உலகிலேயே மிகப்பெரிய சொகுசு க்ரூஸ் கப்பல்.. ஆட்டம் பாட்டத்துடன் கிளம்பியது..!

கடல் பயண வரலாற்றில் முக்கிய அம்சமாக, உலகின் மிகப்பெரிய க்ரூஸ் கப்பல் அமெரிக்காவின் மியாமி கடற்கரையில் இருந்து தனது முதல் பயணத்தைத் தொடங்கியது. 1200 அடி நீளமுள்ள இந்த கப்பல் ராயல் கரிபீயனால் வடிவமைக்கப்பட்டது. 7 நாள் சுற்றுப்பயணமாக உல்லாசமாக இந்தக் கப்பல் கிளம்பியுள்ளது.

பிரபல கால்பந்து வீரர் லியோனல் மெஸ்ஸியும் அவரது இன்டர் மியாமி டீம் மேட்களும் சேர்ந்து இந்த கப்பலை அதிகாரப்பூர்வமாக அறிமுகம் செய்து வைத்தனர்.

ராயல் கரீபியன் குழுமத்தின் தலைவரும் தலைமை நிர்வாக அதிகாரியுமான ஜேசன் லிபர்டி, உலகின் சிறந்த விடுமுறை அனுபவங்களை வழங்குவதற்கான 50 ஆண்டுகளுக்கும் மேலான எங்கள் கனவுகள், புதுமைகளின் உச்சக்கட்டம் தான் ஐகான் ஆஃப் தி சீஸ்.

அக்டோபர் 2022 இல் வெளியிடப்பட்ட ஐகான் ஆஃப் தி சீஸ் கப்பல், மக்கள் மத்தியில் உற்சாகத்தை ஏற்படுத்தியது, இதன் விளைவாக ராயல் கரீபியனின் 53 ஆண்டுகால வரலாற்றில் மிகப்பெரிய முன்பதிவு நாள் மற்றும் அதிக அளவு முன்பதிவு வாரம் இதுவாகும்.

இந்த ஐகான் ஆஃப் தி சீஸ் ஒரு மிதக்கும் அற்புதம், 20 தளங்களில் பரவியுள்ள எட்டு சுற்றுப்புறங்களைக் கொண்டுள்ளது. ஆறு நீர்ச்சறுக்குகள், ஏழு நீச்சல் குளங்கள், ஐஸ் ஸ்கேட்டிங் வளையம் முதல் திகைப்பூட்டும் தியேட்டர் மற்றும் 40 க்கும் மேற்பட்ட உணவகங்கள், பார்கள், ஓய்வறைகள் வரையிலான வசதிகளுடன், இந்த கப்பல் இணையற்ற பல தலைமுறை குடும்ப விடுமுறை அனுபவத்தை உறுதியளிக்கிறது.

7,600 பயணிகளுக்கு இடமளிக்கும் திறன் கொண்டது. 2,350 பேர் கொண்ட குழுவினரால் பராமரிக்கப்படுகிறது. இந்த உல்லாசக் கப்பல் ஆடம்பரம், புதுமை மற்றும் உயர் கடல்களில் எல்லையற்ற சாகசத்தின் சுருக்கமாக திகழ்கிறது.

திரவமாக்கப்பட்ட இயற்கை எரிவாயு மூலம் இயங்கும் கப்பல் இது, இதே தொழில்நுட்பத்தை பிற ராட்சத க்ரூஸ் லைனர்கள் பின்பற்றும் என்பதால் வளிமண்டலத்தில் தீங்கு விளைவிக்கும் மீத்தேன் கசிந்துவிடும் என்று சுற்றுச்சூழல் குழுவினர் கவலை கொண்டுள்ளனர். இந்த கப்பல் திரவமாக்கப்பட்ட இயற்கை எரிவாயுவில் இயங்குவதற்காக கட்டப்பட்டுள்ளது, இது பாரம்பரிய கடல் எரிபொருளை விட மிகவும் சுத்தமாக எரிபொருளை எரிகிறது.