் போல வெள்ளியின் விலையும் குறைந்து காணப்படுகிறது. 1 கிலோ பார் வெள்ளியின் விலை 320 ரூபாய் குறைந்து 36,900 ரூபாய்க்கு விற்பனை செய்யப்படுகிறது.