இந்திய சந்தையில் தங்க இறக்குமதி 61% உயர்வு!

டெல்லி: 2016ஆம் நிதியாண்டின் முதல் இரண்டு மாதங்களிலேயே இந்திய சந்தையில் தங்கத்தின் இறக்குமதி அளவு 61 சதவீதம் உயர்ந்து 155 டன்னாக உள்ளது.

மத்திய அரசு மற்றும் ரிசர்வ் வங்கி தங்க இறக்குமதி மற்றும் வர்த்தகத்திற்குப் பல கட்டுப்பாடுகளை விதித்தாலும், தொடர்ந்து இதன் அளவு அதிகரித்த வண்ணமாகவே உள்ளது. இதனால் நாட்டின் பணவீக்கம் அதிகளவில் பாதித்துள்ளது.

கடந்த நிதியாண்டில் ஏப்ரல் மே மாதம் தங்க இறக்குமதியின் அளவு 96 டன் அளவாக இருந்தது குறிப்பிடத்தக்கது.

உலகளவில் அதிகளவில் தங்கம் இறக்குமதி செய்யும் நாடுகளில் இந்தியா இரண்டாம் இடத்தில் உள்ளது, முதல் இடத்தில் உள்ள சீன தனது தங்க இருப்பை மிதமான வேகத்தில் குறைத்து வரும் நிலையில் இந்தியா அதிகளவில் இறக்குமதி செய்து வருகிறது.

இதனால் நாட்டின் நடப்பு கணக்குப் பற்றாக்குறை பாதிக்கப்பட்டுள்ளது.

நடப்பு நிதி ஆண்டின் முதல் காலாண்டில் நடப்பு கணக்குப் பற்றாக்குறை 1.8 முதல் 2 சதவீதமாக இருக்கும் என்று கணிக்கப்பட்டுள்ளது.