சென்னையில் ரூ.75,000ஐ கடந்தது ஒரு சவரன் தங்கம்!! ஒரு வாரத்திலேயே இவ்வளவு விலை உயர்வா?

சென்னை: உலக அளவில் ஏற்பட்டிருக்கும் பொருளாதார நிலையற்ற தன்மை காரணமாக தங்கத்தின் விலை தொடர்ந்து ஏற்றத்திலேயே இருந்து வருகிறது . சென்னையிலும் ஆபரண தங்கம் தொடர்ந்து உயர்ந்து வருகிறது. இன்றைய தினம் தங்கம் ஆபரண தங்கம் ஒரு சவரன் 75,000 ரூபாயை கடந்து விற்பனை செய்யப்படுகிறது.

ஆபரணத் தங்கம் விலை: சென்னையில் 22 கேரட் ஆபரணத் தங்கம் ஒரு கிராமுக்கு 10 ரூபாய் விலை உயர்ந்து 9,380 ரூபாய்க்கு விற்பனை செய்யப்படுகிறது. நேற்றைய தினம் 74 , 960 ரூபாய்க்கு விற்பனை செய்யப்பட்ட ஒரு சவரன் தங்கம் இன்று 80 ரூபாய் விலை உயர்வு கண்டு 75 ,040 ரூபாயை கடந்துள்ளது. சென்னையில் ஒரு சவரன் ஆபரண தங்கம் 75,000 ரூபாயை கடந்திருப்பது சாமானிய மக்களுக்கு கலக்கத்தை ஏற்படுத்தி இருக்கிறது.

24 கேரட் தங்கம் விலை: 24 கேரட் தங்கத்தை பொறுத்தவரை ஒரு கிராமுக்கு 11 ரூபாய் விலை உயர்வு கண்டிருக்கிறது .நேற்று 10,222 ரூபாய்க்கு விற்பனை செய்யப்பட்ட ஒரு கிராம் தங்கம் இன்று 10,233 ரூபாய்க்கு விற்பனை செய்யப்பட்டு வருகிறது. ஒரு சவரன் தங்கம் 88 ரூபாய் விலை உயர்வு கண்டுள்ளது 24 கேரட் தங்கம் ஒரு சவரன் 81,864 ரூபாய்க்கு விற்பனை செய்யப்பட்டு வருகிறது.

தொடர்ந்து உயரும் தங்கம்: சென்னையில் 18 கேரட் தங்கத்தின் விலை உயர்ந்திருக்கிறது. ஒரு கிராம் ஐந்து ரூபாய் விலை உயர்ந்த 7750 ரூபாயாக இருக்கிறது ஒரு சவரனுக்கு 40 ரூபாய் விலை உயர்வு கண்டு 62,000 ரூபாய்க்கு விற்பனை செய்யப்படுகிறது. கடந்த ஆகஸ்ட் 1ஆம் தேதி முதலே தங்கம் விலை ஏற்றத்திலேயே தான் இருக்கிறது.

ஆகஸ்ட் 1 முதல் எவ்வளவு உயர்வு: சென்னையில் ஆபரண தங்கம் ஆகஸ்ட் 1ஆம் தேதி அன்று ஒரு கிராம் 9,150 ரூபாய்க்கு விற்பனை செய்யப்பட்டது, ஒரு சவரன் 73,200 ரூபாய்க்கு விற்கப்பட்டது. அதுவே 6 நாட்களில் ஒரு கிராமுக்கு 230 ரூபாய் விலை உயர்ந்துள்ளது ஒரு சவரனுக்கு 1840 விலை அதிகரித்து இருக்கிறது. வெள்ளியை பொருத்தவரை இன்று ஒரு கிராமுக்கு 1 ரூபாய் விலை உயர்ந்து 126 ரூபாய்க்கும் ஒரு கிலோ 1, 26,000 ரூபாய்க்கும் விற்பனை செய்யப்படுகிறது.

என்ன காரணம்: அமெரிக்க அரசின் வரி விதிப்பு நடவடிக்கையால் உலகளவில் பொருளாதார நிலையற்ற தன்மை ஏற்பட்டிருக்கிறது. இதனால் பாதுகாப்பான முதலீடாக கருதப்படும் தங்கத்தை நோக்கி முதலீட்டாளர்கள் வருகை தருகின்றனர். இதுவே உலகளவிலும் இந்திய அளவிலும் தங்கத்தின் விலை உயர காரணமாக இருக்கிறது.