ஜிஎஸ்டி வசூலில் ரூ.40,000 கோடி குறையும்.. பிரச்சனை இன்னும் அதிகரிக்குமே!

Subscribe to GoodReturns Tamil
For Quick Alerts
ALLOW NOTIFICATIONS  
For Daily Alerts

அரசுக்கு முக்கிய வருவாயாக இருக்கும் ஜிஎஸ்டி வருவாய் குறையும் போது, மாநில அரசுகளுக்கு இழப்பீடு நிதி வழங்குவதில் சிக்கல் உருவாகும் வாய்ப்பும் உள்ளது என்றும் கருதப்படுகிறது.

கடந்த வெள்ளிக்கிழமையன்று கோவாவில் ஜிஎஸ்டி கூட்டத்தில், மத்திய நிதியமைச்சர் நிர்மலா சீதாராமன் கார்ப்பரேட் வரி விகிதத்தினை கிட்டதட்ட 10 சதவிகிதம் குறைத்தார். அதிலும் முன்னதாக உள்ள நிறுவனங்களுக்கு 22 சதவிகிதமாகவும், இதே புதியதாய் ஆரம்பிக்கப்படும் உற்பத்தி துறை சார்ந்த நிறுவனங்களுக்கு 15 சதவிகித கார்ப்பரேட் வரி என்றும் கூறியிருந்தார்.

ஜிஎஸ்டி வசூலில் ரூ.40,000 கோடி குறையும்.. பிரச்சனை இன்னும் அதிகரிக்குமே!

 

இதனால் நடப்பு நிதியாண்டில் கணக்கிட்டிருந்தது போல அல்லாமல் ஜிஎஸ்டி வருவாய் குறையும் என்றும் எதிர்பார்க்கப்படுகிறது.

அதிலும் தற்போது மாநில அரசின் வருடாந்திர ஜிஎஸ்டி வருவாய் பற்றாக்குறை 14 சதவிகிதத்திற்கு கீழ் குறையும்போது, மத்திய அரசு இழப்பீடு வழங்கி வருகிறது.

பொருளாதார வளர்ச்சி மிகவும் மந்தநிலையை அடைந்திருப்பதன் அறிகுறியாக கடந்த ஏப்ரல் - ஜூன் காலாண்டில், ஜிஎஸ்டி வளர்ச்சி விகிதம் வெறும் 5 சதவிகிதமாக மட்டுமே இருந்தது. இது இதற்கு முந்தைய காலாண்டில் 5.8 சதவிகிதமாக இருந்தது குறிப்பிடத்தக்கது.

மேலும் இது கடந்த ஜூன் காலாண்டில் கண்ட உற்பத்தி வளர்ச்சியானது கடந்த ஆறு ஆண்டுகளில் இல்லாத அளவுக்கு வீழ்ச்சி என்றும் கூறப்படுகிறது. கடந்த 2012 - 2013ம் வருடத்தில் இந்த ஜிடிபி வளர்ச்சியானது வெறும் 4.3 சதவிகிதமாக வளர்ச்சி கண்டது குறிப்பிடத்தக்கது.

இந்த நிலையில் மத்திய அரசு 2019 - 2020 நிதியாண்டில் ஒரு லட்சம் கோடி ரூபாய் மிகு வரி வசூல் செய்யப்படும் என்றும் கணித்திருந்தது. மேலும் இது சராசரியாக மாதம் தோறும் 8,000 கோடி ரூபாயாக இருக்கும் என்றும் கூறியிருந்தது. ஆனால், வரி வசூலானது கடந்த ஆகஸ்ட் மாதத்தில் 7,272 கோடி ரூபாய் மட்டுமே வசூலாகியுள்ளது குறிப்பிடத்தக்கது. மேலும் தற்போது செய்யப்பட்டுள்ள மாற்றங்களால் இந்த வரி வசூலானது வரும் மாதங்களில் இன்னும் குறையலாம் எனவும் கருதப்படுகிறது.

நிதியாண்டின் முதல் நான்கு மாதங்களில் மத்திய அரசு 45,784 கோடி ரூபாய் நிதியை மாநிலங்களுக்கான இழப்பீட்டு நிதியாக விடுவித்தது. மத்திய அரசின் இழப்பீடு வழங்கும் திட்டம் ஜிஎஸ்டி சட்டத்தின் படி, 5 ஆண்டுகள் வரை அமலில் இருக்கும் என்று கூறப்படும் நிலையில், பல மாநில அரசுகள் இதனை மேலும் 3 ஆண்டுகள் நீட்டிக்குமாறும் வலியுறுத்தி வருகின்றன

தமிழ் குட்ரிட்டன்ஸ் செய்திகளை உடனுக்குடன் படிக்க

English summary

Govt anticipates GST shortfall Rs.40,000 crore over all compensation in FY20

GST shortfall Rs.40,000 crore over all compensation in FY20
Company Search
Thousands of Goodreturn readers receive our evening newsletter.
Have you subscribed?
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more