தீபாவளி முடிஞ்சதுமே குட் நியூஸ்.. தங்கம் விலை ரூ.16 சரிவு.. 1 சவரன் தங்கம் 58,960-க்கு விற்பனை!

நவம்பர் 2-ஆம் தேதியான இன்றைய நிலவரப்படி தங்கம் விலை கிராமுக்கு 15 ரூபாய் குறைந்துள்ளது. தீபாவளி பண்டிகைக்கு முன்னர் கொண்டாடப்படும் தந்தேராஸ் பண்டிகையின் போது தங்கம் விலை தொடர்ந்து அதிகரித்து உச்ச விலையை எட்டியது. ஆனாலும் சிலர் விலை ஏற்றத்தை பொருட்படுத்தாமல், தங்க நகைகளை வாங்கினர். அதன் பிறகு இன்று தான் விலை சற்று குறைந்துள்ளது. ரீடைல் சந்தையில் இன்று 1 கிராம் 22 கேரட் தங்கம் விலை 7,370 ரூபாயாகவும், அதேபோல 1 கிராம் 24 கேரட் தங்க விலை 8,040 ரூபாயாக உள்ளது.

கோவை மதுரையில் இன்றைய தங்கம் விலை நிலவரம்: தமிழ்நாட்டின் முக்கிய நகரங்களான சென்னை, கோயம்புத்தூர் மற்றும் மதுரையில் இன்று 1 கிராம் 22 கேரட் தங்கம் விலை 15 ரூபாய் குறைந்து 7,370 ரூபாயாகவும், 1 சவரன் 22 கேரட் தங்கம் விலை 120 ரூபாய் குறைந்த 58,960 ரூபாயாகவும் உள்ளது. 1 கிராம் 24 கேரட் தங்கம் விலை 16 ரூபாய் குறைந்து 8,040 ரூபாயாக உள்ளது. 1 சவரன் 24 கேரட் தங்கம் விலை 128 ரூபாய் குறைந்து 64,320 ரூபாயாக உள்ளது.

பட்ஜெட்டில் தங்கத்திற்கான சுங்கக் கட்டணம் குறைந்த போது பல நகைக்கடைக்காரர்களும் நகைகளை வாங்கி ஸ்டாக் வைத்துக்கொண்டனர். இதன் காரணமாக இந்த நிதியாண்டில் தங்க நகை விற்பனையாளர்களின் வருவாய் 25 சதவீதம் வரை உயரும் என்று எதிர்பார்க்கப்பட்ட நிலையில் அதற்கு ஏற்ப இந்த தந்தேராஸ் பண்டிகைக்கும் நகை விற்பனை சூடு பிடித்தது.

தங்க நகையை பொறுத்தவரை அதன் விலையேற்றம் சிலருக்கு மகிழ்ச்சிகரமானதாக தோன்றும். அதே போல சிலருக்கு அதன் விலை குறைவது மகிழ்ச்சிகரமானதாக தோன்றலாம்.

தங்கத்தை ஒரு முதலீடாக பார்க்கும் நபர்களுக்கு விலை உயர்வு நிம்மதி அளிக்கும். அவர்களுடைய முதலீட்டின் மதிப்பு அதிகரிப்பது தான் இதற்கு கரணம். அதே சமயம் திருமணம், விழாக்கள் போன்ற சமயங்களில் நகை வாங்க திட்டமிடுபவர்களுக்கு விலை குறைவது மகிழ்ச்சியாக இருக்கும். குறைந்த விலையில் அதிக எடை உள்ள நகைகளை வாங்க முடியும் என்பதால் நகை விலை குறைய வேண்டும் என்று சிலர் எதிர்பார்க்கின்றனர். ஆனால் பட்ஜெட்டில் ஏற்பட்ட விலை குறைவின் காரணமாக பல முதலீட்டாளர்களிடம் ஏற்கனவே இருக்கும் தங்கத்தின் மதிப்பு குறைந்தது குறித்தும் நாம் செய்திகளில் பார்த்தோம்.

எனவே தங்கம் விலை ஏறுவது ஒரு சிலருக்கு நன்மை பயக்கும். தங்கம் விலை இறங்குவது ஒரு சிலருக்கு நன்மை பயக்கும். இன்று தங்கம் விலை இறங்கியுள்ளது

கோவை மதுரையில் இன்றைய வெள்ளி விலை நிலவரம்: கோவை மற்றும் மதுரையில் இன்று வெள்ளி விலை 106 ரூபாயை எட்டியுள்ளது. சென்னை கோவை மற்றும் மதுரையில் இன்று 1 கிலோ வெள்ளி விலை 1,06,000 ரூபாயாக உள்ளது.