நியூயார்க் சந்தை

நியூயார்க் மெர்கன்டைல் சந்தையில், தங்கம் விலை சுமார் 0.9 சதவீதம் அதாவது 10.30 டாலர் குறைந்து ஒரு அவுன்ஸ் தங்கத்தின் விலை 1,172.80 டாலராக விற்கப்படுகிறது.

பெடரல் வங்கி

கடந்த வாரம் பெடரல் வங்கி தனது வட்டி விகித உயர்வை 2016ஆம் ஆண்டு வரை ஒத்திவைப்பதாக அறிவித்த நிலையில் தங்கம் விலை வியாழக்கிழமை 1,187.50 ரூபாய்க்கு விற்கப்பட்டது.

தற்போது அந்நாட்டு ஹவுசிங் டேட்டா அமெரிக்கப் பொருளாதாரத்திற்குச் சாதகமாக அமைந்துள்ளதால், டிசம்பர் மாத்திற்குள் பெடரல் வங்கி தனது வட்டி விகிதத்தைக் குறைக்க வாய்ப்புள்ளது.

வர்த்தகம் உயர்வு.. விலை சரிவு..

இதன் தாக்கம் இந்தியா மற்றும் ஆசிய சந்தையில் அதிகளவில் தெரிகிறது. இந்திய நாணய சந்தையில் கடந்த 3 நாட்களாகத் தங்கம் விலை தொடர்ந்து சரிந்து வரும் நிலையில், செவ்வாய்க்கிழமை வர்த்தகம் துவங்கும் முதலே தங்கம் மீதான வர்த்தகம் அதிகரித்தது காணப்பட்டாலும் விலை நிலை சரிந்தது.

முதலீடு அதிகரிப்பு

இந்தியாவில் தற்போது விழாக்காலம் துவங்கியுள்ளதால், தங்கம் மற்றும் வெள்ளி மீதான முதலீடு தொடர்ந்து அதிகரித்து வருகிறது. குறிப்பாகத் திங்கட்கிழமை வர்த்தகத்தில் தங்கம் விலை கணிசமாக உயர்ந்தது.

தங்கம் விலை

ஆனால் செவ்வாய்க்கிழமை வர்த்தகத் துவக்கத்தில் 24 கேரட் 1 கிராம் தங்கத்தின் விலை 5 ரூபாய் குறைந்து 2,707.5 ரூபாயாகவும், 22 கேரட் 1 கிராம் தங்கம் 5 ரூபாய் குறைந்து 2,531.69 ரூபாயாக வர்த்தகம் செய்யப்படுகிறது.

வெள்ளி விலை நிலவரம்

தங்கத்தைப் போலவே வெள்ளியின் விலையும், சுமார் 276 ரூபாய் குறைந்து 1 கிலோ பார் வெள்ளியின் விலை 37,145 ரூபாயாக விற்கப்படுகிறது.