சென்னையில் இன்று ஆபரணத் தங்கம் விலை கிராம் ஒன்றுக்கு 40 ரூபாய் வரை உயர்ந்தது, இதற்கு முக்கியக் காரணமாக இந்தியாவில் தற்போது உள்ள விழாக் காலத்திற்கான தேவையே என்று கூறப்படுகின்றது.
சிங்கப்பூரில் தங்கம் விலை 0.35 சதவீதம் சரிந்து 1,305.70 டாலராக இரு அவுன்ஸ் தங்கம் விற்பனை செய்யப்படுகின்றது. அதே நேரம் வெள்ளி விலை 0.41 சரிந்து அவுன்ஸ் 17.09 டாலர்கள் என விற்பனை செய்யப்படுகின்றது.
ரூபாய் மதிப்பு
மேலும் டாலருக்கு எதிரான இந்தியா ரூபாயின் மதிப்பு சரிவும் தொடர்ந்து இரண்டாவது நாளாக அதிகரித்துள்ளது. ஒரே மாதத்தில் இரண்டு முறை 6 மாத சரிவை சந்தித்துள்ளது ரூபாயின் மதிப்பு. எனவே அதிக விலை கொடுத்துத் தங்கம் வாங்கும் நிலைக்குக் கடை காரர்கள் தள்ளப்பட்டுள்ளனர்.
பண்டிகை காலம்
பண்டிகை காலம் நெருங்கும் போது தங்கம் மீதான விலை அதிகரிக்கும் என்றும் வல்லுநர்கள் கூறுகின்றனர். தற்போது உள்ள சூழலை வைத்துப் பார்க்கும் போது தேவை குறைந்தால் தான் தங்கம் விலை குறையும்.
அமெரிக்க, வட கோரியா போர் சூழல்
ஒருபக்கம் அமெரிக்க, வட கோரியா இடையிலான போர் மூலும் சூழலால் இந்திய பங்கு சந்தைச் சரிவும் காரணமாகக் கூறப்பட்டாலும் உலகச் சந்தையில் தங்கம் விலை 0.35 சதவீதம் வரை சரிந்தே காணப்படுகின்றது.
இன்றைய தங்கம் விலை நிலவரம்
சென்னையில் இன்று (26/09/2017) 22 காரட் ஆபரணத் தங்கத்தின் விலை கிராமுக்கு 40 ரூபாய் உயர்ந்து 2872 ரூபாய்க்கும், சவரனுக்கு 320 ரூபாய் உயர்ந்து 22,976 ரூபாய்க்கும் விற்கிறது.
24 காரட் தங்க விலை நிலவரம்
இதுவே ஒரு கிராம் 24 காரட் தங்கம் 3016 ரூபாய்க்கும், ஒரு சவரன் 24,128 ரூபாய்க்கும் விற்பனையாகி வருகிறது.
24 கார்ட் 10 கிராம் தங்கம் 30,160 ரூபாய்க்கு விற்பனை செய்யப்படுகிறது.
வெள்ளி விலை நிலவரம்
1 கிராம் வெள்ளியின் விலை இன்று 43.10 ரூபாய்க்கும் 1 கிலோ பார் வெள்ளி 43,100 ரூபாய்க்கும் விற்பனையாகிறது.