தங்கம் விலை கிடுகிடு.. 1 சவரனுக்கு ரூ. 400 அதிகரிப்பு.. நகைப்பிரியர்களுக்கு ஷாக் நியூஸ்!

ஆகஸ்ட் 21-ஆம் தேதி அன்று தங்கம் விலை கிராமுக்கு 50 ரூபாய் அதிகரித்து நகை பிரியர்களுக்கு அதிர்ச்சி அளித்துள்ளது. ரீடைல் சந்தையில் இன்று 22 கேரட் தங்கத்தின் 1 கிராம் விலை ரூ.6,710 ஆகவும், அதேபோல் 24 கேரட் தங்கத்தின் 1 கிராம் விலை ரூ.7,320 ஆகவும் உள்ளது. இன்றைய நிலவரப்படி கோவை மதுரையில் தங்கம் விலை நிலவரம் குறித்து பார்ப்போம்.

கோவை மற்றும் மதுரையில் இன்றைய தங்கம் விலை: கோயம்புத்தூர் மற்றும் மதுரையில் இன்று 1 கிராம் 22 கேரட் தங்கம் விலை 50 ரூபாய் அதிகரித்து 6,710 ரூபாய்க்கு விற்பனை செய்யப்படுகிறது.

அதேபோல 1 சவரன் 22 கேரட் தங்கம் விலை 400 ரூபாய் அதிகரித்து ரூ. 53,680 ரூபாய்க்கு விற்பனை செய்யப்படுகிறது. 1 கிராம் 24 கேரட் தங்கம் விலை 55 ரூபாய் அதிகரித்து 7,320 ரூபாயாக உள்ளது. 1 சவரன் 24 கேரட் தங்கத்தின் விலை 440 ரூபாய் அதிகரித்து 58,560 ரூபாய்க்கு விற்பனை செய்யப்படுகிறது.

கோயம்புத்தூர் மற்றும் மதுரையில் இன்றைய வெள்ளி விலை நிலவரம்: இன்றைய நிலவரப்படி 1 கிராம் வெள்ளி 92 ரூபாய்க்கு விற்பனை செய்யப்படுகிறது. வெள்ளி விலை நேற்றைய விலையில் எந்த வித மாற்றமும் இல்லாமல் சீராக உள்ளது. 1 கிலோ வெள்ளி சென்னை, கோயம்புத்தூர் மற்றும் மதுரையில் 92,000 ரூபாயாக உள்ளது.

தங்கம் விலை தொடர்ந்து 3 நாட்களாக அதிகரித்துக் கொண்டே செல்கிறது. அதன்படி இந்த மாத ஆகஸ்ட் 7-ஆம் தேதிக்கு பிறகு தொடர்ந்து தங்கம் விலையில் மாற்றம் இருந்து கொண்டே இருக்கின்றன. இது நகைப்பிரியர்களுக்கு சற்று வேதனை அளிக்கும் ஒன்றாக மாறியுள்ளது என்று தான் சொல்ல வேண்டும்.

பண வீக்கத்திற்கு எதிராக மக்கள் நம்பும் ஒரு முதலீடு என்றால் அது தங்க நகைகள் தான். சிறுசேமிப்பு திட்டங்களில் நீண்ட நாட்கள் முதலீடு செய்வது பணம் வீக்கத்திற்கு எதிராக பலன் தராது என்று எண்ணும் குடும்பங்கள் அதிக அளவில் இருக்கின்றன. இது போன்ற மக்களுக்கு இந்த விலை ஏற்றம் சற்று கவலை அளிக்கும் ஒன்றாகவே உள்ளது.

அதுவும் ஆடி மாதத்தில் எந்த திருமணங்களும் நடந்து இருக்காது. எனவே இனி வரும் மாதங்கள் திருமண சீசன் என்பதால் தங்க நகைகளுக்கு டிமாண்ட் அதிகரித்து.. இதேபோன்று விலை அதிகரிக்கலாம் என்றே கூறப்படுகிறது.