ஜிஎஸ்டி கவுன்சில் முடிவு

எஸ்யூவி மற்றும் ஆடம்பர கார்களின் மீது ஏற்கனவே விதிக்கப்பட்டுள்ள ஆடம்பர செஸ் வரி 15 சதவீதமாக இருக்கும் நிலையில், இதனை 25 சதவீதமாக உயர்த்த வேண்டுமென முடிவு செய்துள்ளது.

இதற்கான அறிவிப்பு விரைவில் வெளியாகும் எனவும் தகவல் கிடைத்துள்ளது.

செஸ் வரி

ஆடம்பர செஸ் வரி உயர்வுக்கான அறிவிப்பு வெளியான உடனேயே எஸ்யூவி மற்றும் ஆடம்பர கார்களின் விலை உயராது. செஸ் வரி உயர்விற்கான ஜிஎஸ்டி இழப்பீடு சட்டத்தில் திருத்தம் கொண்டு வர வேண்டும்.

திருத்தம் செய்வதற்கான ஒப்புதல்களை ஜிஎஸ்டி கவுன்சில் கொடுத்துள்ளதாகத் தெரிகிறது.

கார்கள் மீதான ஜிஎஸ்டி

ஜிஎஸ்டி வரி விதிப்பில் கார்கள் அனைத்தும் 28 சதவீத வரி விதிப்பின் கீழ் உள்ளது.

கார்கள் மீது விதிக்கப்பட்டும் 17 மத்திய மற்றும் மாநில வரி மற்றும் 23 செஸ் வரி ஆகியவற்றை முழுமையாக நீக்கப்பட்டு ஜிஎஸ்டி வரியில் ஒற்றை வரியாக விதிக்கப்பட்டுள்ளது.

செஸ் வரி வித்தியாசம்

4 மீட்டர் நீளம் மற்றும் 1,200சிசி என்ஜின் சக்திக்குக் குறைவாக இருக்கும் சிறிய ரகக் கார்கள் மீது 1 சதவீதம் செஸ் வரி விதிக்கப்படுகிறது.

1,500 சிசி திறன் கொண்ட டீசல் என்ஜின் கார் மீது 3 சதவீத செஸ் வபி விதிக்கப்படுகிறது.

மேலும் நடுத்தர மற்றும் எஸ்யூவி கார்கள் மீது 15 சதவீத செஸ் வரி விதிக்கப்படுகிறது. இந்த 15% செஸ் வரியையே 25 சதவீதமாக உயர்த்த ஜிஎஸ்டி கவுன்சில் முடிவு செய்துள்ளது.

ஜூலை 1

சிறிய ரகக் கார்கள் மீதான வரி ஜிஎஸ்டி கீழ் அதிகளவில் குறைந்த நிலையில், பல கார் தயாரிப்பு நிறுவனங்கள் இதன் விலையை அதிகளவில் குறைந்தது. ஆனால் சில நிறுவனங்கள் மட்டும் அதன் முந்தைய அளவிலான விலையிலேயே விற்பனை செய்து வருகிறது.

இந்தச் செஸ் வரி மாற்றத்தின் மூலம் அனைத்து நிறுவனங்களும் புதிய விலை பட்டியலை வெளியிடும் என எதிர்பார்க்கப்படுகிறது.

உடனே வாங்கிடுங்க..

இதனால் எஸ்யூவி மற்றும் ஆடம்பர கார்களை வாங்கத் திட்டமிடுவோர் உடனே கார் புக் செய்யுங்கள், இல்லையெனில் வரியாகக் கூடுதல் பணத்தைச் செலவழிக்க வேண்டும். ஆகவே முறையாகத் திட்டமிட்டு குறைவான பணத்தை உங்களது கனவு காரை விரைவாக வாங்கிடுங்கள்.

ரூ. 40,000 வரை சலுகை..!

டிவிஎஸ்