மீண்டும் உயர்ந்த தங்கம்.. 1 கிராம் 22 கேரட் ரூ. 6945-க்கு விற்பனை.. கோவையில் 1 சவரன் எவ்வளவு தெரியுமா?

நவம்பர் 15-ஆம் தேதியான இன்றைய நிலவரப்படி தங்கம் விலை 10 ரூபாய் அதிகரித்திருக்கிறது. கடந்த மூன்று நாட்களாக தங்கம் விலை தொடர்ந்து குறைந்து கொண்டே வந்தது. இதனால் 1300 ரூபாய்க்கு மேல் விற்பனை செய்யப்பட்ட 22 கேரட் தற்போது 7,000 ரூபாய்க்கும் கீழ் குறைந்தது. ஆனால் இன்று மீண்டும் கிராமுக்கு 10 ரூபாய் அதிகரித்துள்ளது. ரீடைல் சந்தையில் இன்று 1 கிராம் 22 கேரட் தங்கம் 6945-க்கும், 1 கிராம் 24 கேரட் தங்கம் ரூ.7576-க்கும் விற்பனையாகிறது.

கோவை, மதுரையில் இன்றைய தங்கம் விலை நிலவரம்: தமிழகத்தின் முக்கிய நகரங்களான சென்னை, கோயம்பத்தூர், திருச்சி, சேலம் போன்ற நகரங்களில் இன்று 1 கிராம் 22 கேரட் தங்கம் விலை 10 ரூபாய் அதிகரித்து ரூ.6945-க்கு விற்பனையாகிறது. நேற்று ரூ.6935 ரூபாயாக இருந்தது. 1 சவரன் 22 கேரட் தங்கம் 80 ரூபாய் அதிகரித்து ரூ. 55,560-க்கும், 10 கிராம் 22 கேரட் தங்கம் 100 ரூபாய் அதிகரித்து ரூ. 69450-க்கும் விற்பனையாகிறது.

1 கிராம் 24 கேரட் தங்கம் ரூ.11 அதிகரித்து ரூ. 7576-க்கும், 1 சவரன் 24 கேரட் தங்கம் 88 ரூபாய் அதிகரித்து ரூ.60,608-க்கும், 10 கிராம் 24 கேரட் தங்கம் 110 ரூபாய் அதிகரித்து ரூ.75,760-க்கும் விற்பனையாகிறது.

கடந்த 3 நாட்களாக குறைந்து வந்த தங்கம் விலை இன்று மீண்டும் அதிகரிக்க தொடங்கி இருக்கிறது. இதே நிலை இனிவரும் நாட்களிலும் தொடருமா? என்பதை நம்மால் கணித்து கூறி விட முடியாது. ஏனெனில் தங்கம் விலை மத்திய மாநில அரசு வரி, தங்கத்திற்கான தேவை போன்றவற்றை பொறுத்து மாறுபடலாம். தங்கத்திற்கான மிகப்பெரிய நுகர்வோராக சீனா உள்ளது. அதற்கு அடுத்த இடத்தில் தான் இந்தியா இருக்கிறது.

சீனாவில் தங்கத்திற்கான தேவை குறையும் பட்சத்தில் அது உலக அளவில் குறைந்ததாக கருதப்படும். இதன் காரணமாக தங்கம் விலை குறைய வாய்ப்பிருக்கிறது. ஒருவேளை தொடர்ந்து தங்கத்திற்கான டிமாண்ட் அதிகரித்தால் அதன்போது விலை அதிகரிக்கலாம். அதோடு மத்திய மாநில அரசு வரியும் தங்க விலையில் தாக்கத்தை ஏற்படுத்துகிறது.

ஒவ்வொரு மாநிலத்திற்கும் ஏற்ப இந்த வரி மாறுபடும் இதனால் தான் இந்தியாவின் பல்வேறு நகரங்களிலும் வெவ்வேறு விலைகளில் தங்கம் விற்பனையாகிறது. மேலும் மேலே கூறப்பட்டுள்ள விலை தங்கத்திற்கானது மட்டுமே. இதோடு உள்ளூர் நகைக்கடை சங்கங்களின் விலை, தங்க நகைகளின் மேக்கிங் சார்ஜஸ், ஜிஎஸ்டி போன்ற அனைத்தையும் கருத்தில் கொண்டு தான் இறுதியாக நுகர்வோரிடம் தங்கம் விற்பனையாகிறது.

வெள்ளி விலை நிலவரம்: இன்று வெள்ளி விலையில் எந்த மாற்றமும் இல்லை. 1 கிராம் 99 ரூபாய்க்கு விற்பனையாகிறது. சென்னை, கோவை மற்றும் மதுரையில் இன்று 1 கிலோ வெள்ளி ரூ.99,000 ரூபாயாக உள்ளது.