தங்க நகை தொழிலில் கால் பதித்த நடிகை தமன்னா..!! கோடி கோடியா கொட்டும் பணம்..!!

தமன்னா பாட்டியா தமிழ், தெலுங்கு, இந்தி என அனைத்து மொழிகளிலும் தனக்கென தனியாக ரசிகர் கூட்டத்தை வைத்திருக்கும் ஒரு நடிகை. அண்மை காலமாக அவர் இந்தி படங்கள் மற்றும் வெப் சீரிஸ்களில் தான் அதிகம் கவனம் செலுத்துகிறார். வெறும் நடிகையாக மட்டுமில்லாமல் அவர் நகை தொழில் ஒன்றை தொடங்கி வெற்றிகரமாக நடத்தி வருகிறார்.

வழக்கமாக பாலிவுட் நடிகைகள் சொந்தமாக அழகுசாதன பொருட்களை விற்பனை செய்யும் பிராண்டுகளை தான் நடத்துவார்கள். ஆனால் தமன்னா வித்தியாசமாக நகை தொழிலில் இறங்கியுள்ளார். இதற்கு அவர் தந்தை தான் காரணம். சிந்தி இனத்தை சேர்ந்தவரான தமன்னாவின் தந்தை பாரம்பரியமாக தங்க நகை தொழில் மேற்கொண்டு வருகிறார். தந்தையிடம் இருந்து கற்றுக் கொண்ட தொழில் உத்தி மற்றும் தன்னுடைய பிரபலம் இரண்டையும் இணைத்து தமன்னா TAMANNAAH Fine Jewellery என்ற நிறுவனத்தை நடத்தி வருகிறார்.

தமன்னா இந்த நகை கடைக்கான விளம்பர தூதரகாவும் தமன்னாவே செயல்படுகிறார். வழக்கமாக நாம் அணியும் நகைகளாக இவை இல்லை. ஆடம்பர நகைகள் அதாவது மோதிரம், பிரேஸ்லைட், செயின் , தோடு, டாலர் ஆகியவை தான் இவரின் கடையில் கிடைக்கும். இவை அனைத்துமே மிகவும் ஆடம்பரமானவை. ஆரம்ப விலையே ரூ.90,000 தான். முழுமுழுக்க தன்னுடைய பணத்தை மட்டுமே போட்டு தமன்னா இந்த தொழிலை நடத்துகிறார். நகை தொழில் என்பது தன்னுடைய ரத்தத்திலேயே இருக்கும் விஷயம் என அவர் ஒரு பேட்டியில் கூறியுள்ளார்.

Also Read

மாப்பிள்ள இத செஞ்சா மட்டும் தான் நீங்க பிஸ்னஸ்ல ஜெயிக்க முடியும்: மருமகனுக்கு அம்பானி சொன்ன அறிவுரை

தமன்னா இந்திய திரையுலகின் முன்னணி நட்சத்திரங்களில் ஒருவராக இருக்கிறார். 2000-களின் தொடக்கத்தில் தனது நடிப்பு பயணத்தை தொடங்கிய தமன்னா, குறுகிய காலத்திலேயே தென்னிந்திய சினிமாவின் முன்னணி நடிகைகளில் ஒருவராக உயர்ந்தார். இவரது சொத்து மதிப்பு சுமார் 120 கோடிக்கும் அதிகம் என சொல்லப்படுகிறது.

படத்தில் நடிப்பது, விளம்பர ஒப்பந்தங்கள், பொது நிகழ்ச்சிகளில் பங்கேற்பு ஆகியவற்றின் மூலம் இவருக்கு கணிசமான வருமானம் கிடைக்கிறது. ஒரு படத்திற்கு தமன்னா சுமார் 4 கோடி முதல் 5 கோடி ரூபாய் வரை சம்பளமாக பெறுவதாக தகவல்கள் தெரிவிக்கின்றன.

Recommended For You

14 வயதிலேயே AI ஸ்டார்ட் அப்..!! துபாயை கலக்கும் இந்திய சிறுவன்..!! வெற்றிக்கான ரகசியம் இதுதானாம்..!!

இதனை தாண்டி ரியல் எஸ்டேட் துறையிலும் தமன்னா அதிக முதலீடு செய்துள்ளார். இவர் சுமார் 30 கோடி ரூபாய் மதிப்புக்கு மும்பை உள்ளிட்ட நகரங்களில் சொந்தமாக வீடு வாங்கி வைத்துள்ளார். இவை தவிர BMW 320i, மெர்சிடிஸ்-பென்ஸ், மிட்சுபிஷி பஜேரோ ஸ்போர்ட் , லேண்ட் ரோவர் ரேஞ்ச் ரோவர் டிஸ்கவரி ஸ்போர்ட் ஆகிய சொகுசு கார்களை சொந்தமாக வைத்துள்ளார். சுகர் காஸ்மடிக்ஸ் உள்ளிட்ட சில பிராண்டுகளிலும் தமன்னா முதலீடு செய்துள்ளார்.