வாரத்தின் முதல் நாளே தங்கம் கொடுத்த ஹேப்பி நியூஸ்.. ஒரு சவரன் ரூ.92,320-க்கு விற்பனை.!!

வாரத்தின் முதல் நாளான இன்று (நவம்பர் 18), ஆபரணத் தங்கத்தின் விலை சற்று குறைந்துள்ளது. இது நகை வாங்குவோர் மற்றும் முதலீட்டாளர்கள் மத்தியில் ஒருவித நிம்மதியை அளித்துள்ளது. சென்னையில் இன்று 22 காரட் ஆபரணத் தங்கத்தின் விலை சவரனுக்கு ரூ.80 குறைந்துள்ளது. கிராமுக்கு ரூ.10 குறைந்து, ஒரு கிராம் ரூ.11,540-க்கு விற்பனை செய்யப்படுகிறது.சவரனுக்கு ரூ.80 குறைந்து, ஒரு சவரன் ரூ.92,320-க்கு விற்பனையாகிறது.

24 காரட் தங்கத்தை பொறுத்தவரையில், இன்று அதன் விலை ஆனது கிராமுக்கு நேற்றைய விலையிலிருந்து ரூ.11 குறைந்து ரூ.12,589 ஆக விற்பனையாகிறது. சவரனுக்கு ரூ.88 குறைந்து சுமார் ரூ.1,00,712 ஆக விற்பனையாகிறது.

அதேபோல், 18 காரட் தங்கம் கிராமுக்கு ரூ.15 குறைந்து ரூ.9,625க்கும் சவரனுக்கு ரூ.120 குறைந்து ரூ.77000 ஆக விற்பனையாகிறது.

இன்றைய (நவம்பர் 18) வெள்ளி விலை நிலவரம்: தங்கத்தைப் போலவே, வெள்ளியின் விலையும் இன்று சற்று குறைந்துள்ளது. கிராமுக்கு ரூ.2 குறைந்து, ஒரு கிராம் ரூ.173-க்கு விற்பனை செய்யப்படுகிறது. கிலோவுக்கு ரூ.2,000 குறைந்து, ஒரு லட்சத்து 73 ஆயிரம் ரூபாய்க்கு விற்பனை செய்யப்படுகிறது.

சந்தையின் போக்கு: கடந்த சில நாட்களாகத் தங்கம் விலை பெரும் ஏற்ற இறக்கங்களைச் சந்தித்து வருகிறது. நவம்பர் 15 அன்று சவரனுக்கு ரூ.1,520 அதிரடியாகக் குறைந்து, கடந்த 2 நாட்களில் மட்டும் ரூ.2,800 சரிந்திருந்தது. அந்தச் சரிவுக்குப் பிறகு இன்று மீண்டும் ஒரு சிறிய விலை குறைவு ஏற்பட்டுள்ளது.

தங்கத்தின் விலை சர்வதேசப் பொருளாதார நிலவரங்கள், மத்திய வங்கிகளின் வட்டி விகிதக் கொள்கைகள், அமெரிக்க டாலரின் மதிப்பு, புவிசார் அரசியல் பதட்டங்கள் மற்றும் உலகளாவிய பணவீக்க எதிர்பார்ப்புகள் போன்ற பல்வேறு காரணிகளைப் பொறுத்து மாறுபடுகிறது.

தங்கம் மற்றும் வெள்ளி ஆகியவை பாதுகாப்பான முதலீடுகளாகக் கருதப்படுகின்றன. சந்தையில் நிச்சயமற்ற தன்மை நிலவும்போது, முதலீட்டாளர்கள் தங்கத்தின் மீது அதிக ஆர்வம் காட்டுவார்கள். தற்போது ஏற்பட்டுள்ள விலை குறைவு, குறுகிய கால முதலீட்டாளர்கள் அல்லது நகை வாங்குவதற்குத் திட்டமிட்டிருப்பவர்களுக்கு ஒரு நல்ல வாய்ப்பாக அமையலாம். இருப்பினும், சந்தையின் போக்கு எப்போது வேண்டுமானாலும் மாறலாம் என்பதால், முதலீட்டாளர்கள் உன்னிப்பாகக் கவனித்து, நிபுணர்களின் ஆலோசனையைப் பெற்று முடிவுகளை எடுப்பது நல்லது.