தொடர்ந்து உயர்ந்த தங்கத்திற்கு இன்று விடுமுறை.. 1 சவரன் தங்கம் 72,000-த்திற்கு விற்பனை!

ஏப்ரல் 25-ஆம் தேதியான இன்றைய நிலவரப்படி தங்கம் விலையில் எந்த மாற்றமும் இல்லை. நேற்றைய விலையில் தான் இன்றும் விற்பனையாகிறது. நேற்றைய முன் தினம் சவரனுக்கு ரூ.2,400 குறைந்த தங்கம் விலை, இன்றைய தினம் எந்த மாற்றமும் இல்லாமல் உள்ளது. அதேபோல நேற்றும் சவரனுக்கு 80 ரூபாய் குறைந்திருந்தது.

ஏப்ரல் மாதம் பிறந்ததிலிருந்து தடாலடியாக தங்கம் விலை உயர்ந்து வருகிறது. அதற்கு சான்றாய் ஏப்ரல் 22-ஆம் தேதி கிராமுக்கு 300 ரூபாய் அதிகரித்து நகை பிரியர்களுக்கு ஷாக் தந்தது. இதனால் அன்றைய தினம் 10 கிராம் 24 கேரட் தங்கம் ரூ.1 லட்சத்தை தாண்டி வரலாற்று உச்சத்தை எட்டியது. ஏப்ரல் 21 ஆம் தேதியும் கிராமுக்கு 77 ரூபாய் அதிகரித்தது. பொதுவாக தங்கம் விலை உயர்வுக்கு பல காரணங்கள் இருக்கிறது. தங்கம் உயர்ந்தாலும் சரி குறைந்தாலும் சரி அது குறிப்பிட்ட பிரிவினருக்கு நன்மை அளிக்கும்.

ஆனால் மாத மாதம், சிறுக சிறுக நகை வாங்கும் குடும்பங்களுக்கு தான் தற்போது பிரச்சனை. ஏனெனில் ஜனவரி மாதம் தொடங்கிய போது 7,000-த்திற்கு விற்கப்பட்ட 1 கிராம், தற்போது ரூ.9,000-த்தை நெருங்கியிருக்கிறது. ஏற்கனவே தங்கம் வாங்கியவர்களுக்கு இது சாதகமாக இருந்தாலும், தங்கள் குழந்தைகளுக்காக நகை சேர்க்க வேண்டும், அவர்களின் படிப்புக்காக நகை சேர்க்க வேண்டும் என்று எண்ணிக் கொண்டிருக்கும் குடும்பங்களுக்கு இந்த விலை உயர்வு சற்று சிக்கலை தான் ஏற்படுத்தியுள்ளது. நேற்றைய முன் தினம் தங்கம் விலை குறைந்திருந்தாலும், மேலும் விலை குறைய வேண்டும் என்பதே சாமானியர்களின் எதிர்பார்ப்பாக உள்ளது.

இன்றைய தங்கம் விலை (25/04/2025) நிலவரம்: இன்று 1 கிராம் 22 கேரட் தங்கம் ரூ. 9,005-க்கும், 1 சவரன் 22 கேரட் தங்கம் ரூ. 72,040-க்கும், 10 கிராம் 22 கேரட் தங்கம் ரூ. 90,050-க்கும் விற்பனையாகிறது. 1 கிராம் 24 கேரட் தங்கம் ரூ. 9,824-க்கும், 1 சவரன் 24 கேரட் தங்கம் ரூ. 78,592-க்கும், 10 கிராம் 24 கேரட் தங்கம் ரூ. 98,240-க்கும் விற்பனையாகிறது. ஒரு கிராம் 18 கேரட் தங்கம் 7,460-க்கும், 1 சவரன் 18 கேரட் தங்கம் ரூ. 59,680-க்கும், 10 கிராம் 18 கேரட் தங்கம் ரூ. 74,600-க்கும் விற்பனையாகிறது.

மார்ச் மாதத்தோடு ஒப்பிடுகையில் ஏப்ரல் மாதத்தின் 1-ஆம் தேதி முதல் இன்றைய தினம் வரை 5.82% தங்கம் விலை உயர்ந்திருக்கிறது. இதில் அதிகபட்சமாக ஏப்ரல் 22ஆம் தேதி 1 கிராம் 22 கேரட் 9,290-க்கு விற்பனையானது. இனிவரும் காலங்களில் தங்கம் விலை தொடர்ந்து அதிகரிக்குமா அல்லது குறையுமா என்பதை பொறுத்திருந்துதான் பார்க்க வேண்டும்.