அமேசானின் அதிரடி திட்டம்.. இந்திய வர்த்தகத்தினை விரிவுபடுத்த அம்பானியுடன் கூட்டணியா?

ஜியோவில் முதலீடு

பேஸ்புக், கூகுள், இன்டெல், ஜெனரல் அட்லாண்டிக், விஸ்டா ஈக்விட்டி பார்ட்னர்ஸ், அபுதாபியின் முபதாலா, சில்வர் லேக், பிஐஎஃப், குவால்காம் வென்சர்ஸ், சில்வர் லேக், பிஐஎஃப் உள்ளிட்ட பல நிறுவனங்கள் முதலீடு செய்யதுள்ளன. ஆக மொத்தத்தில் ஜியோவின் 25.24% பங்குகளை விற்பனை செய்ய உள்ளதாக அந்த நிறுவனம் தெரிவித்திருந்தது. இவற்றோடு கூகுள் நிறுவனமும் ரிலையன்ஸ் ஜியோவின் 7.7 சதவீதம் பங்கின் மூலம், 33,737 கோடி ரூபாய் முதலீடு செய்துள்ளது.

ரிலையன்ஸ் ரீடெயில் பங்குகளை வாங்க போகிறதா?

இந்த நிலையில் ஆன்லைன் சில்லறை வர்த்தகத்தில் கொடிகட்டி பறந்து வரும் அமேசான் நிறுவனம், ரிலையன்ஸ் ரீடெயில் நிறுவனத்தின் 9.9% பங்குகளை வாங்கலாம் என்றும், இதற்காக இந்த நிறுவனங்களும் பேச்சு வார்த்தை நடத்தி வருவதாகவும் இடி செய்திகள் கூறுகின்றது. ரிலையன்ஸ் நிறுவனத்தின் ஜியோமார்ட்டில் அமேசான் மூலோபாய பங்குகளை வாங்கலாம் என்றும் கூறப்படுகின்றது.

அமேசான் தரப்பில் எந்த கருத்தும் இல்லை

இந்த ஆண்டின் தொடக்கத்தில் கொரோனா வைரஸ் பரவுவதை தடுப்பதற்காக இந்தியாவில் லாக்டவுன் செய்யப்பட்ட நிலையில், உள்ளூரில் சிறிய கடைகளை திட்டமிட்டது. எனினும் அமேசான் இது குறித்து எந்தவொரு கருத்தினையும் தெரிவிக்கவில்லை. அதோடு ரிலையன்ஸ் தரப்பில் இருந்தும் அதிகாரப்பூர்வமான அறிவிப்புகள் எதுவும் வெளியாகவில்லை.

ஜியோமார்டினை மேம்படுத்த உதவும்

ஏற்கனவே கூகுள் மற்றும் பேஸ்புக் உள்ளிட்ட சில ஜாம்பவான் களால் பலத்த முதலீடுகளை திரட்டியுள்ள இந்த நிறுவனம், 5ஜி சேவைக்கு உண்டான அனைத்தும் தயார் நிலையில் இருப்பதாகவும் தெரிவித்தது. மேலும் டிஜிட்டல் வர்த்தகத்தினை இன்னும் மேம்படுத்த உள்ளதாகவும் தெரிவித்தது. இந்த நிலையில் அமேசானுடன் கைகோர்த்துள்ளது ஜியோமார்ட்டினை மேம்படுத்த உதவும் என்றும் கூறப்படுகிறது.