காஸ்ட்லியான மார்க்கெட் ஏரியா எது தெரியுமா?.. தலையை சுற்றவைக்கும் வாடகை..!

தற்போது பண்டிகை மற்றும் திருமண சீசன் என்பதால் அனைவரும் ஷாப்பிங் செய்ய ஆர்வமாக இருப்பர். பொதுவாக ஷாப்பிங் செய்ய விரும்பும் நகரங்கள் பட்டியலில் டெல்லி எப்போதும் முதலிடத்தில் இருக்கும். அங்கு லஜ்பத் நகர் அல்லது சரோஜினி மார்க்கெட், ஜன்பத் அல்லது கன்னாட் பிளேஸ், கான் மார்க்கெட் அல்லது நேரு பிளேஸ் என அனைத்து மார்க்கெட்டுகளுக்கும் சொந்த குணாதிசயங்கள், விலை வரம்பு உள்ளது.

ஆனாலும் அனைத்து சந்தைகளிலும் மக்கள் கூட்டம் நிரம்பி வழியும். நம் நாட்டிலேயே சரோஜினி மார்க்கெட்டில் தான் குறைந்த விலையில் ஷாப்பிங் செய்யலாம் என்று, பல நகரங்களில் ஷாப்பிங் செய்தவர்களுக்கு கண்டிப்பாக தெரிந்து இருக்கும்.

அதேசமயம் நம் நாட்டில் விலையுயர்ந்த மார்க்கெட் எது என்று உங்களுக்கு தெரியுமா? அதுவும் டெல்லியில் தான் உள்ளது. ரியல் எஸ்டேட் ஆலோசனை நிறுவனமான குஷ்மேன் & வேக்ஃபீல்டின் ஆய்வின்படி, வாடகை அடிப்படையில், டெல்லியின் கான் மார்க்கெட் தான் நாட்டிலேயே விலையுயர்ந்த சில்லரை சந்தையாக மாறியுள்ளது.

ஸ்ட்ரீட் மார்கெட் சர்வதேச பட்டியலில் 22வது இடத்தை கான் மார்க்கெட் பிடித்துள்ளது. இந்த மார்க்கெட்டில் வாடகை ஆண்டுக்கு 3 சதவீதம் உயர்ந்துள்ளது. தற்போது கான் மார்க்கெட்டில் மாத வாடகை ஒரு சதுர அடிக்கு ரூ.1,506ஆக உள்ளது. ஆசிய பசிபிக் பிராந்தியத்தில் டாப் 51 விலையுயர்ந்த பிரதான தெரு சந்தைகளில் 16 இந்திய முக்கிய வீதிகள் சந்தைகள் இடம்பெற்றுள்ளன.

ஆசிய பசிபிக் பிராந்தியத்தில் டாப் 3 விலையுயர்ந்த மார்க்கெட்டுகள்
1.நியுயார்க்கின் 5வது அவென்யூ
2.மிலனின் வையா மான்டெனாபோலியான்
3.ஹாங்காங்கின் சிம் ஷா சூயி

இந்தியாவின் டாப் 5 விலையுயர்ந்த மார்க்கெட்டுகள்
1.கான் மார்க்கெட் (22வது இடம்)
2.கன்னாட் பிளேஸ் (30வது இடம்)
3.குர்கிராமின் கேலரியா சந்தை (31வது இடம்)
4.மும்பையின் லிங்க்கிங் ரோடு (33வது இடம்)
5.கொல்கத்தாவின் பார்க் ஸ்ட்ரீட் (37வது இடம்)

ஆசிய பசிபிக் பிராந்தியத்தில் நியாயமான விலையுள்ள சந்தைகளில் சென்னை இடம் பிடித்துள்ளது. சென்னையின் அண்ணாநகர் 2வது அவென்யூ மற்றும் பாண்டி பஜாரில் வாடகை ஆண்டுக்கு ஒரு சதுர அடிக்கு முறையே ரூ.152.7 மற்றும் ரூ.166.6 மட்டுமே உயர்ந்துள்ளது. ஹைதராபாத்தில் உள்ள பஞ்சாரா ஹில்ஸ் வாடகையில் 40 சதவீதம் அதிகரிப்பை கண்டுள்ளபோதிலும் இது மிகவும் மலிவு சந்தைகளில் ஒன்றாக உள்ளது.