5 மாதங்களில் 300% லாபம் தந்துள்ள பங்குகள்.. தரகு நிறுவனங்கள் கூறுவது என்ன?

மும்பை: 2024- 2025 நிதியாண்டு தொடங்கியதில் இருந்து தற்போது வரை இந்திய பங்குச்சந்தைகள் அவ்வப்போது சரிவை கண்டாலும் அவ்வப்போது புதிய உச்சத்தையும் எட்டி வருகிறது. இந்த 5 மாதங்களில் பல்வேறு நிறுவனங்களின் பங்குகள் கணிசமான வளர்ச்சியை கண்டுள்ளன. பெஞ்ச்மார்க் குறியீடான NSE Nifty கடந்த 5 மாதங்களில் 13% வளர்ச்சி அடைந்துள்ளது, அதே போல Nifty Midcap 150 குறியீடு 23% மற்றும் Nifty Smallcap 250 குறியீடு 27% உயர்ந்துள்ளன.

நிஃப்டியுடன் சேர்ந்து பல்வேறு நிறுவனங்களின் பங்கு மதிப்புகளும் அதிகரித்துள்ளன. உதாரணமாக மைக்ரோகேப் நிறுவனமான LCC Infotech நிறுவனத்தின் பங்கு மதிப்பு நடப்பு நிதியாண்டில் 362% உயர்ந்துள்ளது. மார்ச் 28ஆம் தேதி இதன் ஒரு பங்கின் மதிப்பு 1.90 ரூபாய் என இருந்து தற்போது 8.77 ரூபாய் என உயர்ந்திருக்கிறது.

அடுத்ததாக, V-Marc India நிறுவனத்தின் பங்கு மதிப்பு 333% உயர்ந்து தற்போது 439 ரூபாய் என்ற அளவில் வர்த்தகமாகி வருகிறது. அதே போல Shekhawati Industries நிறுவன பங்கின் மதிப்பு 310% வளர்ச்சி அடைந்து தற்போது 86 ரூபாய் என்ற அளவில் வர்த்தகமாகிறது. இந்த பட்டியலில் அடுத்த இடத்தை பிடித்திருப்பது Enser Communications. இந்த நிறுவனத்தின் பங்கு மதிப்பு 63 ரூபாயில் இருந்து 238.85 ரூபாய் என 278% வளர்ச்சி அடைந்துள்ளது.

இதே போல Kody Technolab, Sungarner Energies, Shakti Pumps (India), Transwarranty Finance, Viviana Power Tech, GMR Power உள்ளிட்ட நிறுவனங்களின் பங்கு மதிப்பும் கடந்த 5 மாத காலத்தில் 220% முதல் 275% வரை லாபம் கண்டுள்ளன.

PG Electroplast (PGEL) நிறுவனத்தின் பங்கு மதிப்பு ஏப்ரல் முதல் ஆகஸ்ட் வரையிலான காலத்தில் 216% உயர்ந்து 525.15 ரூபாய் என வர்த்தகமாகிறது. இந்நிறுவனம் கூகுளிடம் இருந்து ODM உரிமம் பெற்றுள்ளது எனவே இதன் மதிப்பு உயர்ந்த வண்ணமே இருக்கும் என்கின்றன தரகு நிறுவனங்கள்.

அது மட்டுமின்றி Kavveri Telecom Products, Suraj Estate Developers, Windsor Machines &Trident Techlabs ஆகிய நிறுவனங்களின் பங்கு மதிப்பு கடந்த 5 மாதங்களில் 200% வரை வளர்ச்சி அடைந்துள்ளன. இதில் குறிப்பாக Suraj Estate Developers பங்கு மதிப்பு தற்போது 772 ரூபாய் என வர்த்தகமாகும் நிலையில் அது 935ரூபாய் வரை உயரக் கூடும் என நுவாமா தரகு நிறுவனம் கணிப்பு வெளியிட்டுள்ளது.

Story written by: Devika