தங்கம் - வெள்ளி: ஆனந்த் ஸ்ரீனிவாசன் வார்னிங்.. பேண்ட் சட்டை எல்லாம் ஊறிவிடுவாங்க..!

பொருளாதார நிபுணர் ஆனந்த் ஸ்ரீனிவாசன் இன்று தங்கம் மற்றும் வெள்ளி விலை குறித்து முக்கிய எச்சரிக்கை விடுத்துள்ளார். தங்கம் விலை இன்று ரூ.100 உயர்ந்து, 22 கேரட் ஆபரணத் தங்கம் ஒரு கிராமுக்கு ரூ.15,000-ஐ தாண்டியுள்ளது. 24 கேரட் சுத்த தங்கம் ரூ.16,418-ல் உள்ளது. ஆனால் 18 கேரட் தங்கம் இன்னும் சற்று குறைந்த விலையில் கிடைக்கிறது. இதனால் தங்கம் வாங்க நினைப்பவர்களுக்கு இது சாதகமான நேரம் என்று அவர் கூறியுள்ளார்.

வெள்ளி விலை குறித்தும் அவர் முக்கிய எச்சரிக்கை விடுத்துள்ளார். வெள்ளி விலை சமீபத்தில் குறைந்து வருகிறது. ஆனால் சிறிய அளவில் உயரும் போது சந்தையில் பெரிய விலை உயர்வு ஏற்படுத்தப்படுகிறது. இதனால் வெள்ளி வாங்குவோர் மிகவும் கவனமாக இருக்க வேண்டும் என்று அவர் கூறியுள்ளார்.

"வெள்ளி விலை கீழே இருக்கும் போது அமைதியாக இருந்து, சிறிது உயரும் போது பெரிய அளவில் விலை உயர்த்துகிறார்கள்" என்று அவர் சுட்டிக்காட்டியுள்ளார். இது முதலீட்டாளர்களுக்கு பெரும் எச்சரிக்கையாக உள்ளது.

வெள்ளி வாங்கும் போது ஏமாற்றம் ஏற்பட வாய்ப்புள்ளது என்றும் அவர் குறிப்பிட்டுள்ளார். "பேண்ட் சட்டை எல்லாம் ஊறிவிடுவாங்கள்" என்று அவர் எச்சரித்துள்ளார். இதனால் வெள்ளி வாங்குவோர் மிகவும் கவனமாக இருக்க வேண்டும். சந்தையில் உள்ள மோசடிகளை தவிர்க்க வேண்டும். நம்பகமான கடைகளில் மட்டுமே வாங்க வேண்டும் என்று அவர் அறிவுறுத்தியுள்ளார்.

சர்வதேச சந்தை தாக்கம் மற்றும் உள்ளூர் தேவையின் உயர்வு காரணமாக இன்று தங்கம், வெள்ளி மற்றும் பிளாட்டினம் விலைகளில் குறிப்பிடத்தக்க மாற்றம் ஏற்பட்டுள்ளது.

இன்றைய ரீடைல் சந்தை நிலவரப்படி 24 காரட் தங்கம் ஒரு கிராமுக்கு ரூ.16,418 ஆக உயர்ந்து ரூ.109 அதிகரித்துள்ளது. அதேபோல் நகை தயாரிப்புக்கு அதிகம் பயன்படுத்தப்படும் 22 காரட் தங்கம் ஒரு கிராமுக்கு ரூ.100 அதிகரித்து ரூ.15,050 ஆக உயர்ந்துள்ளது . இதே நேரத்தில் 18 காரட் தங்கத்தின் விலை மட்டும் சற்று குறைந்து ஒரு கிராமுக்கு ரூ.110 குறைந்து ரூ.12,890 ஆக உள்ளது.

மறுபுறம் வெள்ளி விலையும் குறிப்பிடத்தக்க அளவில் உயர்ந்துள்ளது. ஒரு கிராம் வெள்ளி ரூ.10 அதிகரித்து ரூ.300 ஆக உயர்ந்துள்ளது. அதேபோல் ஒரு கிலோ வெள்ளி ரூ.10,000 வரை அதிகரித்து ரூ.3,00,000 ஆக உயர்ந்துள்ளது. தொழில்துறை பயன்பாடு மற்றும் முதலீட்டு தேவை அதிகரித்ததாலும் வெள்ளி விலையில் இந்த உயர்வு ஏற்பட்டுள்ளதாக சந்தை வட்டாரங்கள் தெரிவிக்கின்றன.

இதற்கிடையில் பிளாட்டினம் விலையிலும் பெரிய உயர்வு பதிவாகியுள்ளது. ஒரு கிராம் பிளாட்டினம் ரூ.349 உயர்ந்து ரூ.6,592 ஆக உள்ளது. அதேபோல் 10 கிராம் பிளாட்டினம் விலை ரூ.3,490 அதிகரித்து ரூ.65,920 ஆக உயர்ந்துள்ளது.

இதேபோல் சர்வதேச சந்தைகளில் தங்கம் விலை இன்று (மார்ச் 10) 1.5 சதவீதத்துக்கு மேல் உயர்ந்துள்ளது. வெள்ளி விலை கிட்டத்தட்ட 5 சதவீதம் தாவியுள்ளது. இந்த உயர்வுக்கு முக்கிய காரணம் அமெரிக்க அதிபர் டொனால்ட் டிரம்பின் அதிரடியான கருத்து தான்.

ஈரான் போர் "மிக விரைவில் முடிவுக்கு வரும்" என்று அவர் கூறியதால், போர் பதற்றம் குறையும் என்ற எதிர்பார்ப்பு ஏற்பட்டுள்ளது. இதனால் கச்சா எண்ணெய் விலை கடுமையாக சரிந்துள்ளது. ஹார்முஸ் ஜலசந்தி பாதிப்பு அச்சம் குறையும் என்ற நம்பிக்கை காரணமாக கச்சா எண்ணெய் விலையும் குறைந்துள்ளது.

WTI கச்சா எண்ணெய் விலை இன்று ஒரு நாள் வர்த்தகத்தில் மட்டும் 11.06 சதவீதம் குறைந்து 84.29 டாலராக உள்ளது.பிரெண்ட் கச்சா எண்ணெய் விலை 10.52 சதவீதம் குறைந்து 88.55 டாலராக உள்ளது.

இதேவேளையில் தங்கம் விலை சரிவில் இருக்கும் போது இதை வாங்குபவர்கள் அதிகரித்துள்ளனர். உலக சந்தைகளில் ஏற்பட்டுள்ள ஏற்ற இறக்கம் (noisy behavior) தங்கத்தை பாதுகாப்பான முதலீடாக மாற்றியுள்ளது. அமெரிக்க சந்தையில் வர்த்தகம் துவங்கிய பின்பு இன்று சர்வதேச சந்தையில் ஒரு அவுன்ஸ் தங்கம் விலை 1.76 சதவீதம் அதிகரித்து 5227 டாலராக உள்ளது. வெள்ளி விலை 3 சதவீதம் உயர்ந்து 89.63 டாலராக உள்ளது.

உலகில் இரண்டு பெரிய போர்கள் நடைபெற்று வருவதால், உலக நாடுகளில் மத்திய வங்கிகள் தங்கம் வாங்குவது தொடர்கிறது. இது தங்கத்துக்கு ஆதரவாக உள்ளது. $5,000 என்ற அளவு மிக முக்கியமான தளமாக (major floor) செயல்படுகிறது. இது உளவியல் ரீதியாக முதலீட்டாளர்களை ஈர்க்கிறது. எனவே, குறுகிய கால சரிவுகள் வாங்குவதற்கு சிறந்த வாய்ப்பாக உள்ளன.

மேலும் சந்தை நிபுணர்கள் கூறுவது, தங்கம் விலை இன்னும் உயரும் வாய்ப்புள்ளது. சர்வதேச சந்தைகளில் தொடர்ந்து ஏற்ற இறக்கம் நீடிக்கிறது. இதனால் தங்கம் மீது நம்பிக்கை அதிகரித்துள்ளது. போர் முடிவுக்கு வந்தாலும், பணவீக்க அச்சம் மற்றும் மத்திய வங்கிகளின் தங்கம் வாங்குவதல் தங்கத்துக்கு ஆதரவாக இருக்கும். குறுகிய காலத்தில் ஏற்படும் சரிவுகளை வாங்குவதற்கு பயன்படுத்தலாம். இது மொத்த போக்கை தொடர உதவும்.

மொத்தத்தில், டிரம்பின் "போர் விரைவில் முடியும்" என்ற கருத்து தங்கம் மற்றும் வெள்ளி விலையை உயர்த்தியுள்ளது.