முகேஷ் அம்பானி வளர்ச்சிக்கு இதுதான் காரணமா.. ஊர்ல இருக்கும் மொத்த அறிவாளியும் இங்கதான் இருக்காங்க!

ஆசியாவின் மிகப் பெரும் பணக்காரரான முகேஷ் அம்பானியின் ரிலையன்ஸ் இண்டஸ்ட்ரீஸ் லிமிட்டெட் இந்தியாவின் மிகப் பெரிய மற்றும் மதிப்பு மிக்க நிறுவனமாகும். முகேஷ் அம்பானியின் தந்தை திருபாய் அம்பானி தான் ரிலையன்ஸ் இண்டஸ்ட்ரீஸை நிறுவினார். ரிலையன்ஸ் இண்டஸ்ட்ரீஸ் லிமிடெட் நிறுவனத்தின் தற்போதைய நிகர சொத்து மதிப்பு ரூ.16,63,000 கோடியாகும்.

1957 ஆம் ஆண்டில் ஒரு நூல் வர்த்தக நிறுவனமாக இது தொடங்கப்பட்டது. இன்றைக்கு பெட்ரோகெமிக்கல்ஸ், ஜவுளி, ஆயில் மற்றும் எரிவாயு, ரீடெய்ல், டிஜிட்டல் பிராண்ட் ஜியோ ஆகிய நிறுவனங்களைக் கொண்டுள்ளது.

முகேஷ் அம்பானி, அவரது பிள்ளைகள், ஈஷா, ஆனந்த், ஆகாஷ் தவிர ரிலையன்ஸ் இண்டஸ்ட்ரீஸ் போர்டில் இந்தியாவின் டாப் சம்பளம் பெறும் நிபுணர்களும் இடம் பெற்றுள்ளனர். இதில் சில உலகப் புகழ்பெற்ற தொழிலதிபர்களும் உள்ளனர். அவர்களது கல்வித்தகுதி பற்றி இங்கு விரிவாகப் பார்க்கலாம்.

முகேஷ் அம்பானி: மும்பை பல்கலைக்கழகத்தின் இன்ஸ்டிட்டியூட் ஆப் கெமிக்கல் டெக்னாலஜியில் கெமிக்கல் இஞ்ஜினியரிங் பட்டம் பெற்ற முகேஷ் அம்பானி தான் ரிலையன்ஸ் இண்டஸ்ட்ரீஸின் தலைவர் மற்றும் நிர்வாக இயக்குநர். அமெரிக்காவின் ஸ்டான்போர்டு பல்கலைக்கழகத்தில் எம்பிஏ பட்டப்படிப்பில் 1980 சேர்ந்து சில மாதங்களிலேயே கைவிட்டு இந்தியாவுக்கு வந்து ரிலையன்ஸ் நிறுவனத்தில் சேர்ந்தார்.

நான்-எக்ஸிகியூட்டிவ் டைரக்டர்கள்-
ஈஷா அம்பானி: ரிலையன்ஸ் ரீடெய்ல் வென்சர்ஸ் லிமிடெட், ரிலையன்ஸ் ஜியோ இன்போகாம் லிமிடெட் மற்றும் ரியைலன்ஸ் அறக்கட்டளையின் செயல் தலைமைக்குழுவின் உறுப்பினராக உள்ளார். அமெரிக்காவின் யேல் பல்கலைக்கழகத்தில் சைக்காலஜி மற்றும் தெற்காசிய ஸ்டடீஸில் இரட்டை கல்விப் பட்டத்தை முடித்துள்ளார். தனது தந்தையைப் போலவே ஸ்டான்போர்டு பல்கலைக்கழகத்தில் எம்பிஏ பட்டம் படித்துள்ளார்.

ஆனந்த் அம்பானி: ஜியோ பிளாட்பார்ம்ஸ் லிமிடெட், ரிலையன்ஸ் ரீடெய்ல் வென்சர்ஸ் லிமிடெட், ரிலையன்ஸ் நியூ எனர்ஜி லிமிடெட் மற்றும் ரிலையன்ஸ் நியூ சோலார் எனர்ஜி, ரிலையன்ஸ் அறக்கட்டளை வாரியத்தின் உறுப்பினராக உள்ளார். அமெரிக்காவின் பிரவுன் பல்கலைக்கழகத்தில் இளநிலை பட்டக்கல்வியை முடித்துள்ளார்.

ஆனந்த் அம்பானி: ஜியோ பிளாட்பார்ம்ஸ் லிமிடெட், ரிலையன்ஸ் ரீடெய்ல் வென்சர்ஸ் லிமிடெட், ரிலையன்ஸ் நியூ எனர்ஜி லிமிடெட் மற்றும் ரிலையன் நியூ சோலார் எனர்ஜி, ரிலையன்ஸ் அறக்கட்டளை வாரியத்தின் உறுப்பினராக உள்ளார். அமெரிக்காவின் பிரவுன் பல்கலைக்கழகத்தில் இளநிலை பட்டக்கல்வியை முடித்துள்ளார்.

எக்ஸிகியூட்டிவ் டைரக்டர்கள்-

ஹிட்டல் ஆர் மெஸ்வானி: அமெரிக்காவின் பென்சில்வேனியா பல்கலைக்கழகத்தில் கெமிக்கல் இஞ்சினியரிங் பட்டப்படிப்பை முடித்துள்ளார். வார்ட்டன் பிஸினஸ் ஸ்கூலில் பொருளாதாரத்தில் இளநிலை பட்டக்கல்வியை படித்துள்ளார்.
நிகில் ஆர் மெஸ்வானி: மும்பை பல்கலைக்கழகத்தில் இளநிலை பட்டக்கல்வியை முடித்துவிட்டு அமெரிக்காவின் மசாசூசெட்ஸ் பல்கலைக்கழகத்தில் கெமிக்கல் இஞ்சினியரிங்க பட்டக்கல்வியை படித்துள்ளார்.

பிஎம்எஸ் பிரசாத்: ரிலையன்ஸ் நிறுவனத்தின் நீண்டகால அங்கத்தினரான பிரசாத் உஸ்மானியா பல்கலைக்கழகத்தில் அறிவியலில் இளநிலை பட்டப்படிப்பும் அண்ணா பல்கலைக்கழகத்தில் பொறியியல் கல்வியையும் படித்தார். டேராடூன் பல்கலைக்கழகத்தில் கௌரவ டாக்டர் பட்டம் பெற்றவர்.
தனிப்பட்ட டைரக்டர்கள்-
அடில் ஜைனுல்பாய்: ஐஐடியின் மெக்கானிக்கல் இன்ஜினியரிங் பட்டதாரி . அமெரிக்காவின் ஹார்வர்ட் பிசினஸ் ஸ்கூலில் எம்பிஏ படித்தவர்.

ரமிந்தர் எஸ் குஜ்ரால்: இவர் எல்எல்பி பட்டம் பெற்ற பொருளாதாரம் (ஹானர்ஸ்) பட்டதாரி. ஐஐஎம் அகமதாபாத்தில் எம்பிஏ பட்டமும், அமெரிக்காவின் பிளெட்சர் ஸ்கூல் ஆஃப் பிசினஸில் எம்ஏ பட்டமும் பெற்றுள்ளார்.

சுமீத் பானர்ஜி: கெல்லாக் ஸ்கூல் ஆஃப் மேனேஜ்மென்ட், நார்த்வெஸ்டர்ன் பல்கலைக்கழகத்தில் பிஹெச்டி பட்டம் பெற்றவர்.
அருந்ததி பட்டாச்சார்யா: ஆங்கிலத்தில் முதுகலைப் பட்டம் பெற்றவர். அவர் இந்தியன் இன்ஸ்டிடியூட் ஆஃப் பேங்கர்ஸின் இணை உறுப்பினராக உள்ளார்.

கே.வி.சௌத்ரி: சென்னையில் உள்ள லயோலா கல்லூரியில் கணிதத்தில் பட்டம் பெற்றார், பின்னர் சென்னை ஐஐடியில் கணிதத்தில் முதுகலைப் பட்டம் பெற்றார்.

ஹெச்இ யாசீர் ஓட்டமான் ஹெச் அல் ருமாய்யன்: இவர் ஒரு சவூதி தொழிலதிபர். சவூதி அரேபியாவில் உள்ள கிங் பைசல் பல்கலைக்கழகத்தில் கணக்கியலில் பட்டம் பெற்றவர். அவர் ஹார்வர்ட் பிசினஸ் ஸ்கூலில் பொது மேலாண்மை திட்டத்தில் பட்டம் பெற்றார்.

கேவி காமத்: ஐசிஐசிஐ வங்கியின் முன்னாள் தலைமை நிர்வாக அதிகாரியான கேவி காமத், அகமதாபாத்தில் உள்ள ஐஐஎம்மில் வணிக நிர்வாகத்தில் முதுகலைப் பட்டம் பெற்றார். இவரும் ஒரு மெக்கானிக்கல் இன்ஜினியர்.