தூள் கிளப்பிய பஜாஜ் குழும நிறுவனங்கள்.. எவ்வளவு லாபம் தெரியுமா?

பஜாஜ் பைனான்ஸ் நிறுவனத்தின் ஒருங்கிணைந்த நிகரலாபம் 40% அதிகரித்து, 2973 கோடி ரூபாயாக அதிகரித்துள்ளது. இதே கடந்த நிதியாண்டின் இதே காலாண்டில் நிகரலாபம் 2125.29 கோடி ரூபாயாக அதிகரித்துள்ளது.

இதன் மொத்த வருவாய் விகிதமானது செயல்பாட்டின் மூலம் 26.3% அதிகரித்து, 10,784.30 கோடி ரூபாயாக அதிகரித்துள்ளது. இது கடந்த ஆண்டில் 8539.13 கோடி ரூபாயாக இருந்தது.

இதன் நிகர வட்டி வருவாய் விகிதமானது 22% அதிகரித்து, 7435 கோடி ரூபாயாக அதிகரித்துள்ளது. இது கடந்த ஆண்டு 6005 கோடி ரூபாயாக இருந்தது.

ஒரே நேரத்தில் 5 வீடுகளை வாங்கிய பஜாஜ் குடும்பம்.. அடேங்கப்பா விலை என்ன தெரியுமா..?!! ஒரே நேரத்தில் 5 வீடுகளை வாங்கிய பஜாஜ் குடும்பம்.. அடேங்கப்பா விலை என்ன தெரியுமா..?!!

நிர்வாகத்தின் கீழ் உள்ள அசெட்

இதே இந்த நிறுவனத்தின் நிர்வாகத்தின் கீழ் உள்ள அசெட் விகிதம் 27% அதிகரித்து, 1,68,359 கோடி ரூபாயாக டிசம்பர் காலாண்டில் அதிகரித்துள்ளது. இதே கடந்த ஆண்டில் 1,32,913 கோடி ரூபாயாக இருந்தது.

இதே இதன் புதிய கடன் விகிதம் இதுவரையில் இல்லாத அளவுக்கு 7.84 மில்லியனாக அதிகரித்துள்ளது.

கஸ்டமர் பிரான்ஸிசி

இதே கஸ்டமர் பிரான்சிஸியானது 66.05 மில்லியனாக இருந்தது. இது கடந்த ஆண்டில் 55.36 மில்லியனாக இருந்தது. இது 19% வளர்ச்சியினை கண்டுள்ளது. இது வரை இல்லாத அளவுக்கு ஒரு காலாண்டில் 3.14 மில்லியன் அதிகரிப்பினை கண்டுள்ளது.

செயல்பாட்டு செலவினம்

இந்த நிறுவனத்தின் செயல்பாட்டு செலவினம் என்பது மூன்றாவது காலாண்டில் 34.7% அதிகரித்துள்ளது. இது இரண்டாவது காலாண்டில் 35.9% ஆக இருந்தது. இது முந்தைய ஆண்டினை காட்டிலும் நிலையானதாக இருந்தது.

இதே டிசம்பர் காலாண்டில் கடன் மற்றும் புரவீசன்ஸ் 811 கோடி ரூபாயாக இருந்தது. இது முந்தைய ஆண்டில் 995 கோடி ரூபாயாக இருந்தது குறிப்பிடத்தக்கது.

வாரக்கடன் சரிவு

இந்த நிறுவனத்தின் மொத்த வாரக்கடன் மற்றும் நிகர வாராக்கடன் விகிதமானது, டிசம்பர் காலாண்டில் 1.14% மற்றும் 0.41% ஆக இருந்தது. இது கடந்த ஆண்டில் 1.73% மற்றும் 0.78% ஆக இருந்தது.

பஜாஜ் ஆட்டோ நிகரலாபம்

இதே பஜாஜ் ஆட்டோ நிறுவனத்தின் ஒருங்கிணைந்த நிகர லாபம், 5.42% அதிகரித்து, 3,918.70 கோடி ரூபாயாக அதிகரித்துள்ளது. இதன் ஒருங்கிணைந்த நிகர லாபம் 3.01% அதிகரித்து, 1472.70 கோடி ரூபாயாக அதிகரித்துள்ளது.

இதே இதன் செயல்பாட்டின் மொத்த வருவாய் விகிதம், 9318.54 கோடி ரூபாயாக அதிகரித்துள்ளது. இதே ஒருங்கிணைந்த வரிக்கு பிந்தைய ஒருங்கிணைந்த லாபம் 1944.52 கோடி ரூபாயாக அதிகரித்துள்ளது. இது ஆண்டுக்கு 8.73% அளவுக்கு வளர்ச்சியினை பதிவு செய்துள்ளது.

எபிட்டா விகிதம்

இதன் எபிட்டா விகிதமானது 29% அதிகரித்து, 1777 கோடி ரூபாயாக அதிகரித்துள்ளது. இதே இதன் எபிட்டா மார்ஜின் விகிதம் 390 அடிப்படை புள்ளிகள் அதிகரித்து, 19.1% ஆக அதிகரித்தது. இதெ கடந்த ஆண்டில் 15.2%4 ஆக இருந்தது. இதே இதன் மொத்த வாகன விற்பனை விகிதம் 17% அதிகரித்து, 9,83,276 யூனிட்களாகவும் அதிகரித்துள்ளது. இது முந்தைய ஆண்டில் 11,81,361 வாகனங்களாக இருந்தது. மொத்த உள்நாட்டு வாகன விற்பனையானது 4% அதிகரித்துள்ளது. இதே ஏற்றுமதியானது 33% சரிவினைக் கண்டுள்ளது. இதற்கிடையில் பஜாஜ் ஆட்டோ லிமிடெட் பங்கு விலைய்யானது 5.90% அதிகரித்து, 3936.75 ரூபாயாக முடிவடைந்துள்ளது.

தமிழ் குட்ரிட்டன்ஸ் செய்திகளை உடனுக்குடன் படிக்க