எம்சிஎக்ஸ் சந்தையின் மாலை வர்த்தகத்தில் 10 கிராம் 24 கேரட் தங்கத்தின் விலை 0.77 சதவீதம் சரிந்து 46,937 ரூபாயாகச் சரிந்துள்ளது. இதேபோல் ஒரு கிலோ வெள்ளியின் விலை 1.75 சதவீதம் வரையில் சரிந்துள்ளதால் 67,751.00 ரூபாயாகக் குறைந்துள்ளது.
எம்சிஎக்ஸ் சந்தையில் ஏற்பட்டு உள்ள வீழ்ச்சி, ரீடைல் சந்தையிலும் எதிரொலித்துள்ளது. சென்னையில் இன்று 24 கேரட் தங்கத்தின் விலை கிராமுக்கு 31 ரூபாய் குறைந்து 4,840 ரூபாய்க்கும், 22 கேரட் தங்கத்தின் விலை கிராமுக்கு 27 ரூபாய் சரிந்து 4,438 ரூபாயாகக் குறைந்துள்ளது.
இதன் மூலம் ஒரு சவரன் தங்கத்தின் விலை இன்று ஒரு நாளில் மட்டும் 216 ரூபாய் சரிந்து 35,504 ரூபாய்க்கு விற்பனை செய்யப்படுகிறது. இதேபோல் ஒரு கிலோ பார் வெள்ளியின் விலை 500 ரூபாய் அளவிற்குச் சரிந்து 73,500 ரூபாய் வரையில் சரிந்துள்ளது.
இதேவேளையில் சர்வதேச சந்தையில் ஒரு அவுன்ஸ் தங்கம் விலை 1,774.24 டாலரில் இருந்து 1,762 டாலர் வரையில் குறைந்துள்ளது. இதுமட்டும் அல்லாமல் அமெரிக்க டாலருக்கு எதிரான இந்திய ரூபாயின் மதிப்பு 74.60 டாலரில் இருந்து 74.40 டாலர் வரையில் குறைந்துள்ளது.
சர்வதேச சந்தையில் ஏற்பட்டு உள்ள சரிவு மற்றும் டாலர் மதிப்பில் உருவான மாற்றங்கள் ஆகியவை இன்று இந்தியாவில் தங்கம் விலை குறைய முக்கியக் காரணமாக உள்ளது.