HDFC: வர்த்தகத்தை இரண்டாக உடைத்தார் சஷிதர் ஜகதீஷன்.. அட இதுதான் காரணமா..!!

இந்தியாவின் மிகப்பெரிய தனியார் வங்கியாக இருக்கும் HDFC வங்கியின் தலைமை நிர்வாகி சஷிதர் ஜகதீஷன் செவ்வாய்க்கிழமை வங்கியின் ஒருங்கிணைப்புக்கு பின்பு சிறப்பாக செயல்பட உதவுவதற்காக சிஇஓ-வாக தனது மூன்று ஆண்டுகளுக்கும் மேலாக அனுபவத்திலும், 2வது முறையாக பணியில் அமர்த்தப்பட்ட நிலையிலும் முக்கியமான மாற்றத்தை வெளியிட்டார்.

சமீபத்தில் ஹெச்டிஎப்சி வங்கியின் வராக் கடன் அதிகரித்திருப்பது குறித்து பெரிய அளவில் விவாதிக்கப்பட்ட நிலையில் சஷிதர் ஜகதீஷன் இந்த பிரச்சனையை விரைவாக தீர்க்க வேண்டும் என்ற ஒற்றை இலக்குடன் சில்லறை கடன் வர்த்தகத்தை பெரிய அளவில் மேம்படுத்தி, வங்கியில் குவிந்திருக்கும் டெபாசிட் தொகையை சிறப்பாக கையாள வேண்டும் என்ற முடிவுக்கு ஒட்டுமொத்த நிர்வாகமும் வந்துள்ளது.

இதன் அடிப்படையில் தலைமை நிர்வாக அதிகாரியான சஷிதர் ஜகதீஷன் சில்லறைக் கடன்களை அடமானம் மற்றும் அடமானம் அல்லாத பிரிவுகளாகப் பிரித்துள்ளார். மேலும் இதற்காக இரண்டு குழுத் தலைவர்கள் மற்றும் கிளை வங்கிக்கான இரண்டு பிராந்தியத் தலைவர்கள் நியமிக்கப்பட்ட உள்ளனர் என தெரிவித்தார்.

அதாவது ரீடைல் லோன் பிரிவு இனி அடமானம் வைத்து அளிக்கப்படும் கடன் ஒரு பிரிவாகவும், அடமானம் அல்லாமல் கடன் வழங்கும் வர்த்தகத்தை ஒரு தனிப்பிரிவாகவும் இயக்கப்பட்ட உள்ளது. முன்பு தனித்தனி வங்கிகளாக இருந்து செயல்பட்டதை போலவே, இப்போது ஓரே வங்கிக்குள் தனித்தனி பிரிவுகளாக இயங்க உள்ளது.

இந்தியாவிலேயே 100 பில்லியன் டாலருக்கும் அதிகமாக சந்தை மதிப்பு கொண்ட ஓரே வங்கி ஹெச்டிஎப்சி தான். கடந்த 30 வருட ஹெச்டிஎப்சி வங்கி பணியில் சஷிதர் ஜகதீஷன் 2வது சிஇஓ. இதனால் நிர்வாக அடிப்படையில் பல சவால்கள் உள்ளது, இதேவேளையில் வர்த்தகத்திலும், வளர்ச்சியிலும் இந்த மாற்றம் பெரிய அளவில் மேம்படும் என சஷிதர் ஜகதீஷன் கூறியுள்ளார்.

ஹெச்டிஎப்சி வங்கி உடன் ஹெசிடிஎப் இணைக்கப்பட்ட பின்பு, ஹெச்டிஎப்சி வங்கியின் வாரக் கடன் அளவு அதிகரிக்க துவங்கியது. ஜூன் 30 ஆம் தேதி ஹெச்டிஎப்சி வங்கியின் நிகர வாரக் கடன் சொத்துக்கள் 1.2 சதவீதமாக இருந்த நிலையில் ஜூலை 1 ஆம் தேதி 1.4 சதவீதமாக உயர்ந்துள்ளது.

ஹெச்டிஎப்சி-யிடம் இருந்து வந்த கூடுதலான பணப்புழக்கத்தின் வாயிலாக ஹெச்டிஎப்சி வங்கியின் NIM என அழைக்கப்படும் Net Interest Margins அளவு குறைய உள்ளது. ஹெச்டிஎப்சி வங்கியின் NIM அளவு ஜூன் 30ல் 4.3 சதவீதமாக இருந்தது, இணைப்பிற்கு பின்பு இது 3.9 முதல் 4 சதவீதமாக குறையலாம் என கணக்கப்பட்டு உள்ளது.

இந்த பிரச்சனை ஹெச்டிஎப்சி வங்கி பங்கு மதிப்பில் பெரும் தாக்கத்தை ஏற்படுத்தியது. இந்த வர்த்தக மாற்றம் மூலம் வேகமாக வளர்ச்சி அடைவது மட்டும் அல்லாமல் வர்த்தகத்தை வேகமாக விரிவாக்கம் செய்ய முடியும்.