தங்கம் இறக்குமதியில் தடாலடி சரிவு.. மக்களின் முடிவால் நகை கடைக்காரர்கள் சோகம்..!!

இந்தியாவின் தங்க இறக்குமதி பிப்ரவரி மாதத்தைவிட மார்ச் மாதத்தில் 90 சதவீதத்துக்கும் அதிகமாகக் குறையும் எனத் தெரிகிறது. கோவிட் காலத்துக்குப் பின் இதுதான் மிகவும் குறைவாகும். தங்கத்தின் விலை ராக்கெட் வேகத்தில் அதிகரித்ததால் அதன் டிமாண்ட் குறைந்துவிட்டது.

இதனால் வங்கிகள் தங்கத்தை இறக்குமதி செய்வதை நிறுத்திவிட்டன.
உலகிலேயே தங்கத்தை வாங்குவதில் இரண்டாவது இடத்தில் இருக்கும் இந்தியா, தங்க விலை கடுமையாக உயர்ந்ததால் இறக்குமதியை நிறுத்தியுள்ளது. தங்க இறக்குமதி குறைந்ததால் வணிகத்தில் நிலவும் தட்டுப்பாட்டை குறைக்க முடியும்.

மார்ச் மாதத்தில் தங்க இறக்குமதி 10 முதல் 11 டன் ஆக இருக்கும், என கணிக்கப்பட்டு உள்ளது. பிப்ரவரியில் 110 டன் தங்கம் இறக்குமதி செய்யப்பட்ட நிலையில் தற்போது வெறும் 10-11 டன் தங்கம் இறக்குமதி செய்யப்படுகிறது. கடந்த மாதத்தை விட தங்கம் இறக்குமதியில் கடும் சரிவு ஏற்பட்டுள்ளது என்று அரசு அதிகாரியும் இதை உறுதி செய்துள்ளார்.

தங்கம் இறக்குமதி செய்யும் இரண்டு முன்னணி வங்கிகளின் மும்பையைச் சேர்ந்த இரண்டு தங்க டீலர்கள், தேவை குறைந்ததால் மார்ச் மாதத்தில் தங்கம் மிகக் குறைவாகவே இறக்குமதி செய்யப்பட்டதாகக் கூறியுள்ளனர்.

ஒரு அவுன்ஸ் $35க்கும் அதிகமான தள்ளுபடி அறிவிக்கப்பட்டும் நகைக்கடைக்காரர்கள் தங்கத்தை வாங்கவில்லை. அதிக விலைக்கு தங்கத்தை இறக்குமதி செய்து தேவைக்காக காத்திருக்க வேண்டிய அவசியமில்லை என்று தங்க வியாபாரிகளில் ஒருவர் கூறினார்.

இந்தியாவில், இந்த மாத தொடக்கத்தில், உள்நாட்டில், 10 கிராமுக்கு, 66,943 ரூபாயாக உயர்ந்துள்ளது. இது 15% இறக்குமதி வரி மற்றும் 3% விற்பனை வரிகள் உட்பட அதிகாரப்பூர்வ உள்நாட்டு விலையை விட அவுன்ஸ் ஒரு அவுன்ஸ் ஒன்றுக்கு $38 தள்ளுபடியை வழங்க டீலர்களைத் தூண்டியது. இது மார்ச் 2023 க்குப் பிறகு மிக அதிகமானதாகும்.

ஏற்கனவே முழு வீச்சில் உள்ள இந்திய திருமண சீசனுக்காக நகைக்கடைக்காரர்கள் மத்தியில் தங்கத்தின் தேவை பொதுவாக மார்ச் மாதத்தில் அதிகமாக இருக்கும், ஆனால் விலை உயர்வு காரணமாக இது மந்தமான டிமாண்ட் உருவாகியுள்ளது.

இதேவேளையில் தங்கத்தின் விலை உயர்வால் வாடிக்கையாளர்கள் பழைய நகைகளை புதியதாக மாற்றிக் கொள்வது அதிகரித்துள்ளது, வங்கிகளில் தங்கம் வாங்குவதை நகை வியாபாரிகள் நிறுத்தி விட்டதாக வியாபாரிகள் தெரிவித்தனர்.

அதிகப்படியான தள்ளுபடியை வழங்க இயலாமையின் காரணமாக சுத்திகரிப்பாளர்கள் தங்க டோர், அரை தூய அலாய் இறக்குமதியை கிட்டத்தட்ட நிறுத்திவிட்டனர் என்று கிழக்கு நகரமான கொல்கத்தாவில் உள்ள மொத்த விற்பனையாளரான ஜேஜே கோல்ட் ஹவுஸின் உரிமையாளர் ஹர்ஷத் அஜ்மீரா கூறினார்.

சுத்திகரிக்கப்பட்ட தங்கத்தின் மீதான இறக்குமதி வரியை விட தங்க டோர் இறக்குமதிக்கான இந்தியாவின் வரி 0.65% குறைவாக உள்ளது, ஆனால் சந்தை தள்ளுபடி 1% அதிகமாக உள்ளது, இதனால் சுத்திகரிப்பு சாத்தியமற்றது என்று அஜ்மீரா கூறினார்.

Story written by: I.Jayachandran