ரூ.80,000-த்தை கடந்த தங்கம் விலை.. கோவை, மதுரையில் 1 கிராம் விலை எவ்வளவு தெரியுமா?

அக்டோபர் 23-ஆம் தேதியான இன்றைய நிலவரப்படி தங்கம் விலை கிராமுக்கு 40 ரூபாய் அதிகரித்துள்ளது. இன்றைய தினம் 24 கேரட் தங்கம் 8,000 என்ற மிகப்பெரிய விலையை எட்டியுள்ளது. 2025 ஆம் ஆண்டுக்குள் ஒரு சவரன் தங்கம் ஒரு லட்ச ரூபாயை எட்டு விடும் என்ற நிபுணர்களின் கருத்து பலித்து விடும் சூழல் தான் தற்போது நிலவி வருகிறது. இன்றைய தினம் ரீடைல் சந்தையில் 1 கிராம் தங்கம் விலை 7,340 ரூபாயாகவும், அதேபோல 1 கிராம் 24 கேரட் தங்கம் விலை 8,007 ரூபாயாகவும் உள்ளது.

கோவை மதுரையில் இன்றைய தங்கம் விலை நிலவரம்: கோவை மற்றும் மதுரையில் இன்று 1 தங்கம் விலை 40 ரூபாய் அதிகரித்துள்ளது. 1 கிராம் 22 கேரட் தங்கம் 7,340-க்கும், 1 சவரன் 22 கேரட் தங்கம் 58,720-க்கும் விற்பனையாகிறது. நேற்றுடன் ஒப்பிடுகையில் இன்று 1 சவரன் 22 கேரட் தங்கம் ரூ.320 அதிகரித்துள்ளது.

1 கிராம் 24 கேரட் தங்கம் 43 ரூபாய் அதிகரித்து 8,007 ரூபாய்க்கு விற்பனையாகிறது. 1 சவரன் 24 கேரட் தங்கம் 64,056 ரூபாயாக உள்ளது. நேற்றோடு ஒப்பிடுகையில் இன்று சவரனுக்கு 344 ரூபாய் அதிகரித்துள்ளது.

பொதுவாக 22 கேரட் தங்கம் மென்மையாக இருக்கிற காரணத்தினால் இதை வைத்து நகைகள் செய்ய முடியாது. 24 கேரட், 23 கேரட் போன்றவற்றில் மட்டுமே நகைகள் செய்யப்படுகிறது. ஆனால் இந்த விலைதான் இறுதி விலையா? என்று கேட்டால் அது கிடையாது.

நகைகள் செய்வதற்கு மேக்கிங் சார்ஜஸ், ஜிஎஸ்டி போன்ற இதர கட்டணங்களும் சேர்த்து தான் வாடிக்கையாளர்களுக்கு விற்பனை செய்யப்படுகிறது. இன்று 24 கேரட் தங்கத்தின் 10 கிராம் விலை 80,000 ரூபாயை எட்டியுள்ளது. இதோடு மேக்கிங் சார்ஜஸ், ஜிஎஸ்டி போன்ற கட்டணங்களையும் சேர்த்து வாங்கும்போது மக்களுக்கு மிகவும் விலை உயர்ந்ததாக தோன்றலாம். சாமானியர்களுக்கும் சங்கடம் தரும் வகையில் தங்கம் விலையில் இன்று மிகப்பெரிய ஏற்றம் உள்ளது.

பட்ஜெட்டில் ஏற்பட்ட சுங்க கட்டண குறைப்பிற்கு பிறகு தங்கம் விலை வெகுவாக குறைந்தது. அதன் பிறகு மீண்டும் ஏறத் தொடங்கியது. ஆனால் அப்போதே நகை கடைக்காரர்கள் சிலர் நகைகளை வாங்கி ஸ்டாக் செய்து கொண்டனர். இதன் காரணமாக 2024-ஆம் ஆண்டில் தங்கத்தின் சில்லறை விற்பனை 22 சதவீதம் முதல் 25 சதவீதம் வரை அதிகரிக்கும் என்று அறிக்கையில் தெரிவிக்கப்பட்டுள்ளது.

வெள்ளி விலை நிலவரம்: வெள்ளி விலை இன்றைய தினம் 2 ரூபாய் அதிகரித்து கிராம் ரூ.112 ரூபாயை எட்டியுள்ளது. இதனால் சென்னை, கோவை மற்றும் மதுரையில் 1 கிலோ வெள்ளி விலை 1,12,000 ரூபாயாக உள்ளது.