லாபம்

வல்லுநர்கள் மாருதி சுசூகியின் இரண்டாம் காலாண்டு லாபம் 2,041 கோடியாக இருக்கும் என்று கணித்து இருந்த நிலையில் அது 2,240.40 கோடி ரூபாயாக வந்துள்ளது. இதுவே சென்ற ஆண்டு 2,484.30 கோடி ரூபாய் லாபத்தினை மாருதி சுசூகி பெற்று இருந்தது.

விற்பனை சரிவு

இந்தியாவின் மிகப் பெரிய பட்ஜெட் கார் விற்பனை நிறுவனமான மாருதியின் லாபம் சரிவுக்கு முக்கியக் காரணம் விற்பனை 1.5 சதவீதம் சரிந்து 4,84,848 கார்கள் மட்டும் விற்றது என்று தரவுகள் கூறுகின்றன.

நிகர விற்பனை

2-ம் காலாண்டு மாருதி சுசூகி நிறுவனம் 215,519 மில்லியன் ரூபாய்க்கு நிகர விற்பனை செய்துள்ளது. சென்ற வருடத்துடன் ஒப்பிடும் போது இது 0.5 சதவீதம் அதிகமாகும்.

அரையாண்டு விற்பனை

2018-2019 நிதி ஆண்டி அரையாண்டு முடிவடைந்துள்ள நிலையில் மாருதி சுசூகி நிறுவனம் 975,327 வாகனங்களை விற்பனை செய்துள்ளது. சென்ற வருடத்துடன் ஒப்பிடும் போது இது 10 சதவீதம் உயர்வாகும்.

பங்குகள்

காலாண்டு அறிக்கையில் லாபம் சரிந்ததை அடுத்து மாருதியின் பங்குகள் விலை இன்று சந்தை முடியும் போது 47.55 புள்ளிகள் என 0.70 சதவீதம் சரிந்து 6,721 ரூபாய் ஒரு பங்கு என வர்த்தகம் செய்யப்பட்டு வருகிறது.