18 ஐடி நிறுவனங்களின் வர்த்தகத்தை அதிரடியாக முடக்கியது செபி..!

சந்தை கட்டுப்பாட்டு ஆணையமான செபி இந்திய பங்குச்சந்தையில் பட்டியலிடப்பட்டுள்ள 331 ஷெல் நிறுவனங்களின் மீது சந்தேகித்துள்ளது. இதன் மூலம் செபி, பங்குச் சந்தைகளை இந்நிறுவனத்தின் மீது முறையான ஆய்வு மற்றும் சோதனை நடத்த உத்தரவிட்டுள்ளது.

பங்குச்சந்தையில் கருப்புப் பணத்தைக் கட்டுப்படுத்தும் ஒரு முயற்சியாகச் செபி மற்றும் பங்கு சந்தைகள் அடுத்த ஒரு மாதத்திற்குப் பட்டியலிடப்பட்டுள்ள நிறுவனங்கள் மீதான வர்த்தகத்தை முடக்கியுள்ளது.

செபி அறிவித்துள்ள நிறுவனங்கள் பட்டியலில் சுமார் 18 ஐடி நிறுவனங்கள் இடம்பெற்றுள்ளது.

ஷியாமா இன்போசிஸ் லிமிடெட்

ஐடி மற்றும் ஹெல்த் கேர் துறையில் இயங்கிவரும் ஷியாமா இன்போசிஸ் லிமிடெட் 1996ஆம் ஆண்டுத் துவங்கப்பட்ட நிறுவனம். இது ஒரு ஸ்மால் கேப் நிறுவனம் என்பது குறிப்பிடத்தக்கது.

யுனிசிஸ் சாப்ட்வேர் மற்றும் ஹோல்டிங் இண்டஸ்ட்ரீஸ்

வர்த்தகச் செய்வதற்கான மொபைல் செயலி மற்றும் மென்பொருள் துறையில் இயங்கி வருகிறது. இந்நிறுவனம் பங்கு வர்த்தகம் மற்றும் மியூச்சுவல் பண்ட வர்த்தகத்திலும் ஈடுபட்டுள்ளது.

கிரேசி இன்போடெக்

சென்னையைத் தலைமையாகக் கொண்டு இயங்கும் கிரேசி இன்போடெக் ஐடி துறையில் பல சேவைகளை அளித்து வருகிறது.

சிலிக்கான் வேலி இன்போடெக் லிமிடெட்

ஸ்மால் கேப் நிறுவனமான சிலிக்கான் வேலி இன்போடெக் லிமிடெட் ஐடி துறையில் சில முக்கியத் துறையில் மட்டுமே இயங்கி வருகிறது. இந்நிறுவனம் 1993ஆம் ஆண்டுத் துவங்கப்பட்டது.