2வது முறை ஷட்-டவுன்

கடந்த நான்கு நாட்களில் இன்று 2வது முறையாக ஆட்டோமேடிக் ஷட்-டவுன் ஆகியுள்ளது குறிப்பிடத்தக்கது. சீன சந்தையின் மிகப்பெரிய வீழ்க்குக் காரணம் இந்நாட்டின் உற்பத்தி மற்றும் ஏற்றுமதியில் ஏற்பட்ட திடீர் வீழ்ச்சி தான். 2015ஆம் ஆண்டில் இந்நாட்டின் உற்பத்தித் துறை கணிப்புகளுக்கும் அதிகமான வீழ்ச்சியைச் சந்தித்துள்ளது.

15 நிமிடம் தற்காலிக முடக்கம்..

சீன சந்தையில் வியாழக்கிழமை வர்த்தகம் துவங்கி சில நிமிடங்களில் CSI 300 குறியீடு எப்போதும் இல்லாத வகையில் மளமளவென 5 சதவீதம் வரை சரிவை சந்தித்து, இதனால் பங்குச்சந்தையின் வீழ்ச்சியைக் காக்க 15 நிமிடம் தற்காலிகமாக வர்த்தகம் நிறுத்தி வைக்கப்பட்டது.

ஷட்-டவுன்

இந்நிலையில் தற்காலிக முடக்கத்திற்குப் பிறகு துவங்கிய வர்த்தகம் அடுத்தச் சில நொடிகளில் 7 சதவீத சரிவை எட்டியது. இதனால் சீன பங்குச்சந்தை வர்த்தகம் இன்று ஆட்டோமேடிக் ஷட்-டவுன் செய்யும் நிலைக்குத் தள்ளப்பட்டது.

சீனா

இத்தகை பெரும் வீழ்ச்சியைச் சமாளிக்கச் சீன அரசு சுமார் 236 பில்லியன் டாலர் பணத்தைச் செலவிடத் திட்டமிட்டுள்ளது குறிப்பிடத்தக்கது.

கச்சா எண்ணெய்

அதுமட்டும் அல்லாமல் கடந்த சில நாட்களாகச் சவுதி அரேபியா மற்றும் ஈரான் நாடுகளுக்கு மத்தியிலான பிரச்சனையில் கச்சா எண்ணெய்யின் விலை தொடர்ந்து அதிகரித்து வருகிறது.

கிட்டத்தட்ட 1 வருடமாகத் தொடர்ந்து சரிந்து வந்த கச்சா எண்ணெய்யின் விலை தற்போது திடீரென உயர்வதால் சீன சந்தைக்கு அதுவும் மிகப்பெரிய பிரச்சனையாக உருவெடுத்துள்ளது.

இந்திய பங்குச்சந்தை

சீன சந்தையின் வீழ்ச்சியால் மும்பை பங்குச்சந்தை இன்று துவக்கத்திலேயே 300 புள்ளிகள் சரிவுடன் துவங்கி, தற்போது 420 புள்ளிகள் வரை சரிந்து 24,985 புள்ளிகளில் வர்த்தகம் செய்யப்பட்டு வருகிறது.

ஆசிய சந்தை

அதேபோல் நிஃப்டி குறியீடு 121.55 புள்ளிகள் சரிந்து 7,619.45 புள்ளிகளை அடைந்துள்ளது. ஆசிய சந்தையில் இந்தோனேசியா, மலேசியா, தைவான், ஜப்பான் என அனைத்துச் சந்தைகளும் கடுமையான வீழ்ச்சி அடைந்துள்ளது.