22 காரட் தங்கமா.. அதெல்லாம் பழைய டிரெண்ட்.. இப்போ நிலைமையே வேற..!!

பொதுவாக தமிழ்நாடு உள்ளிட்ட சில மாநிலங்களில் 22 காரட் தங்கம் வாங்குவதுதான் வழக்கமாக உள்ளது. அனைவரது பார்வையும் தூய தங்கமான 24 காரட்டை தாண்டிலும் 22 காரட்டில் தான் உள்ளது. 24 காரட் விலை அதிகம் என்பதால், தங்கம் வாங்குவோர் 22 காரட்டை தேர்ந்தெடுக்கின்றனர். ஆனாலும், இப்போது அதை காட்டிலும் குறைவான காரட் தங்கத்தை வாங்க ஆர்வம் காட்டுவதாக நகை விற்பனையாளர்கள் சங்கம் தெரிவித்துள்ளது.

சமீபகாலமாக, தொடர்ந்து தங்கம் விலை உயர்ந்து வருவதால், பல இந்திய குடும்பங்கள் தங்கள் வரவு செலவுத் திட்டத்தை கருத்தில் கொண்டு, குறைந்த எடையுள்ள மற்றும் குறைந்த 18 காரட் நகைகளைத் தேர்வு செய்வதாக தொழில்துறை அதிகாரிகள் தெரிவித்துள்ளனர்.

பெரும்பாலான மக்கள் பாரம்பரிய நகைகளை மட்டுமே விரும்புவார்கள், ஆனால் இப்போது அவர்கள் அதை தங்கள் பட்ஜெட்டுக்கு ஏற்றவாறு குறைவாக காரட் வடிவமைப்புகளில் வடிவமைக்க விரும்புகிறார்கள் என்று நகை விற்பனையாளர் நெமிசந்த் பமல்வா & சன்ஸ் பங்குதாரர் பச்ராஜ் பமல்வா கூறியுள்ளார். இந்த விருப்பத்தை அங்கீகரித்து, கனமான வடிவமைப்புகளின் எங்கள் சரக்குகளை குறைக்கும் அதே வேளையில், நாங்கள் அதிக எடை குறைந்த நகைகளை சேமித்து வைக்கிறோம் என்று பமல்வா தெரிவித்துள்ளார்.

இதுகுறித்து, மும்பையைச் சேர்ந்த ஷுபாங்கி மோர் என்ற ஒருவர் கூறுகையில், அவருடைய மகளுக்கு 80 கிராம் தங்கத்தை பரிசளிக்க விரும்பியதாகவும், ஆனால் கடந்த இரண்டு ஆண்டுகளில் தங்கத்தின் விலை உயர்ந்து வருவதை கருத்தில்கொண்டு, அதை 50 கிராமாக குறைக்க வேண்டிய கட்டாயம் ஏற்பட்டதாகவும் கூறியுள்ளார்.

அதேபோல், உற்பத்தி தொழில்நுட்பத்தில் ஏற்பட்டுள்ள முன்னேற்றங்கள், நகை தயாரிப்பாளர்கள் குறைந்த எடையில் பாரம்பரிய வடிவமைப்புகளை வடிவமைக்க உதவுகின்றன என்று உலக தங்க கவுன்சிலின் இந்திய செயல்பாடுகளின் தலைமை நிர்வாக அதிகாரி சச்சின் ஜெயின் கூறினார்.

இந்தியர்கள் பாரம்பரியமாக 22 காரட் தங்கத்தில் செய்யப்பட்ட நகைகளை விரும்புகிறார்கள். அதில் 91.7% தூய தங்கம் உள்ளது. அதே நேரத்தில் 18 காரட் தங்கத்தில் 75% தூய தங்கம் மற்றும் 25% மற்ற தங்கங்களில் உள்ளன. 18 காரட் தங்கத்தின் விலை 22 காரட் தங்கத்தை விட கிட்டத்தட்ட ஐந்தில் ஒரு பங்கு குறைவு ஆகும்.

குறைந்த விலை மற்றும் அதிக ஆயுள் 18 காரட் நகைகளை பெருகிய முறையில் பிரபலமாக்குகிறது. மொத்த விற்பனையில் அதன் பங்கு 15% ஆக உயர்ந்துள்ளது. இது இரண்டு ஆண்டுகளுக்கு முன்பு 5% முதல் 7% ஆக இருந்தது என்று இந்தியா புல்லியன் மற்றும் நகை வியாபாரிகள் சங்க செயலாளர் சுரேந்திர மேத்தா கூறினார்.

உலகின் இரண்டாவது பெரிய தங்கம் வாங்கும் நாடாக இந்தியா உள்ள நிலையில், தங்கத்தின் விலை 2023 இல் 15% உயர்ந்த பிறகு, இந்த ஆண்டு இதுவரை 22% உயர்ந்துள்ளது.