14 மாத தொடர் சரிவு..

இந்தியாவில் கடந்த 13 மாதங்களாகத் தொடர்ந்து குறைந்து வந்த ஏற்றுமதி அளவுகள், ஜனவரி மாதத்திலும் சரிந்து சரிவு பாதை 14 மாதங்களாக நீண்டுள்ளது.

வர்த்தகம் சரிவு

டிசம்பர் மாதம் ஏற்றுமதி பொருட்களின் மொத்த மதிப்பு 24.39 பில்லியன் டாலராக இருந்த நிலையில் ஜனவரி மாதத்தில் இதன் அளவு 13.60 சதவீதமாகக் குறைந்து 21.07 பில்லியன் டாலராகக் குறைந்துள்ளது.

துறை வாரியான வர்த்தகம்..

பெட்ரோலியம் பொருட்கள், என்ஜினியரிங் பொருட்கள், ஆடைகள், தோல் பொருட்கள், கெமிக்கல், அரிசி மற்றும் பருப்பு வகைகள் ஆகியவற்றின் ஏற்றுமதி அளவுகள் ஜனவரி மாத்தில் அதிகளவில் குறைந்துள்ளது.

இறக்குமதி..

இந்நிலையில் ஜனவரி மாதத்தில் இறக்குமதி செய்யப்பட்ட பொருட்களின் மொத்த அளவுகளின் மதிப்பு 11.01 சதவீதம் குறைந்து 28.71 பில்லியன் டாலராகக் குறைந்து வர்த்தகப் பற்றாக்குறையின் அளவு 7.63 பில்லியன் டாலராகக் குறைந்து நாணய பரிமாற்றம் மற்றும் பொருளாதார வளர்ச்சிக்கு வலிமை சேர்த்துள்ளது.

தங்க இறக்குமதி

ஜனவரி மாதத்தில் திருமணம் மற்றும் விழாக்காலக் காரணமாக இந்தியாவில் தங்க இறக்குமதி அளவு 85 சதவீகம் அதிகரித்து 2.91 பில்லியன் டாலராக உள்ளது.

பெட்ரோல்

சர்வதேச சந்தையில் கச்சா எண்ணெய் மற்றும் பொட்ரோலியம் பொருட்களின் மீது நிலவும் மாறுபட்ட விலை நிலைகள் காரணமாக இதன் இறக்குமதி 39 சதவீதம் சரிந்து 5.02 பில்லியன் டாலராகக் குறைந்துள்ளது.

சமுக வலைத்தள இணைப்புகள்

இனி உங்கள் தமிழ் குட்ரிட்டன்ஸ் தளத்தைப் பேஸ்புக், கூகுள் பிளஸ் மற்றும் டிவிட்டர் பக்கங்களின் மூலமும் இணைந்திடலாம்.

கிளிக் பண்ணுங்க.. ஷேர் பண்ணுங்க..