23 ஆண்டுகளில் இதுவே முதன்முறை.. வரலாற்று சாதனைப் படைக்கும் தங்கம்.. இப்போது முதலீடு செய்யலாமா..?

இந்தாண்டு தங்கத்தின் விலை தொடக்கத்தில் இருந்தே ஏறு முகத்தில் உள்ளன. இதற்கு பல காரணிகள் உள்ளது. அதாவது பலவீனமான அமெரிக்க டாலர், பெடரல் ரிசர்வ் வட்டி விகிதக் குறைப்புகளின் எதிர்பார்ப்புகள் மற்றும் அமெரிக்கா விதித்த உலகளாவிய கட்டணங்களால் ஏற்பட்ட மந்தநிலை அச்சங்கள் ஆகியவை ஆகும். இந்தியாவில் 10 கிராம் தங்கம் ரூ.1 லட்சத்தை தாண்டிய நிலையில், இஸ்ரேல் - ஈரான் இடையே புதுப்பிக்கப்பட்ட புவிசார் அரசியல் பதட்டங்களுக்கு மத்தியில் தங்கத்தின் விலை புதிய உத்வேகத்தைப் பெற்றது. விலைகள் உச்சத்தில் இருந்து சற்று குறைந்திருந்தாலும், அவை உயர்ந்தே உள்ளன. தொடர்ந்து 6-வது மாதமாக தங்கம் விலை உயர்ந்து முடிவடையும் நிலையில் உள்ளன.

23 ஆண்டுகளில் இதுவே முதன்முறை : அமெரிக்க சந்தையும் இதேபோன்ற போக்கைக் காட்டுகிறது. மே மாதத்தில் தொடர்ந்து 5-வது மாதமாக அமெரிக்காவில் ஸ்பாட் தங்கத்தின் விலைகள் உயர்ந்தன. கடைசியாக மே 2017ஆம் ஆண்டில் காணப்பட்ட தொடர்ச்சி இதுவாகும். தங்கம் விலை 6 மாதங்களுக்கு தொடர்ந்து விலை உயர்ந்திருக்க்கும் நிலையில், கடந்த 23 ஆண்டுகளில் இதுவே முதன்முறையாகும்.

ஜூன் மாதத்தில் தங்கம் ஏற்கனவே 3%-க்கும் அதிகமாக உயர்ந்துள்ளது. இம்மாதத்தில் தங்கம் நேர்மறையாக முடிந்தால், அது 6 மாத வெற்றித் தொடரைக் குறிக்கும். இது கடைசியாக மே 2002ஆம் ஆண்டில் காணப்பட்டதாக ஆக்சிஸ் செக்யூரிட்டீஸ் அறிக்கை தெரிவிக்கிறது. கடந்த 75 ஆண்டுகளில், இதுபோன்ற தொடர்ச்சி 13 முறை மட்டுமே நிகழ்ந்துள்ளது. இது நீண்ட கால முதலீட்டாளர்களுக்கு நல்ல அறிகுறியாகும் என்று வரலாறு கூறுகிறது.

அடுத்த 12 மாதங்களில், தங்கத்தின் விலைகள் சுமார் 85% உயர்ந்து, சராசரியாக 50% வருமானத்தை ஈட்டியதாக தரவுகள் சுட்டிக் காட்டுகின்றன. இரண்டு ஆண்டுகளுக்கு முன்பு, வெற்றி விகிதம் வலுவாக இருந்தது, சராசரி லாபம் 100% ஐ நெருங்குகிறது. டாலரின் வாங்கும் திறன் குறைந்து வருவதால், நீண்ட கால முதலீட்டாளர்கள் தங்கத்திற்கு அதிக செல்வத்தை ஒதுக்குவதற்கான வாய்ப்பு அதிகம் உள்ளது. இது உலகளாவிய டாலர் மதிப்பிழப்பு செயல்முறையைத் தூண்டுவதாக ஆக்சிஸ் செக்யூரிட்டீஸ் தெரிவித்துள்ளது.

இதுதொடர்பாக ஜூலியஸ் பேர் நிறுவனத்தின் அடுத்த தலைமுறை ஆராய்ச்சி தலைவரான கார்ஸ்டன் மென்கே கூறுகையில், "இஸ்ரேல் - ஈரான் மோதல் முக்கியமான பொருளாதார தாக்கத்தை ஏற்படுத்தவில்லையெனில் அல்லது பிராந்தியமெங்கும் பரவவில்லை எனில், தங்க சந்தை அடுத்தகட்டமாக இதில் அதிக ஆர்வம் காட்டாமல் இருக்கும். இது போன்ற முந்தைய நிகழ்வுகள் இதையே சுட்டிக்காட்டுகின்றன. மேளும், தெளிவில்லாத பொருளாதார மற்றும் அரசியல் சூழ்நிலைகளில், பாதுகாப்பான முதலீடுகளுக்கு தேவை தொடரும். அமெரிக்க டாலரின் மீது குறைவான சார்புடன் இருக்க மத்திய வங்கிகளும் தங்கத்தை தொடர்ந்தும் வாங்க வாய்ப்புள்ளது" என்று தெரிவித்துள்ளார்.

குறைந்த காலத்தில், அமெரிக்க தங்க விலை $3,600-$3,800 நிலைக்குச் செல்வதற்கான வாய்ப்பு உள்ளதாக Axis Securities தெரிவித்துள்ளது. மேலும், டாலரின் வீழ்ச்சி முடிவடைய வாய்ப்பு இருப்பதாக நாங்கள் நம்புகிறோம். எனவே, இந்த உயர்வில் ஸ்விங் டிரேடர்களுக்கு லாபம் பதிவு செய்யலாம் என பரிந்துரைக்கிறோம் என்று தெரிவித்துள்ளது. $3,245 என்பது மிக முக்கியமான நிலை.
இதைவிட கீழே சென்றால், $3,000 கீழே ஒரு பெரிய வீழ்ச்சி ஏற்படும் அபாயம் உள்ளது.

தங்கத்தில் முதலீடு செய்ய ஏற்ற காலமா..?: தற்போது தங்கம் விலை உயர் நிலைக்கு சென்றுள்ளதால், சிறிய சரிவுகள் ஏற்பட வாய்ப்புள்ளது, கையால் நகை வாங்கும் போது making charges மற்றும் GST இருப்பதால் திரும்பும் லாபம் குறைவாக இருக்கலாம். SIP மூலமாக ETF அல்லது Digital Gold-இல் முதலீடு செய்யலாம். இன்றைய விலை உயர்வில் முழுமையாக முதலீடு செய்வதை விட, தொடர்ச்சியான SIP முறையில் முதலீடு செய்வது பாதுகாப்பானது என்று பொருளாதார நிபுணர்கள் கூறுகின்றனர்.