வெள்ளிக்கிழமை மத்திய அரசு ஜிஎஸ்டி வரி ஆட்சி முறையின் கீழ் பொருட்களின் வரி மற்றும் ஸேவையை வரி அறிந்து வங்க, விற்க மற்றும் பயன்படுத்த 'ஜிஎஸ்டி ரேட் ஃபைண்டர்' என்ற செயலியை அறிமுகம் செய்துள்ளது.
சரக்கு மற்றும் சேவை வரியான ஜிஎஸ்டி விலை குறித்த தகவலை அறியும் இந்தச் செயலியை மத்திய கலால் மற்றும் சுங்க வரி ஆணையம் உருவாக்கியுள்ளது.
யாரெல்லாம் இந்தச் செயலியை பயன்படுத்தலாம்?
வாடிக்கையாளர்கள், பொது மக்கள், நுகர்வோர்கள், வணிகர்கள், மாணவர்கள் போன்று யார் வேண்டுமானாலும் ஜிஎஸ்டி ரேட் ஃபைண்டர் செயலியை பதிவிறக்கம் செய்து பயன்படுத்தலாம்.
வரி விகிதங்கள்
நீங்கள் சந்தை, மால், உணவகம் என எங்கு இருந்தாலும் ஜிஎஸ்டி வரி விகிதங்களை அறிந்து பொருட்களை வாங்கலாம் மற்றும் சேவையைப் பெறலாம் என்று மத்திய கலால் மற்றும் சுங்க வரி ஆணைத்தின் தலைவர் வனஜா சார்னா தெரிவித்தார்.
ஆண்டிராய்டு/ஐபோன்
தற்போது இந்தச் செயலி ஆண்டிராய்டு தளத்தில் மட்டுமே இயங்கும் என்றும் விரைவில் ஆப்பிள் ஐபோன் பயனர்களுக்காகவும் அறிமுகப்படுத்தப்படும்.
ஆப்லைன்
ஜிஎஸ்டி ரேட் ஃபைண்டர் செயலியினை ஆப்லைனிலும் பயன்படுத்த முடியும் என்று நிதி அமைச்சகம் அறிவித்துள்ளது.
ஜிஎஸ்டி விரங்கள்
CGST (மத்திய ஜிஎஸ்டி), SGST (மாநில ஜிஎஸ்டி), UTGST (யூனியன் பிரதேச ஜிஎஸ்டி) என மூன்று வரி விகிதத்தையும் செஸ் உள்ளட்ட வித்தியாசங்களுடன் பார்க்கலாம்.