ஜவுளித் துறைக்கு தற்காலிக ரிலீப்.. ஜிஎஸ்டி கவுன்சில் அறிவிப்பால் பெரும் நிம்மதி..!

ஜனவரி 1 முதல் பல்வேறு விதமான மாற்றங்கள் நடைமுறைக்கு வரவுள்ளது. அதில் ஜவுளி பொருட்கள் மீதான ஜிஎஸ்டி விகிதமானது 5 சதவீதத்தில் இருந்து 12 சதவீதமாக அதிகரிக்கலாம் என முன்னதாக அறிவிக்கப்பட்டது.

எனினும் ஜிஎஸ்டி கவுன்சிலின் இந்த வரி அதிகரிப்பானது இத்துறையினர் மத்தியில், பெரும் கவலையை ஏற்படுத்தியது.

இதனால் ஜனவரி 1க்கு மேல் துணிகள் விலையானது அதிகரிக்கலாம் என எதிர்பார்க்கப்பட்டது. இது ஜவுளித் துறையினர் மத்தியில் பெரும் கவலையை ஏற்படுத்தியிருந்தது.

ஒத்தி வைப்பு

இந்த நிலையில் பெரும் நிம்மதி அளிக்கும் விதமாக தற்போது ஒத்தி வைக்கப்பட்டுள்ளது. மேலும் இது அடுத்து வரும் கூட்டத்தில் இது குறித்து விவாதிக்கப்படும் என அறிவிக்கப்பட்டுள்ளது.

ஜனவரி 1ல் இருந்து 5% ஆக இருக்கும் 12% ஆக ஜிஎஸ்டி விகிதம் அதிகரிக்கலாம் என்று எதிர்பார்க்கப்பட்ட நிலையில், இது ஜவுளித் துறையில் மிகப்பெரிய தாக்கத்தினை ஏற்படுத்தலாம் என எதிர்பார்க்கப்பட்டது.

ஆதரவு இல்லை

டிசம்பர் 30 அன்று, பல மாநிலங்கள் ஜனவரி 1 முதல் அதிகரிக்க திட்டமிடப்பட்டுள்ள, ஜவுளித் துறை மீதான ஜிஎஸ்டி அதிகரிப்பினை சுட்டிக் காட்டின. இதனை நிறுத்தி வைக்க கோரிக்கை விடுத்தன. மத்திய பட்ஜெட்டுக்கு முன்னதாக நடைபெறவுள்ள இந்த கூட்டத்தில், குஜராத், மேற்கு வங்கம், டெல்லி, ராஜஸ்தான் மற்றும் தமிழ் நாடு உள்ளிட்ட மாநிலங்கள் ஆதரவளிக்கவில்லை.

டெல்லி அரசு ஆதரவு

ஜிஎஸ்டி அதிகரிப்புக்கு எதிராக வணிகர்கள் போராட்டம் நடத்திய நிலையில், டெல்லி அரசும் இதற்கு ஆதரவு அளித்தது. ஜிஎஸ்டி கவுன்சில் கூட்டத்தில் இந்த பிரச்சனையை எழுப்புவோம் என்றும் துணை முதல்வர் மணீஷ் சிசோடியா சில தினங்களுக்கு முன்பாக தெரிவித்திருந்தது குறிப்பிடத்தக்கது.

ஜிஎஸ்டி கவுன்சில் கூட்டம்

இப்படி பல்வேறு கருத்துகளுக்கு மத்தியில் தான், 46-வது ஜிஎஸ்டி கவுன்சில் கூட்டம் இன்று டெல்லியில் மத்திய நிதியமைச்சர் தலைமையில் நடந்தது. இதில் அனைத்து மாநில நிதி அமைச்சகர்களும் பங்கேற்றுள்ளனர்.

ஏற்கனவே 5% ஜிஎஸ்டி மற்றும் பணமதிப்பிழப்பு போன்ற நடவடிக்கைகள் காரணமாக ஜவுளித் துறை நலிந்து போயுள்ளது. இதற்கிடையில் இது 12% ஆக அதிகரிக்கப்பட்டால் இன்னும் இத்துறையானது பின்னடைவை சந்திக்கலாம்.