மவுசு குறைந்தது

மாத வருமான கிடைக்க வர்த்தக வளர்ச்சி மிகவும். ஆனால் நாட்டின் வர்த்தக வளர்ச்சி தற்போது மோசமான சரிவு பாதையில் உள்ளது, இதோடு புதிய வேலைவாய்ப்புகள் கிடைப்பதில் இருக்கும் பிரச்சனை மக்களை வாட்டி வதைக்கிறது.

இத்தகைய சூழ்நிலையில் மக்கள் மத்தியில் மலிவு விலை வீட்டுக்கான மவுசு குறைந்துவிட்டது.

4 லட்ச வீடுகள்

இதன் எதிரொலியாகத் தற்போது இந்திய ரியல் எஸ்டேட் துறையில் சுமார் 4.12 லட்ச மலிவு விலை அப்பார்ட்மென்ட் வீடுகள் விற்பனை ஆகாமல் கிடக்கிறது. இந்த வீடுகளின் அதிகப்படியான விலையே 45 லட்சம் தான்.

இதைச் சரி செய்ய மத்திய அரசு தற்போது வீட்டு கடனுக்காகச் செலுத்தும் வட்டிக்கு கூடுதல் வரிச் சலுகை அறிவித்துள்ளது. வீட்டு கடனுக்குச் செலுத்தும் வட்டி தொகைக்கு 2 லட்சம் ரூபாய் வரையில் இருந்த வரிச் சலுகை தற்போது 3.5 லட்சம் ரூபாய் வரை மத்திய அரசு உயர்த்தியுள்ளது.

9 நகரங்கள்

தற்போது கிடைத்துள்ள தகவல்கள் படி இந்தியாவின் முன்னணி நகரங்களான குர்காரம், நொய்டா, மும்பை, கொல்கத்தா, சென்னை, பெங்களூரு, ஹைதராபாத், புனே மற்றும் அகமதாபாத் ஆகிய 9 நகரங்களில் சுமார் 7.98 லட்ச வீடுகள் விற்பனை ஆகாமல் உள்ளது.

இதில் 4.12 லட்ச வீடுகள் 45 லட்சம் ரூபாய் மதிப்புள்ள மலிவு விலை வீடுகள்.

வேகமான விற்பனை

மத்திய அரசு அறிவித்துள்ள தளர்வுகளால் இத்துறையில் விற்பனை ஆகாமல் கிடக்கும் 8 லட்ச வீடுகள் இனி வரும் வாரங்களில் வேகமாக விற்பனை ஆகும் என எதிர்பார்க்கப்படுகிறது.

மக்களும் இந்தச் சலுகையைப் பயன்படுத்த முன்வந்து புதிய வீடுகளை வாங்க முன்வந்து உள்ளனர். ரியல் எஸ்டேட் துறையின் கதையைப் பொறுத்திருந்து பார்ப்போம்.