தங்கம் விலை இனி என்னவாகுமோ.. இறக்குமதி 94% வீழ்ச்சி..!

பொதுவாக ஒரு பொருளுக்கு சந்தையில் பற்றாக்குறை இருந்தாலே விலை அதிகரிக்கும் என்று கூறுவார்கள்.

இந்த நிலையில் ஏப்ரல் முதல் ஜூன் காலாண்டில் தங்கம் இறக்குமதியானது 94% வீழ்ச்சி கண்டு, 688 மில்லியன் டாலர்களாக சரிந்துள்ளது. இதன் மதிப்பு 5,160 கோடி ரூபாயாகும்.

இது குறித்து வெளியான அறிக்கையின் படி, கடந்த ஆண்டு இதே காலத்தில் தங்கம் இறக்குமதியானது 11.5 பில்லியன் டாலர்களாக அதாவது, 86,250 கோடி ரூபாயாக அதிகரித்துள்ளது.

வெள்ளி இறக்குமதி

தங்கம் இறக்குமதி தான் இப்படி எனில், வெள்ளி விலை இறக்குமதி 45% சரிந்துள்ளதாகவும் தரவுகள் கூறுகின்றன. வெள்ளி இறக்குமதி 45% குறைந்து, 575 மில்லியன் டாலர் குறைந்துள்ளது. இதன் மதிப்பு 4,300 கோடி ரூபாயாகும்.

வர்த்தக பற்றாக்குறை

தங்கம் மற்றும் வெள்ளியின் இறக்குமதி வீழ்ச்சியானது வர்த்தக பற்றாக்குறைக்கு கைகொடுத்துள்ளது. இந்த நிலையில் நடப்பு ஆண்டின் முதல் காலாண்டில் ஏற்றுமதி இறக்குமதிக்கு இடையிலான பற்றாக்குறையானது முதல் காலாண்டில் 9.12 பில்லியன் டாலர் ஆக உள்ளது என்று தரவுகள் கூறுகின்றன. இது கடந்த ஆண்டில் 45.96 பில்லியன் டாலராக இருந்தது குறிப்பிடத்தக்கது.

இறக்குமதி வீழ்ச்சி

கடந்த ஆண்டு இறுதி முதலே தங்கம் இறக்குமதியானது எதிர்மறையாக பதிவு செய்து வருகிறது. மார்ச், ஏப்ரல் மே மாதம் மற்றும் ஜூன் மாதங்களில் முறையே வீழ்ச்சி 62.6%. 99.93% மற்றும் 94.4% 77.4% வீழ்ச்சி என பதிவு செய்துள்ளது. உலகளவில் தங்கம் இறக்குமதி செய்யப்படும் நாடுகளில் இந்தியா முக்கிய பங்கு வகிக்கிறது.

நகை ஏற்றுமதி வீழ்ச்சி

இறக்குமதி செய்யப்படும் தங்கத்தினை பெரும்பாலும் மீண்டும் நகைகளாக ஏற்றுமதி செய்யப்படுகிறது. இந்தியா ஆண்டு தோறும் 800 - 900 டன் தங்கத்தினை இறக்குமதி செய்கிறது. ஏப்ரல் முதல் ஜூன் காலாண்டில் ஜெம்ஸ் அன்ட் ஜூவல்லரி ஏற்றுமதி 72% குறைந்து 2.7 பில்லியன் டாலர்களாக குறைந்துள்ளது.

இறக்குமதி குறையலாம்

கடந்த ஆண்டு 2019-2020 தங்கம் இறக்குமதியானது 11.5 பில்லியன் டாலர் மதிப்பில் (86,250 கோடி ரூபாயாக) இறக்குமதி செய்யப்பட்டுள்ளது. இந்த நிலையில் நாட்டில் நிலவி வரும் நெருக்கடி நிலைக்கு மத்தியில் இனியும் தங்கம் இறக்குமதி குறையலாம் என்றே நிபுணர்கள் மத்தியில் கூறப்படுகிறது.