தங்கம் விலை: தீபாவளிக்கு பின்பு குட்நியூஸ்.. சென்னை, மதுரை, கோவையில் 1 சவரன் 58,960-க்கு விற்பனை!

நவம்பர் 4-ஆம் தேதியான இன்றைய நிலவரப்படி தங்கம் விலையில் எந்தவித மாற்றமும் இல்லை. ஞாயிற்றுக்கிழமை என்பதால் நேற்றும் எந்தவித மாற்றமும் இல்லாமல் தான் இருந்தது. ஆனால் அதற்கு முந்தைய நாள்.. அதாவது சனிக்கிழமை அன்று தங்கம் விலை 15 ரூபாய் குறைந்திருந்தது. ரீடைல் சந்தையில் இன்று 1 கிராம் 22 கேரட் தங்கம் விலை 7,370 ரூபாய்க்கு விற்பனையாகிறது. 1 சவரன் 24 கேரட் தங்கம் விலை 8,040 ரூபாயாக உள்ளது.

கோயம்புத்தூர் மதுரையில் இன்றைய தங்கம் விலை நிலவரம்: தமிழகத்தின் முக்கிய நகரங்களான சென்னை கோயம்பத்தூர் மற்றும் மதுரையில் இன்று 1 கிராம் 22 கேரட் தங்கம் விலை 7,370 ரூபாயாகவும், 1 சவரன் 22 கேரட் தங்கம் விலை 58,960 ரூபாயாகவும் உள்ளது. 10 கிராம் தங்கம் விலை 73,700 ரூபாயை எட்டியுள்ளது. 22 கேரட் தங்கத்தில் தான் நகைகள் செய்யப்படுகிறது. தங்கம் மிகவும் மென்மையானதாக இருக்கும். இவற்றோடு, காப்பர், சிங் மற்றும் சில்வர் போன்ற உலோகங்களை கலந்து நகைகள் செய்யப்படும்.

ஆனால் 24 கேரட் தங்கம் தூய தங்கம். இதை வளைத்து நகைகள் செய்ய முடியாது. எனவே கோல்ட் காயின்கள் மற்றும் கோல்ட் பார்களை வாங்கிக் கொள்ளலாம். 24 கேரட் தங்கத்தின் ஒரு கிராம் விலை 8,040 ஆகவும், 1 சவரன் விலை 64,320 ஆகவும் உள்ளது. 10 கிராம் 24 கேரட் தங்கம் விலை 80,500 ரூபாயாக உள்ளது.

தீபாவளி பண்டிகைக்கு ஒரு வாரத்திற்கு முன்பிலிருந்து தங்கம் விலையில் ஏற்றம் இருந்து வந்தது. தீபாவளி பண்டிகைக்கு முதல் நாள் கொண்டாடப்படும் தந்தேராஸ் பண்டிகைக்கு மக்கள் நகை கடைகளில் குவிந்தனர். அட்சய திருதியை பண்டிகையின் போது வெள்ளி நகை மற்றும் தங்க நகைகளை வாங்குவது செல்வ செழிப்பின் அடையாளமாக பார்க்கப்படுகிறது. அதேபோல இந்தப் பண்டிகைக்கும் மின்னும் பொருட்களை வாங்குவது செல்வ செழிப்பைப் பெற்றுத் தரும் என்ற நம்பிக்கை நிலவுவதால் வட மாநிலங்களில் உள்ள மக்கள் இந்த பண்டிகையை கொண்டாடுகின்றனர்.

கோவை மதுரையில் இன்றைய வெள்ளி விலை நிலவரம்: கோவை மற்றும் மதுரையில் இன்று வெள்ளி விலை 106 ரூபாயை எட்டியுள்ளது. சென்னை கோவை மற்றும் மதுரையில் இன்று 1 கிலோ வெள்ளி விலை 1,06,000 ரூபாயாக உள்ளது.