சென்னை: கடந்த சில நாட்களாகத் தங்கம் விலை தொடர்ந்து அதிகரித்து வந்த நிலையில், இன்று கிராமிற்கு 30 ரூபாய் சரிந்துள்ளது. இதனால் நகை கடை உரிமையாளர்கள் அதிகளவிலான வர்த்தகத்தைப் பெற்றுள்ளனர்.
திங்கட்கிழமை மும்பை பங்குச்சந்தை சிறப்பான வர்த்தகத்தைப் பெற்றுள்ளதாலும், அமெரிக்கா டாலருக்கு எதிரான இந்திய ரூபாயின் மதிப்பு 15 பைசா உயர்ந்துள்ள காரணங்களால் இன்று தங்கம் விலை கிராமிற்கு 30 ரூபாய் குறைந்துள்ளது.
இன்று மாலை நிலவரத்தின் படி 24 கேரட் 1 கிராம் தங்கத்தின் விலை 30 ரூபாய் குறைந்து 2,906.00 ரூபாய்க்கும், 22 கேரட் 1 கிராம் தங்கத்தின் விலை 2,717 ரூபாய்க்கு விற்பனை செய்யப்படுகிறது.
தங்கத்தைப் போல வெள்ளியின் விலையும் கணிசமாகச் சரிந்துள்ளது, இன்றைய வர்த்தகத்தில் ஒரு கிலோ தங்கத்தின் விலை 805 ரூபாய் குறைந்து 37720.00 ரூபாய்க்கு வர்த்தகம் செய்யப்படுகிறது.
பங்குச்சந்தையின் நிலையே இதேபோல் உயர்வுடன் இயங்கும் பட்சத்தில் தங்கத்தின் விலை மேலும் குறையும் என எதிர்பார்க்கப்படுகிறது.