தங்கம் வாங்க இதுதான் நல்ல டைம்!. விலை குறைப்பு!. ஒரு சவரன் எவ்வளவு தெரியுமா..?

தங்கம், மண் மீது போடும் முதலீடு என்றுமே கைவிடாது என்பதால்தான் பலர் இவற்றை வாங்குவதில் ஆர்வம் காட்டி வருகிறார்கள். மேலும் வீட்டில் தங்கம் இருந்தால் ஒரு அவசர ஆத்திரதிற்கு அதை அடமானம் வைத்து பணம் பெறலாம். வீட்டில் பெண் பிள்ளைகள் இருந்தாலே அவர்களுக்கு நகை வாங்க வேண்டும் என்பதற்காக தங்கள் வருமானத்தில் சிறிய தொகையை சேமித்து வைப்பதும் வழக்கம். திருமணங்களிலும் தங்கம் பிரதானமாக இருந்து வருகிறது. இந்தநிலையில் தங்கத்தின் மீதான மோகம் குறைந்தபாடில்லை. விலை எவ்வளவு உயர்ந்தாலும், நகையை வாங்குவதில் மக்களின் ஆர்வம் குறைவதில்லை.

தங்கம் பொதுவாகவே வெளிநாடுகளில் இருந்து இறக்குமதி செய்யப்பட்டு இந்தியா முழுவதும் விற்பனை செய்யப்படுகின்றது. இதனால் சர்வதேச சந்தை நிலவரம் படி தங்கத்தின் விலை தினமுமே ஏற்றம் மற்றும் இறக்கத்துடன் காணப்படும். இதனை அடுத்து கடந்த சில நாட்களாகவே சர்வதேச சந்தை நிலவரத்தின்படி தங்கத்தின் விலை உயர்ந்து கொண்டே வருகின்றது. உலகப் பொருளாதார சூழல்கள் மற்றும் பங்குச்சந்தையில் ஏற்பட்ட மாற்றங்கள் ஆகியவை தங்க விலை ஏற்றத்திற்கு காரணமாக கூறப்பட்டது. இந்தநிலையில், கடந்த சனிக்கிழமை முதல் தங்கம் விலையில் சற்று சரிவை சந்தித்து வருகிறது.

அதன்படி, நேற்று தங்கம் விலை கிராமுக்கு, 15 ரூபாய் குறைந்து, 8,215 ரூபாய்க்கு விற்கப்பட்டது. சவரனுக்கு, 120 ரூபாய் சரிவடைந்து, 65,720 ரூபாய்க்கு விற்பனையானது. வெள்ளி விலையில் மாற்றமில்லை. ஆனால் வெள்ளி விலையில் மாற்றமேதும் இல்லாமல், ஒரு கிராம் வெள்ளி ரூ.110-க்கும், ஒரு கிலோ வெள்ளி ரூ.1,10,000-க்கும் விற்பனை செய்யப்படுகிறது. இதேபோல், கடந்த வாரம் 10 கிராமுக்கு ரூ.89,796 என்ற வரலாறு காணாத உயர்வை எட்டிய பிறகு, உள்நாட்டு தங்கத்தின் விலை திங்கட்கிழமை சரிய தொடங்கியது. அதேபோல, 18 காரட் ஆபரணத் தங்கத்தின் விலை கிராமுக்கு ரூ.10 குறைந்து, ஒரு கிராம் ரூ.6785-க்கு விற்பனை செய்யப்படுகிறது.

Take a Poll

கடந்த சில தினங்களாக தங்கம் விலை புதிய உச்சம் தொட்டு வந்த நிலையில் இன்று சற்று விலை குறைந்து நகைப்பிரியர்களுக்கு ஆறுதல் கொடுத்துள்ளது. இருப்பினும், ஏப்ரல் மாதம் முதல் தங்கம் விலை மீண்டும் உயர வாய்ப்புள்ளதாக நிபுணர்கள் கூறுகின்றனர். அதாவது, ஏப்ரல் 2 ஆம் தேதி முதல் அமெரிக்காவில் பரஸ்பர வரி விதிப்பை தீவிரமாக அமல்படுத்த டிரம்ப் நிர்வாகம் திட்டமிட்டுள்ளது.

அதன்படி கனடா, மெக்சிகோ, சீனா ஆகிய நாடுகளுக்கான வரி விதிப்புகளை அவர் ஏற்கெனவே அறிவித்துவிட்டார். இந்தியா உள்ளிட்ட நாடுகளுக்கு பதிலுக்கு பதில் வரி விதிக்கும் திட்டம் ஏப்ரல் 2ஆம் தேதி அமலுக்கு வருவதாக தெரிவிக்கப்பட்டுள்ளது. இதனால், தங்கம் மீதான முதலீடு அதிகரிக்கும் என்றும் விலை உயரக்கூடும் என்றும் நிபுணர்கள் கூறுகின்றனர்.

FAQs

தங்கம் வாங்குவதற்கு இது நல்ல நேரமா?

தங்கத்தின் விலை குறைந்துள்ளதால், தற்போது வாங்குவது சிறந்த நேரம்

தங்கம் விலை சரிவால் முதலீடு பாதிக்கப்படுமா?

தங்கத்தின் குறைவு நிலையானது அல்ல, அதனால் பொருளாதார பாதிப்புகள் குறைவாக இருக்கும்."

தங்கம் விலை குறைவு தற்காலிகமானதா?

இந்த குறைவு தற்காலிகம் தான், அதாவது விரைவில் விலை மீண்டும் அதிகரிக்கும்."

உலகின் மிகப்பெரிய தங்க சந்தை எது?

உலகின் மிகப்பெரிய தங்க இருப்புக்களை அமெரிக்கா கொண்டுள்ளது. அமெரிக்காவிற்குள், நியூயார்க்கின் பெடரல் ரிசர்வ் வங்கியில் உள்ள ஒரு பெட்டகம் உலகிலேயே அதிக அளவு தங்கம் இருப்பதாக அறியப்படுகிறது.