சாக்லேட் நிறுவனத்தை வாங்கிய ரிலையன்ஸ் ரீடைல்.. முகேஷ் அம்பானியின் அடுத்த மூவ்!

ரிலையன்ஸ் குழுமத்தின் சில்லறை வர்த்தக பிரிவினை தொடர்ந்து விரிவாக்கம் செய்யும் விதமாக , பல்வேறு நிறுவனங்களின் பங்குகளை வாங்கி குவித்து வருகின்றது. பல்வேறு நிறுவனங்களையும் கையகப்படுத்தி வருகின்றது.

அந்த வகையில் ரிலையன்ஸ் ரீடெயில் வென்சர்ஸ் லிமிடெட் நிறுவனத்தின் துணை நிறுவனம், லோட்டஸ் சாக்லேட்டின் 51% பங்குகளை , 74 கோடி ரூபாய்க்கு வாங்கியுள்ளதாக அறிவித்துள்ளது.

புரோமோட்டர்களிடம் இருந்து வாங்கிய பங்கு

ரிலையன்ஸ் குழுமத்தின் சில்லறை வர்த்தக குழுமமான ரிலையன்ஸ் கன்சியூமர் புராடக்ட்ஸ் லிமிடெட் நிறுவனத்தின் துணை நிறுவனமான, ரிலையன்ஸ் ரீடெயில் வென்சர்ஸ் லிமிடெட், லோட்டஸ் சாக்லேட் நிறுவனத்தின் பங்கினை வாங்கியுள்ளது.

இந்த சாக்லேட் நிறுவனத்தின் தற்போதைய புரோமோட்டர்களான, பிரகாஷ் பி பாய் மற்றும் ஆனந்த் பி பாயிடமிருந்து 74 கோடி ரூபாய்க்கு வாங்கியுள்ளது.

சாக்லேட் நிறுவனத்தில் முதலீடு

ரிலையன்ஸ் கன்சியூமர் புராடக்ட்ஸ் லிமிடெட் நிறுவனம், லோட்டஸ் சாக்லேட் நிறுவனம் 65,48,935 ஈக்விட்டி பங்குகளை அல்லது 51% பங்குகளை வாங்கியுள்ளது.

இந்த பங்கு விலை ஒரு பங்குக்கு 113 ரூபாயாக நிர்ணயம் செய்துள்ளது. இதன் மூலம் ரிலையன்ஸ் நிறுவனம் 74 கோடி ரூபாய் முதலீடு செய்துள்ளது.

 

உற்பத்தியினை அதிகரிக்க திட்டம்

லோட்டஸ் நிறுவனம் பொது பங்குதாரர்களுக்கு 26% திறந்த சலுகையையும் அறிவித்துள்ளது. லோட்டஸில் செலுத்தப்படும் மூலதனமானது, அதன் வணிகத்தினை விரிவாக்கம் செய்ய பயன்படுத்தப்படும் என அறிவிக்கப்பட்டுள்ளது. இது தின்பண்டங்கள், கோகோ, சாக்லேட் மற்றும் பல நுகர்வோர் சந்தையில் தொடர்புடைய தயாரிப்புகளை உற்பத்தி செய்ய இது உதவும்.

மிக்க மகிழ்ச்சி

இது குறித்து ரிலையன்ஸ் அறிக்கையில், விடாமுயற்சியின் மூலம் வலுவான சாக்லேட் வணிகத்தினை உருவாக்கிய, லோட்டஸ் உடன் கூட்டு சேருவதில் நாங்கள் மகிழ்ச்சி அடைகிறோம். இதன் மூலம் உயர் தரமான தயாரிப்புகளை உருவாக்குவதற்கும், பரந்த அளவில் மலிவு விலையில் சேவையினை வழங்கவும் இது உதவும்.

ரிலையன்ஸ் ரீடெயில் லாபம்

ரிலையன்ஸ் நிறுவனத்துடன் இந்த இணைந்து வணிகத்தில் ஈடுபடுவதில் நாங்கள் மகிழ்ச்சியடைகிறோம். ரிலையன்ஸ் ரீடெயில் நிறுவனத்தின் செப்டம்பர் காலாண்டில் அதன் ஒருங்கிணைந்த நிகர லாபத்தில், 36% அதிகரித்து, 2305 கோடி ரூபாயாக அதிகரித்துள்ளது. அம்பானிக்கு சொந்தமான சில்லறை வணிக சங்கிலியின் மொத்த காலாண்டு வருவாய் 64.920 கோடி ரூபாயாக அதிகரித்துள்ளது. இது கடந்த ஆண்டினை காட்டிலும், 42.9% அதிகரித்துள்ளது. ரிலையன்ஸ் ரீடெயில் எபிட்டா விகிதம் சாதனை படைத்துள்ளது. இது ஆண்டுக்கு 51.2% அதிகரித்து, 4404 கோடி ரூபாயாக அதிகரித்துள்ளது.