இது எங்கள் சரிவல்ல, HDFC காலாண்டு முடிவுகளுக்கு விளக்கம்..!

காலாண்டு லாபம்

இன்று ஜனவரி 29, 2018 செவ்வாய்கிழமை அன்று மதியம் 2.15 மணிக்கு HDFC நிறுவனத்தின் காலாண்டு முடிவுகள் வெளியாயின. அதில் 2018 - 19 நிதியாண்டுக்கான டிசம்பர் காலாண்டில் 2,113 கோடி ரூபாயை நிகர லாபமாகக் கட்டி இருக்கிறார்கள்.

கடந்த ஆண்டில்

2017 - 18 நிதியாண்டின் டிசம்பர் காலாண்டில் இதே HDFC நிறுவனம் 5,263 கோடி ரூபாயை நிகர லாபமாகக் கணக்கு காட்டி இருந்தது. 2017 டிசம்பர் காலாண்டில் HDFC லைன் இன்ஷூரன்ஸ் மற்றும் HDFC மியூச்சுவல் ஃபண்டு நிறுவனங்களின் பங்குகளை விற்றதால் தான் பிசினஸல்லாத வருமானம் கூடுதலாகக் கிடைத்தது. அதனால் தான் நிகர லாபம் 5250 கோடிக்கு மேல் போனதாம்.

வருவாய் அதிகரிப்பு

வங்கி நடவடிக்கைகள் மூலம் டிசம்பர் 2018 காலாண்டில் 10,450 கோடி ரூபாய் வருவாயாக வந்திருக்கிறதாம். இது கடந்த டிசம்பர் 2017 காலாண்டில் ஈட்டிய 8,678 கோடி ரூபாயை விட 20 சதவிகிதம் கூடுதல் தொகை.

நிகர வட்டி வருமானம்

2018 - 19 நிதியாண்டின் டிசம்பர் காலாண்டில் நிகர வட்டி வருமானமாக 3,192 கோடி ரூபாயை ஈட்டி இருக்கிறது HDFC. கடந்த டிசம்பர் 2017 காலாண்டில் நிகர வட்டி வருமானமாக 2,737 கோடி ரூபாயை ஈட்டி இருந்தது. ஆக வருவாய் அதிகரிப்பான 20 சதவிகிதத்தில் சுமார் 16 சதவிகிதம் வங்கி வட்டி மூலமாக மட்டுமே கிடைத்திருக்கிறதாம்.

பங்கு விலைச் சரிவு

கடத ஜனவரி 21, 2019-ல் இருந்தே HDFC நிறுவன பங்குகளின் விலை சுமார்வ்2,150 ரூபாயில் இருந்து இறங்குமுகமாக இறங்கிக் கொண்டே தான் இருக்கிறது. தற்போது 2,060 ரூபாய்க்கு வர்த்தகமாகி வருகிறது.
விளக்கம்

முதலீட்டாளர்களை தைரியப்படுத்தி தங்கள் நிறுவனப் பங்குகளை விற்காமல் இருக்க HDFC நிறுவன அதிகாரிகள் முதலீடுகளை விற்றதால் தான் கடந்த ஆண்டில் நிகர லாபம் பயங்கரமாக அதிகரித்தது என விளக்கி வருகிறர்கள். அதோடு தங்கள் வங்கி இயக்கத்தில் காட்டி இருக்கும் எண்களையும் சுட்டிக் காட்டி இது தங்கள் சரிவல்ல, வலர்ச்சி எனவும் பேசி வருகிறார்கள்.