டிரம்ப் போட்ட வரியை, GST வரி குறைப்பால் ஈடு செய்த மோடி.. GDP-யில் டிவிஸ்ட்..!!

இந்திய பொருளாதாரத்தின் வளர்ச்சி என்பது மக்களின் நுகர்வு அளவீட்டை அதிகம் நம்பியுள்ளது பலருக்கும் தெரியாது. மக்கள்தொகை அதிகமாக கொண்ட நாடுகளில் உள்நாட்டு நுகர்வு மிகவும் முக்கிய பங்கு வகிக்கும். இப்படியிருக்கையில் ஜிஎஸ்டி வரி செய்யப்பட்ட மறுசீரமைப்பும், வரி குறைப்பும் உள்நாட்டு நகர்வு அளவை உயர்த்துவது மட்டும் அல்லாமல் டிரம்ப் விதித்த வரி தாக்கத்தை முழுமையாக களைந்துள்ளது ஜிஎஸ்டி கவுன்சில்.

கடந்த நிதியாண்டில் நாட்டின் மொத்த உள்நாட்டு உற்பத்தியில் (GDP) தனியார் நுகர்வு பங்கீடு மட்டும் 61.4 சதவீதமாகும். இந்த நிலையில், புதிய ஜிஎஸ்டி சீர்திருத்தங்கள் மூலம் நாட்டின் நகர்வு அதிகரிப்பது மட்டும் அல்லாமல் பொருளாதாரத்தை மேலும் வலுப்படுத்தும் என்று எதிர்பார்க்கப்படுகிறது.

பொருளாதார நிபுணர்களின் கணிப்பின் படி ஜிஎஸ்டி சீர்திருத்தங்கள் அமலுக்கு வந்த இரண்டாவது ஆண்டில் பொருளாதார வளர்ச்சியை 0.5 சதவீத வரை அதிகரிக்கும் என எக்னாமிக் டைம்ஸ் தெரிவித்துள்ளது. இது அமெரிக்காவின் வரி தாக்கத்தை முழுமையாக சமாளிக்கும் திறன் கொண்டதாக மாறியுள்ளது என தெரிவித்துள்ளனர்.

இதேபோல் இந்த வரி குறைப்பு மூலம் உருவாரும் நுகர்வு குறுகியகால அளவிலேயே இருக்கும் என கணிக்கப்பட்டாலும், நீண்ட கால அடிப்படையில் லாபம் கிடைக்கும் என தெரிவிக்கப்பட்டு உள்ளது. ஜிஎஸ்டி வரி விதிப்பில் செய்யப்பட்டுள்ள மாற்றங்கள் இந்திய சந்தையில் நுகர்வு மற்றும் வணிக செயல்பாடுகளை ஊக்குவிக்கும், வரி குறைப்பு மூலம் மக்கள் கையில் கூடுதல் நிதி கிடைக்கும் காரணத்தால் பொதுமக்களின் கொள்முதல் திறன் அதிகரிக்கும், புதிய வர்த்தக வாய்ப்புகள் தோன்றும்.

ஆனால் இந்த ஜிஎஸ்டி வரி விதிப்பில், அனைத்து பொருட்களும் இந்த நன்மையை அனுபவிக்காது. மத்திய நிதி அமைச்சர் நிர்மலா சீதாராமன் கூறுகையில் புகையிலை, கட்கா, பிற புகையிலை பொருட்கள் மற்றும் சிகரெட்கள் தற்போதைய 28 சதவீத வரி தொடரும், மேலும் மாநிலங்களுக்கு வருவாய் இழப்பு ஈடு செய்ய பெறப்பட்ட கடன்கள் முழுமையாக தீர்க்கப்படும் வரை இழப்பீட்டு செஸ் விதிக்கப்படும் என தெரிவிக்கப்பட்டு உள்ளது.