தங்கம், வெள்ளி விலை: ஈரான் போருக்கு பின்னர் நடந்த தலைகீழ் மாற்றம்!! இனி விலை என்ன ஆகும்?

வழக்கமாக புவிசார் பதற்றம் ஏற்படுகிறது, போர் நடக்கிறது என்றாலே முதலில் விலை உயர்வது தங்கம் தான். அப்படி பிப்ரவரி 28ஆம் தேதி ஈரானில் போர் தொடங்கிய போது இனி தங்கம் விலை அவ்வளவு தான், பல மடங்கு விலை உயர போகிறது என பலரும் அச்சமடைந்தனர். ஆனால் நிலவரமோ அதற்கு மாறாக இருக்கிறது.

போர் தொடங்கிய பிப்ரவரி 28ஆம் தேதி 22 கேரட் ஆபரண தங்கம் ஒரு கிராம் 15,550 ரூபாய்க்கு விற்கப்பட்டது. மார்ச் 1ஆம் தேதி ஞாயிற்றுக்கிழமையாக இருந்த போதும் அன்றைய சென்னையில் தங்கம் விலை உயர்ந்தது. ஒரு கிராம் ஆபரண தங்கம் 15,775 ரூபாய் என விலை உயர்த்தப்பட்டது. ஆனால் அதன் பின்னர் நடந்தது தான் டிவிஸ்ட்.

மார்ச் 2ஆம் தேதி திங்கள்கிழமை முதல் தங்கம் விலை உயரும் என எதிர்பார்க்கப்பட்ட நிலையில் அதற்கு மாறாக தங்கம் விலை குறைந்தது. மார்ச் 6ஆம் தேதி வரை தொடர்ச்சியாக 5 நாட்களுக்கு சென்னையில் தங்கம் விலை குறைந்தது. அதன் பின்னர் லேசாக உயர்ந்து பின்னர் மீண்டும் குறைந்தது. மார்ச் 1 முதல் இன்று வரையிலான இந்த 14 நாட்களில் சென்னையில் ஆபரண தங்கம் விலை 4 நாட்கள் மட்டுமே விலை உயர்ந்துள்ளது. மற்ற நாட்களில் எல்லாமே தங்கம் விலை குறைந்துள்ளது.

சென்னையில் நேற்று 14,900 ரூபாய்க்கு விற்பனை செய்யப்பட்ட ஒரு கிராம் ஆபரண தங்கம் இன்று 140 ரூபாய் விலை குறைந்து 14,760 ரூபாய்க்கு விற்பனை செய்யப்படுகிறது. ஒரு சவரன் ஆபரண தங்கம் நேற்று 1,19,200 ரூபாய்க்கு விற்கப்பட்ட நிலையில் அது இன்று 1,120 ரூபாய் விலை குறைவு கண்டு 1,18,080 ரூபாய்க்கு விற்கப்படுகிறது. 10 கிராம் தங்கம் விலை 147,600 ரூபாய்க்கு விற்பனையாகிறது.

24 கேரட் தங்கம் ஒரு கிராம் 154 ரூபாய் விலை குறைந்து 16,102 ரூபாய்க்கும் ஒரு சவரன் 1232 ரூபாய் விலை சரிந்து 1,28,816 ரூபாய்க்கு விற்பனையாகிறது. 10 கிராம் தங்கம், 161,020 ரூபாய்க்கு விற்பனை செய்யப்படுகிறது. 18 கேரட் தங்கம் ஒரு கிராம் 150 ரூபாய் விலை சரிந்து 12,400க்கும் ஒரு சவரன் 1200 ரூபாய் விலை குறைவு கண்டு 99,200 ரூபாய்க்கும் விற்பனை செய்யப்பட்டு வருகிறது.

வெள்ளி விலை கிராமுக்கு 10 ரூபாய் குறைந்து 280 ரூபாய்க்கு விற்பனை செய்யப்படுகிறது. ஒரு கிலோ 2.90 லட்சத்திற்கு விற்பனையாகிறது. ஈரான் போருக்கு மத்தியிலும் தங்கம், வெள்ளி விலைகள் உயராமல் இருப்பது ஆச்சர்யத்தை தருகிறது. இதற்கு முக்கிய காரணம் ஈரான் போரால் கச்சா எண்ணெய் விலை உயர்ந்தது இதனால் அமெரிக்க டாலர் மதிப்பு வலுவடைந்தது. டாலர் வலுவடைந்ததால் தங்கம் விலை ஏறவில்லை. இந்த மாதம் முழுவதும் தங்கம், வெள்ளி விலைகள் குறிப்பிட்ட வரம்பிற்குள்ளாகவே நீடிக்கும் என சொல்லப்படுகிறது.

Disclaimer: இந்த செய்தியில் இருக்கும் கருத்துகள் மற்றும் பரிந்துரைகள் தனிப்பட்ட ஆய்வாளர்கள் அல்லது நிறுவனங்களின் சொந்த கருத்துகளாகும், இவை Goodreturns.in அல்லது Greynium Information Technologies Private Limited (இவை இரண்டும் "நாங்கள்" என குறிப்பிடப்படுகிறது) ஆகியவற்றின் கருத்துகளைப் பிரதிபலிக்கவில்லை. உள்ளடக்கத்தின் துல்லியம், முழுமை அல்லது நம்பகத்தன்மைக்கு நாங்கள் எந்தவொரு உத்தரவாதம் அளிக்கவோ, அங்கீகரிக்கவோ அல்லது பொறுப்பேற்கவோ மாட்டோம். மேலும், முதலீட்டு ஆலோசனை அல்லது பங்குகளை வாங்கவோ விற்கவோ எந்த வித தூண்டுதலையும், ஊக்கத்தையும் நாங்கள் வழங்கவில்லை. அனைத்து தகவல்களும் புரிதல் நோக்கங்களுக்காக மட்டுமே வழங்கப்படுகின்றன. எந்தவொரு முதலீட்டு முடிவுகளை எடுப்பதற்கு முன்பும், அங்கீகரிக்கப்பட்ட நிதி ஆலோசகர்களிடமிருந்து தனிப்பட்ட முறையில் சரிபார்க்கப்பட வேண்டும்.