ஐடி கார்டுகள்

விவசாயிகளின் அடையாளத்தை உறுதிப்படுத்த முதலில் ஆதார் அட்டையைத் தான் சொல்லி இருந்தார்கள். ஆனால் அட்டை இல்லாத விவசாயிகளையும் (ஒட்டுக்கள்) கருத்தில் கொண்டு ஏதாவது ஒரு அரசு அடையாள அட்டை இருந்தால் போதும் என இறங்கி வந்திருக்கிறார்களாம். இப்போது ஓட்டுநர் உரிமம், வாக்காளர் அடையாள அட்டை, தேசிய ஊரக வேலைவாய்ப்பு திட்ட அட்டை என மத்திய மற்றும் மாநில அரசுகள் வழங்கி இருக்கும் அடையாள அட்டைகளில் ஏதேனும் ஒன்றை காட்டிப் பெறலாமாம்.

அது இருந்தே ஆகணுமா..?

ஆதார் மூலம் தான் இந்தியர்களின் தனித் தன்மையை சரி பார்க்க முடியும். மற்ற அடையாள அட்டைகளில் கூட போலி அட்டைகள் இருக்கலாம். ஆனால் ஆதாரில் போலி அட்டை இருக்கவே இருக்காது என்பதால் தான் ஆதாரைக் கேட்கிறார்களாம். ஒரே நபர் இரு முறை இந்த திட்டத்தின் கீழ் பணத்தைப் பெற்றுவிடக் கூடாது என மத்திய அரசு, மாநில அரசுகளை அழுத்தமாகச் சொல்லி இருக்கிறதாம்.

இவர்களுக்கு மட்டும் தான்

ஒரு குடும்பத்தில் (அப்பா, அம்மா, மகன், மகள்) என ஒட்டு மொத்த குடும்பமாக 2 ஹெக்டேருக்குள் உழவு நிலம் இருக்க வேண்டுமாம். அப்போது தான் இந்த 2,000 ரூபாயாம். அதே போல் பிப்ரவரி 01, 2019 அன்று யாரிடம் (எந்த குடும்பத்திடம்) உழவு நிலம் இருக்கிறதோ அந்த குடும்பத்துக்கு தான் அந்த 2,000 ரூபாயாம். அப்படி பிப்ரவரி 01, 2019க்குப் பிறகு நிலம் மாற்றினால் கூட அடுத்த ஐந்து வருடத்துக்கு இந்த திட்டத்தின் கீழ் பணம் பெற முடியாதாம்.

18 பட்டியும் சேர்த்து

ஒரு விவசாய குடும்பத்துக்கு ஒன்றுக்கு மேற்பட்ட விவசாய நிலங்கள் வெவ்வேறு கிராமங்கள் இருந்தால், அவருடைய (அந்த குடும்பத்துடைய) மொத்த நிலங்களும் கணக்கில் எடுத்துக் கொண்டு தான் பிரதமர் விவசாய திட்டத்தின் கீழ் பணம் கொடுக்கப்படும்.