Tamil Nadu Budget 2026 Live: விவசாய பட்ஜெட் தாக்கல் செய்யும் எம்.ஆர்.கே.பன்னீர்செல்வம்..!

தமிழ்நாடு சட்டசபையில் 2026-27 நிதியாண்டுக்கான இடைக்கால பட்ஜெட் அறிக்கையை தமிழக நிதி அமைச்சர் தங்கம் தென்னரசு தாக்கல் செய்தார். இந்த ஆண்டு சட்டமன்றத் தேர்தல் நடைபெற உள்ள நிலையில், இந்த பட்ஜெட் மக்கள் மத்தியில் மிகுந்த எதிர்பார்ப்பை ஏற்படுத்தியுள்ளது.

திங்கள்கிழமை முதலமைச்சர் முக.ஸ்டாலின் அவர்களிடம் தமிழ்நாட்டு அரசின் 2வது பொருளாதார ஆய்வறிக்கை ஒப்படைக்கப்பட்டது. இதில் தமிழ்நாடு அரசின் பொருளாதார வளர்ச்சி, பணவீக்கம், டிரில்லியன் டாலர் கனவு உள்ளிட்ட பல்வேறு முக்கிய தரவுகள் வெளியிடப்பட்டது.

இந்த நிலையில் நிதியமைச்சர் தங்கம் தென்னரசு, இடைக்கால பட்ஜெட் அறிக்கையை தாக்கல் செய்த பின்பு, வேளாண் துறை அமைச்சர் எம்.ஆர்.கே.பன்னீர்செல்வம் விவசாய துறைக்கான பட்ஜெட் அறிக்கையை தாக்கல் செய்கிறார்.

Feb 17, 2026, 1:15 pm IST

மத்திய வரிகளில் தமிழ்நாட்டு பங்கு

2026-27 இடைக்கால பட்ஜெட் மதிப்பீட்டில் மத்திய அரசிடம் இருந்து வரிகளில் தமிழ்நாட்டு பங்கு ரூ.62,530.65 கோடியாக உள்ளது. 2025-26 திருத்த மதிப்பீட்டில் ரூ.56,819.23 கோடியாக இருந்தது. 2027-28-இல் ரூ.71,284.94 கோடியும், 2028-29-இல் ரூ.81,264.83 கோடியும் 14 சதவீத வளர்ச்சியுடன் எதிர்பார்க்கப்படுகிறது.

Feb 17, 2026, 1:15 pm IST

மொத்த வருவாய் செலவு

மொத்த வருவாய் செலவு 2025-26 பட்ஜெட் மதிப்பீட்டில் ரூ.3,73,204 கோடியிலிருந்து திருத்த மதிப்பீட்டில் ரூ.3,78,917 கோடியாக உயர்ந்துள்ளது. இது அரசின் நிர்வாக செலவுகள் மற்றும் நலத்திட்டங்களுக்கு ஒதுக்கப்பட்ட நிதி மூலம் அதிகரித்துள்ளது.

Feb 17, 2026, 1:15 pm IST

மொத்த வருவாய் வரவு

மொத்த வருவாய் வரவு 2025-26 திருத்த மதிப்பீட்டில் ரூ.3,09,698 கோடியாக உள்ளது. 2026-27 இடைக்கால மதிப்பீட்டில் ரூ.3,44,575 கோடியாக உயர்ந்துள்ளது. இது திருத்த மதிப்பீட்டை விட 11.26 சதவீத அதிகரிப்பாகும்.

Feb 17, 2026, 1:15 pm IST

தமிழ்நாட்டின் கடன் நிலை

2025-26 திருத்த மதிப்பீட்டில் மாநிலத்தின் மொத்த நிலுவைக் கடன் ரூ.9,52,374 கோடியாக உள்ளது. 2025-26 பட்ஜெட் மதிப்பீட்டில் ரூ.9,29,959 கோடியாக இருந்தது.

Feb 17, 2026, 12:18 pm IST

தமிழ்நாடு அரசின் தொடர்ச்சியான முயற்சிகளால் வேளாண் பரப்பளவு 3 லட்சம் ஏக்கர் அதிகரித்துள்ளது. இது விவசாயிகளின் வருமானத்தை உயர்த்துவதோடு, உணவு பாதுகாப்பையும் வலுப்படுத்தியுள்ளது.

Feb 17, 2026, 12:18 pm IST

தென்னை விவசாயிகளுக்கு ஏற்படும் பாதிப்புகளைத் தடுக்க வேளாண் துறை மூலம் உரிய நடவடிக்கை எடுக்கப்படும் என்று வேளாண் அமைச்சர் எம்.ஆர்.கே. பன்னீர்செல்வம் தெரிவித்துள்ளார்.

Feb 17, 2026, 11:57 am IST

விவசாய பட்ஜெட்

விவசாய பட்ஜெட் தாக்கல் செய்யும் எம்.ஆர்.கே.பன்னீர்செல்வம்

Feb 17, 2026, 11:56 am IST

2.21 மணிநேரம் பட்ஜெட் உரையை வாசித்த நிதியமைச்சர் தங்கம் தென்னரசு..!!

Feb 17, 2026, 11:51 am IST

கடன்

தமிழ்நாடு அரசின் ஒட்டுமொத்த நிலுவை கடன் 9.52 லட்சம் கோடியாக அதிகரிக்கும் கணிக்கப்பட்டு உள்ளதாக - தங்கம் தென்னரசு தெரிவித்துள்ளார்.

Feb 17, 2026, 11:50 am IST

GST

மாநிலங்களுடன் ஆலோசனை செய்யாமல் ஜிஎஸ்டி வரி விதிப்பில் திருத்தம் செய்யப்பட்டதால் தமிழ்நாடு அரசுக்கு 9600 கோடி ரூபாய் அளவிலான நிலுவையில் உள்ளது.

Feb 17, 2026, 11:49 am IST

தமிழ்நாடு செமிகண்டக்டர் இயக்கம் 2030 என்னும் திட்டத்திற்கு 500 கோடி ரூபாய் ஒதுக்கீடு செய்யப்பட்டு உள்ளது.

Feb 17, 2026, 11:45 am IST

இந்தியாவிலேயே முதல் முறையாக தூய்மைப் பணியாளர்களுக்கு ரூ.214 கோடியில் உணவு வழங்கும் திட்டம்!

Feb 17, 2026, 11:44 am IST

தமிழ்நாடு உத்தரவாத ஓய்வூதிய திட்டம் (TAPS)

தமிழ்நாடு உத்தரவாத ஓய்வூதிய திட்டத்திற்கு ரூ.11,000 கோடி ஒதுக்கீடு செய்யப்பட்டுள்ளது. இது ஓய்வுபெற்றவர்களுக்கு நிலையான வருமானத்தை உறுதி செய்யும் முக்கிய திட்டமாகும்.

Feb 17, 2026, 11:44 am IST

முதல்வர் படைப்பகங்கள் (CM Spaces)

மாணவர்கள் மற்றும் தொழில்முனைவோரின் பயன்பாட்டுக்காக தமிழ்நாடு முழுவதும் 30 முதல்வர் படைப்பகங்கள் ரூ.104 கோடி செலவில் அமைக்கப்பட உள்ளன.

Feb 17, 2026, 11:44 am IST

மாபெரும் விடுதி

ஸ்ரீபெரும்புதூரில் இந்தியாவின் மிகப்பெரிய தொழிலாளர் விடுதி ஸ்ரீபெரும்புதூரில் 18,720 படுக்கைகள் கொண்ட இந்தியாவின் மிகப்பெரிய தொழிலாளர் விடுதி ரூ.706 கோடி செலவில் கட்டப்பட்டுள்ளது. தொழிலாளர்களின் வாழ்க்கைத் தரத்தை உயர்த்தும் இத்திட்டம் முக்கியத்துவம் வாய்ந்தது.

Feb 17, 2026, 11:44 am IST

தமிழ்நாடு அறிவு நகரம்

சென்னை அருகே 2,000 ஏக்கர் பரப்பளவில் ‘தமிழ்நாடு அறிவு நகரம்’ மற்றும் ‘உலக நகரம்’ அமைக்கும் திட்டங்கள் மேற்கொள்ளப்பட்டுள்ளன. இது கல்வி, தொழில்நுட்பம் மற்றும் பொருளாதார வளர்ச்சிக்கு பெரும் உதவியாக அமையும் என்று நிதியமைச்சர் தெரிவித்தார்.

Feb 17, 2026, 11:28 am IST

தமிழ்நாடு இடைக்கால பட்ஜெட் 2026: துறை வாரியான நிதி ஒதுக்கீடுகள்

மாற்றுத்திறனாளிகள் நலத்துறை – ரூ.1,471 கோடி பள்ளிக் கல்வித்துறை – ரூ.48,534 கோடி உயர்கல்வி துறை – ரூ.8,505 கோடி சிறப்பு திட்ட செயலாக்கத்துறை – ரூ.17,088 கோடி ஊரக வளர்ச்சித் துறை – ரூ.28,687 கோடி சமூக நலத்திட்டங்கள் – ரூ.5,463 கோடி நகராட்சி நிர்வாகம் & நலன் – ரூ.28,827 கோடி இளைஞர் நலன் & விளையாட்டு – ரூ.718 கோடி தொழிலாளர் நலத்துறை – ரூ.1,996 கோடி நதிகள் மேம்பாட்டு திட்டங்கள் – ரூ.374 கோடி மக்கள் நல்வாழ்வு துறை – ரூ.22,090 கோடி சிறு, குறு & நடுத்தர தொழில் – ரூ.1,943 கோடி தகவல் தொழில்நுட்ப துறை – ரூ.219 கோடி நீர்வளத்துறை – ரூ.10,076 கோடி எரிசக்தி துறை – ரூ.18,091 கோடி பிற்படுத்தப்பட்டோர், மிகப் பிற்படுத்தப்பட்டோர் & சிறுபான்மையினர் நலம் – ரூ.1,634 கோடி சுற்றுலாத்துறை – ரூ.1,394 கோடி போக்குவரத்துத்துறை – ரூ.13,062 கோடி நெடுஞ்சாலை & சிறு துறைமுகங்கள் – ரூ.21,132 கோடி ஆதிதிராவிடர் நலத்துறை – ரூ.3,934 கோடி இந்த ஒதுக்கீடுகள் கல்வி, சுகாதாரம், ஊரக வளர்ச்சி, எரிசக்தி, போக்குவரத்து ஆகிய துறைகளுக்கு முன்னுரிமை அளிக்கின்றன.

Feb 17, 2026, 11:20 am IST

பூந்தமல்லி-வடபழனி மெட்ரோ

பூந்தமல்லி முதல் வடபழனி வரையிலான மெட்ரோ ரயில் திட்டம் விரைவில் பயன்பாட்டுக்கு வர உள்ளது என தங்கம் தென்னரசு தெரிவித்தார். இது சென்னை நகர்ப்புற போக்குவரத்தை மேம்படுத்தி பொருளாதார வளர்ச்சிக்கு உதவும்.

Feb 17, 2026, 11:19 am IST

குக்கிராம பேருந்து சேவை

குக்கிராமங்களுக்கு பேருந்து சேவை தொடங்குவதற்கான நடவடிக்கைகள் மேற்கொள்ளப்பட்டு வருகின்றன என நிதியமைச்சர் தங்கம் தென்னரசு பட்ஜெட் தாக்கலின் போது தெரிவித்தார். இது கிராம மக்களின் அன்றாட பயணத்தை எளிதாக்கி வாழ்க்கைத் தரத்தை உயர்த்தும்.

Feb 17, 2026, 11:19 am IST

தூத்துக்குடி கப்பல் கட்டும் தளம்

தூத்துக்குடியில் ரூ.5,200 கோடி மதிப்பீட்டில் புதிய கப்பல் கட்டும் தளம் அமைக்கப்பட்டு வருகிறது என நிதியமைச்சர் தங்கம் தென்னரசு பட்ஜெட் தாக்கலின் போது தெரிவித்தார்.

Feb 17, 2026, 11:19 am IST

புதிய வனவிலங்கு சரணாலயங்கள்

மாநிலத்தில் 6 புதிய வனவிலங்கு சரணாலயங்கள் அமைக்கப்பட உள்ளதாக என நிதியமைச்சர் தங்கம் தென்னரசு பட்ஜெட் தாக்கலில் தெரிவித்தார்.

Feb 17, 2026, 11:19 am IST

அதிவேக இணைய வசதி

மாநிலத்தில் 95 சதவீத கிராமங்களுக்கு அதிவேக இணைய வசதி ஏற்படுத்தும் திட்டம் செயல்படுத்தப்பட்டுள்ளது. இது கிராமப்புறங்களில் கல்வி, வேலைவாய்ப்பு மற்றும் டிஜிட்டல் சேவைகளை எளிதாக்கும்.

Feb 17, 2026, 11:13 am IST

நகர்ப்புர வாழ்விட மேம்பாட்டு வாரியத்தின் கீழ் பயனாளிகள் தாமாக வீடுகள் கட்டும் திட்டத்தின் கீழ் 1 வீட்டிற்கு மானியம் ரூ.2,10,000 அளிக்கப்பட்டதன் மூலம் சுமார் 2,21,212 வீடுகள் கட்டப்பட்டுள்ளன.

Feb 17, 2026, 11:11 am IST

உலகளாவிய சுற்றுலா மாநாடு

Feb 17, 2026, 11:00 am IST

பட்ஜெட்: இனி உங்க மாவட்டத்திலேயே ஐடி வேலை: டைடல் பூங்காக்கள் குறித்து வெளியான முக்கிய அறிவிப்பு!!

Read More

Feb 17, 2026, 10:57 am IST

கோயம்புத்தூர்-மதுரை மெட்ரோ திட்டம்

கோயம்புத்தூர் மற்றும் மதுரை மெட்ரோ ரயில் திட்டங்களை மறுபரிசீலனை செய்து ஒப்புதல் பெற தமிழ்நாடு அரசு தொடர்ந்து மத்திய அரசை வலியுறுத்தி வருகிறது. இத்திட்டங்கள் நகர்ப்புற போக்குவரத்தை மேம்படுத்தி பொருளாதார வளர்ச்சியை துரிதப்படுத்த உதவும் என்று நிதியமைச்சர் கூறினார்.

Feb 17, 2026, 10:57 am IST

நவீன நூலகங்கள்

கோயம்புத்தூர், திருச்சி, கடலூர், சேலம், திருநெல்வேலி ஆகிய நகரங்களில் நவீன நூலகங்கள் அமைக்க ரூ.902 கோடி ஒதுக்கீடு செய்யப்பட்டுள்ளது. இத்திட்டம் மக்களின் கல்வி மேம்பாட்டுக்கு பெரிதும் உதவும் என்று நிதியமைச்சர் தங்கம் தென்னரசு தெரிவித்தார்.

Feb 17, 2026, 10:49 am IST

3 மெகா டைடல் பார்க்

1070 கோடி ரூபாய் முதலீட்டில் திருச்சி, மதுரை, ஓசூர் ஆகிய நகரங்களில் மெகா டைடல் பார்க் நிறுவப்பட்டு வருகிறது.

Feb 17, 2026, 10:48 am IST

டைடல் பார்க் மூலம் சுமார் 25500 பேருக்கு வேலைவாய்ப்புகளை உருவாக்கியுள்ளது.

Feb 17, 2026, 10:48 am IST

டைடல் பூங்கா

நாமக்கல், திருவண்ணாமளை, விருதுநகர், திருநெல்வேலி, கன்னியாகுமரி, ஈரோடு, நாகப்பட்டினம், கரூர், புதுக்கோட்டை, ஆகிய 9 நியோ டைடல் பூங்காக்கள் 388 கோடி ரூபாய் முதலீட்டில் கட்டுமான பணிகள் மேற்கொள்ளப்பட்டு வருகின்றன.

Feb 17, 2026, 10:48 am IST

டைடல் பூங்கா - மினி தகவல் தொழில்நுட்பப் பூங்காக்கள்

விழுப்புரம், தஞ்சாவூர், சேலம், தூத்துக்குடி, வேலூர், காரைக்குடி, திருப்பூர் ஆகிய 7 மாவட்டத்தில் நியோ டைடல் பார்க் திறக்கப்பட்டு உள்ளது.

Feb 17, 2026, 10:28 am IST

மகளிர் உரிமை தொகை: பட்ஜெட்டில் அமைச்சர் தங்கம் தென்னரசு வெளியிட்ட குட் நியூஸ்!!

Read More

Feb 17, 2026, 10:25 am IST

திருநங்கைகளுக்கான சுயதொழில் உதவி

திருநங்கைகள் சுயமாக தொழில் தொடங்குவதற்கு அரசு மானியம் வழங்குகிறது. இது அவர்களின் பொருளாதார சுதந்திரத்தையும் சமூக உள்ளடக்கத்தையும் வலுப்படுத்தும் முயற்சியாகும்.

Feb 17, 2026, 10:25 am IST

முதலமைச்சர் காலை உணவுத் திட்ட வெற்றி

முதலமைச்சர் காலை உணவுத் திட்டத்தால் பள்ளி மாணவர்கள் வருகை அதிகரித்துள்ளது. 19.34 லட்சம் மாணவர்கள் பயனடைகின்றனர். இத்திட்டத்திற்கு ரூ.1,889 கோடி செலவிடப்பட்டுள்ளது.

Feb 17, 2026, 10:25 am IST

பெண்கள் வேலைவாய்ப்பில் தமிழ்நாடு முன்னிலை

நாடு முழுவதும் தொழிற்சாலைகளில் பணிபுரியும் பெண்களில் 41 சதவீதம் பேர் தமிழ்நாட்டில் உள்ளனர். பெண்களின் பொருளாதார சுதந்திரத்தை வலுப்படுத்தும் வகையில் அரசு தொடர்ந்து செயல்பட்டு வருகிறது.

Feb 17, 2026, 10:25 am IST

பள்ளிக் கல்வித்துறைக்கு பெரும் ஒதுக்கீடு

பள்ளிக் கல்வித்துறைக்கு ரூ.48,534 கோடி ஒதுக்கீடு செய்யப்பட்டுள்ளது. இது மாணவர்களின் கல்வி வளர்ச்சிக்கும், தரமான கற்றல் சூழலுக்கும் முக்கிய பங்களிப்பு செய்யும் என்று நிதியமைச்சர் தங்கம் தென்னரசு தெரிவித்தார்.

Feb 17, 2026, 10:16 am IST

நான் முதல்வன் திட்டத்தின் கீழ் சுமார் 48 லட்சம் பேர் திறன் வளர்ப்பு பயற்சிகளை மேற்கொண்டு சான்றிதழ்களை பெற்றுள்ளனர்.

Feb 17, 2026, 10:15 am IST

தமிழ்ப் புதல்வன் திட்டத்தின் கீழ் மாதம் 1000 ரூபாய் ஊக்க தொகை மூலம் 5.4 லட்சம் மாணவர்கள் பயன்பெற்றுள்ளனர்

Feb 17, 2026, 10:14 am IST

பட்ஜெட் தாக்கல் முன்னிட்டு தலைமை செயலகத்தில் செய்யப்பட்ட சிறப்பு அலங்காரம். புகைப்படம் - ஹிந்து

Feb 17, 2026, 10:14 am IST

புதுமைப்பெண் திட்டம் கீழ் மாதம்தோறும் 1000 ரூபாய் ஊக்க தொகை மூலம் கிட்டத்தட்ட 7 லட்சம் பேர் பயன்பெற்று வருகின்றனர்.

Feb 17, 2026, 10:13 am IST

"உலகம் உங்கள் கையில்" - 10 இலட்சம் மாணவர்களுக்கு மடிக்கணினி வழங்கும் திட்டம் செயல்படுத்தப்பட்டு உள்ளது - தங்கம் தென்னரசு

Feb 17, 2026, 10:10 am IST

அனைத்து மாவட்டங்களிலும் மாதிரி பள்ளிகள்

Feb 17, 2026, 10:10 am IST

தமிழ்நாட்டில் 41% பெண்கள் தொழிற்சாலைகளில் பணிபுரிகின்றனர்.

Feb 17, 2026, 10:09 am IST

மாற்றுத்திறனாளிகள் நலன்! உள்ளாட்சி அமைப்புகளில் நியமன முறையில் உறுப்பினர்கள் நியமிக்க சட்டவிதிகளில் திருத்தம்!

Feb 17, 2026, 10:09 am IST

தாயுமானவர் திட்டம்!

Feb 17, 2026, 10:08 am IST

முதலமைச்சரின் காலை உணவுத் திட்டம்!

Feb 17, 2026, 10:08 am IST

தமிழ்நாடு முழுவதும் 19 தோழி விடுதிகள் அமைக்கப்பட்டுள்ளன

Feb 17, 2026, 10:08 am IST

மகளிர் சுய உதவிக் குழு இயக்கம் மூலம் மகளிரின் தற்சார்பான வாழ்வுக்கு நிதி ஒதுக்கீடு. 6,23,529 குழுக்களுக்கு ரூ.1,41,718 கோடி வங்கிக் கடன் ஒதுக்கீடு.

Feb 17, 2026, 10:06 am IST

அன்புக்கரங்கள் திட்டத்தின் கீழ் மாதம் 2000 ரூபாய் தொகையை 10000க்கும் மேற்பட்ட குழந்தைகள் பெற்று வருகின்றனர்.

Feb 17, 2026, 10:05 am IST

அரசு பள்ளிகள் மேம்படுத்த மாநிலம் முழுவதும் நடவடிக்கை எடுக்கப்பட்டு உள்ளது - தங்கம் தென்னரசு

Feb 17, 2026, 10:04 am IST

வேலைக்கு செல்லும் பெண்களுக்கு பாதுகாப்பான தங்குமிடம் உருவாக்கும் திட்டத்தின் கீழ் மாநிலத்தில் சுமார் 19 விடுதிகள் அமைக்கப்பட்டு உள்ளது. இந்த திட்டத்தை தற்போது மத்திய அரசும், பல மாநில அரசுகளும் பின்பற்றி வருகிறது - தங்கம் தென்னரசு

Feb 17, 2026, 10:04 am IST

6 லட்சம் சுய உதவிக் குழுக்களுக்கு சுமார் 1.40 லட்சம் கோடி ரூபாய் ஒதுக்கப்பட்டு உள்ளது - தங்கம் தென்னரசு

Feb 17, 2026, 10:04 am IST

விடியல் பேருந்து திட்டத்தின் கீழ் சுமார் 888 கோடி முறை பெண்கள் கட்டணம் இல்லாமல் பயணம் செய்துள்ளனர் - தங்கம் தென்னரசு

Feb 17, 2026, 10:04 am IST

வெறும் 3 மணிநேரத்தில் மாநிலத்தில் சுமார் 1.31 கோடி பெண்கள் வங்கி கணக்கில் 5000 ரூபாய் செலுத்தப்பட்டது நாடே திரும்பி பார்த்துள்ளது.

Feb 17, 2026, 10:04 am IST

தமிழ்நாட்டின் மகளிர் உரிமை தொகை திட்டம் நாட்டிலேயே முன்னோடியாக உள்ளது மட்டும் அல்லாமல் பல மாநிலங்களில் இதே திட்டத்தை செயல்படுத்தியுள்ளது - தங்கம் தென்னரசு

Feb 17, 2026, 9:49 am IST

உணவு உற்பத்தியில் இதுவரை இல்லாத அளவுக்கு மிகப்பெரிய வளர்ச்சி கிடைத்துள்ளது என்று நிதியமைச்சர் தங்கம் தென்னரசு தெரிவித்துள்ளார்.

Feb 17, 2026, 9:49 am IST

பெண்களின் சுய உதவிக் குழுக்களுக்கு நிதி ஒதுக்கீடு கணிசமாக உயர்த்தப்பட்டுள்ளது.

Feb 17, 2026, 9:49 am IST

ஏற்றுமதியை அதிகரிக்கவும், பணவீக்கத்தைக் கட்டுப்படுத்தவும், தொழிலாளர்களின் நலனைப் பாதுகாக்கவும் ஒரு பிரம்மாண்டமான திட்டம் உருவாக்கப்பட்டுள்ளது.

Feb 17, 2026, 9:43 am IST

பெரியார் சிந்தனை

தமிழ்நாடு நிதியமைச்சர் தங்கம் தென்னரசு இடைக்கால பட்ஜெட் தாக்கலின்போது பெரியார் ஈ.வெ. ராமசாமியின் படைப்புகள் குஜராத்தி, பிரெஞ்சு, அரபு உள்ளிட்ட 27 மொழிகளில் மொழிபெயர்க்கப்பட்டுள்ளன என தெரிவித்தார். இதன் மூலம் பெரியாரின் சிந்தனைகள் உலக அளவில் பரவியிருப்பதை அவர் சுட்டிக்காட்டியுள்ளார்.

Feb 17, 2026, 9:42 am IST

தமிழ் மொழி, தமிழ் கலாச்சாரம் வளர்ப்பதிலும், பேணுவதிலும் திமுக அரசு தீவிரமாக பணியாற்றி வருகிறது என தமிழ்நாடு நிதியமைச்சர் தங்கம் தென்னரசு தெரிவித்தார்

Feb 17, 2026, 9:40 am IST

நிதியமைச்சர் தங்கம் தென்னரசு

தமிழ்நாடு நிதியமைச்சர் தங்கம் தென்னரசு "இடைக்கால பட்ஜெட் பின்தங்கிய மற்றும் ஒதுக்கப்பட்ட மக்களுக்கு பயனளிக்கும் வகையில் தயாரிக்கப்பட்டுள்ளது." இந்த பட்ஜெட் மூலம் சமூகத்தில் பின்தங்கியுள்ள பிரிவினரின் வாழ்க்கைத் தரத்தை உயர்த்துவதே அரசின் முதன்மை நோக்கம் என அவர் வலியுறுத்தியுள்ளார்.

Feb 17, 2026, 9:38 am IST

தமிழ்நாடு இடைக்கால பட்ஜெட் கூட்டத் தொடர் நிதி அமைச்சர் தங்கம் தென்னரசு உரையுடன் தொடங்கியது.

Feb 17, 2026, 9:31 am IST

6வது திமுக ஆட்சி

திமுக அரசின் ஆறாவது ஆட்சிக்காலத்தின் கடைசி பட்ஜெட் இது. 1967-ஆம் ஆண்டு திமுக முதன்முறையாக ஆட்சிக்கு வந்ததிலிருந்து தொடங்கிய இந்த ஆறாவது முறை ஆட்சி இப்போது முடிவடைய உள்ளது.

Feb 17, 2026, 9:26 am IST

மத்திய அரசு மறுப்பு

கோவை மற்றும் மதுரை மெட்ரோ ரயில் திட்டங்களை மத்திய அரசு நிராகரித்த நிலையில், மாநில அரசே செயல்படுத்துவது குறித்த அறிவிப்பு வருமா என்ற கேள்வி எழுந்துள்ளது.

Feb 17, 2026, 9:25 am IST

கடன் அளவு

கடன் குறித்த விமர்சனங்களுக்கு அரசு சார்பில் மாநிலத்தின் ஜிடிபி மதிப்புக்கு, ஆர்பிஐ அளவீட்டுக்கும் உட்பட்ட அளவிலான கடனை மட்டுமே வாங்கியிருப்பதாக விளக்கம் கொடுக்கப்பட்டு உள்ளது.

Feb 17, 2026, 9:24 am IST

தமிழ்நாட்டின் கடன்

கடந்த சில வாரங்களாக தமிழ்நாட்டின் கடன் அளவுக்கு அதிகரித்துள்ளதாக எதிர்கட்சிகள் விமர்சனம் செய்து வரும் வேளையில், இன்றைய பட்ஜெட் கூட்டத்தில் இதுக்குறித்த விவாதம் எழும் என எதிர்பார்க்கப்படுகிறது.

Feb 17, 2026, 9:22 am IST

விவசாய பட்ஜெட்

பொருளாதார ஆய்வறிக்கையில் தமிழ்நாட்டில் விவாசாய உற்பத்தி சிறிய அளவில் குறைந்துள்ளதாக தெரிவிக்கப்பட்ட நிலையில், இன்றைய விவசாய பட்ஜெட் தாக்கலில் மாநிலத்தின் உற்பத்தியை அதிகரிக்க பல்வேறு முக்கியமான அறிவிப்புகள் இருக்கும் என எதிர்பார்ப்பு நிலவுகிறது.

Feb 17, 2026, 9:21 am IST

தமிழ்நாடு நிதியமைச்சர் தங்கம் தென்னரசு 4வது முறையாக பட்ஜெட் தாக்கல் செய்ய உள்ளார்.

Feb 17, 2026, 9:09 am IST

மெட்ரோ திட்டம்

சென்னையில் மெட்ரோ திட்டங்கள் வேகமாக செயல்பட்டு வரும் வேளையில், கோயம்புத்தூர், மதுரை மெட்ரோ திட்டங்கள் குறித்து முக்கியமான அறிவிப்புகள் வரலாம்.

Feb 17, 2026, 9:07 am IST

டைடல் பார்க்

தமிழ்நாட்டில் 2ஆம் நிலை, 3ஆம் நிலை நகரங்களில் நியோ டைடல் பார்க் திட்டம் பெரிய அளவில் வெற்றி அடைந்துள்ள வேளையில், இந்த பட்ஜெட்டில் புதிதாக டைடல் பார்க் அமைக்கும் திட்டம், ஏற்கனவே இருக்கும் நியோ டைடல் பார்க்-ஐ விரிவாக்கம் செய்யும் அறிவிப்பு இடம்பெறலாம்.

Feb 17, 2026, 9:05 am IST

உற்பத்தி வேலைவாய்ப்பு - பொருளாதார ஆய்வறிக்கை

சென்னை, கோயம்புத்தூர், ஓசூர் IT கிளஸ்டர்கள், ஆராய்ச்சி நிறுவனங்கள் உற்பத்தியை வலுப்படுத்தியுள்ளன. இந்தியாவின் மொத்த தொழிற்சாலை ஊழியர்களில் பங்கீட்டில் தமிழ்நாடு மட்டும் சுமார் 15% பங்கு வகிக்கிறது.

Feb 17, 2026, 9:05 am IST

உற்பத்தித் துறை - பொருளாதார ஆய்வறிக்கை

2024-25-இல் தமிழ்நாட்டின் உற்பத்தித் துறையின் உண்மை வளர்ச்சி 14.74% ஆக உள்ளது, இது தேசிய சராசரியை விட மூன்று மடங்கு அதிகம். 2021-22 முதல் 2024-25 வரையிலான காலக்கட்டத்தில் சராசரியாக 9.38% வளர்ச்சியுடன் நாட்டில் முதலிடத்தில் தமிழ்நாடு உள்ளது.

Feb 17, 2026, 9:04 am IST

சமூக நல செலவு - பொருளாதார ஆய்வறிக்கை

சமூகத் துறை செலவு 2021-22-இல் ரூ.1.13 லட்சம் கோடியிலிருந்து 2025-26-இல் ரூ.1.57 லட்சம் கோடியாக உயர்ந்தது. நான் முதல்வன், புதுமைப் பெண், தமிழ் புதல்வன், முதலமைச்சர் காலை உணவுத் திட்டம், கலைஞர் மகளிர் உரிமைத் திட்டம் போன்றவை மக்களின் திறனை வளர்த்து, குடும்ப பொருளாதாரத்தையும், வாய்ப்புகளையும் உயர்த்துகிறது.

Feb 17, 2026, 9:04 am IST

பணவீக்கம் குறைவு - பொருளாதார ஆய்வறிக்கை

நகர்ப்புற பணவீக்கம் 5.2%-இலிருந்து 2.5%-ஆகவும், கிராமப்புற பணவீக்கம் 5.8%-இலிருந்து 2.1%-ஆகவும் குறைந்துள்ளது. உணவுப் பணவீக்கம் -0.003% ஆக மிகக் குறைவு. ஆடைகள் மற்றும் காலணிகள் பிரிவின் பணவீக்கம் 1.3% ஆக மட்டுமே உள்ளது.

Feb 17, 2026, 9:04 am IST

ஜிடிபி பங்களிப்பு

தமிழ்நாடு நிலப்பரப்பில் 4%, மக்கள்தொகையில் 6% கொண்டிருந்தாலும் தேசிய ஜிடிபியில் 9.4% பங்களிப்பு செய்தது. GSDP ரூ.31.19 லட்சம் கோடி; உண்மை வளர்ச்சி (real growth rate) 11.2% – பெரிய மாநிலங்களில் அதிகம்.

Feb 17, 2026, 9:04 am IST

தனிநபர் வருமானம்

2024-25-இல் தனிநபர் வருமானம் ரூ.3.62 லட்சமாக உயர்ந்தது – தேசிய சராசரியை விட 1.77 மடங்கு அதிகம். தமிழ்நாடு மூன்றாவது இடத்தில் உள்ளது.

Feb 17, 2026, 9:03 am IST

டிரில்லியன் டாலர் இலக்கு

தமிழ்நாடு 2031-ஆம் ஆண்டுக்குள் டிரில்லியன் டாலர் பொருளாதாரமாக மாறலாம் என பொருளாதார ஆய்வறிக்கையில் தெரிவித்துள்ளது. 2024-25-இல் பதிவான 16% பெயரளவு வளர்ச்சியைத் தொடர்ந்தால், டாலர்-ரூபாய் மதிப்பு ஆண்டுக்கு 2% உயரும் என்ற அனுமானத்துடன் இலக்கு அடையும். இதுவே டாலர் 3.5% உயர்ந்தால் ஒரு ஆண்டு தாமதம் ஏற்படலாம்.

Feb 17, 2026, 8:52 am IST

விவசாய பட்ஜெட் தாக்கல்

நிதி அமைச்சரின் இடைக்கால பட்ஜெட் தாக்கலுக்குப் பிறகு, வேளாண் துறை அமைச்சர் எம்.ஆர்.கே. பன்னீர்செல்வம் விவசாயத் துறைக்கான தனி பட்ஜெட் அறிக்கையை சமர்ப்பிக்கிறார். விவசாயிகளுக்கான புதிய உதவிகள் எதிர்பார்க்கப்படுகின்றன.

Feb 17, 2026, 8:52 am IST

மகளிர் உரிமைத் தொகை – பெரும் பேசுபொருள்

மகளிர் உரிமைத் தொகை திட்டத்தில் ரூ.1,000-ஐ ரூ.5,000-ஆக உயர்த்தியது பெரும் கவனத்தை ஈர்த்தது. திமுக ஆட்சி தொடர்ந்தால் இத்தொகையை ரூ.2,000-ஆக உயர்த்துவதாக முதலமைச்சர் ஸ்டாலின் வாக்குறுதி அளித்துள்ளார்.

Feb 17, 2026, 8:52 am IST

திமுக vs அதிமுக – தீவிர பிரச்சாரம்

திமுக மற்றும் அதிமுக தலைமையிலான தேசிய ஜனநாயகக் கூட்டணி, தவெக, நாதக உள்ளிட்ட கட்சிகள் தேர்தலில் வெற்றி பெற தீவிரமாக செயல்பட்டு வருகின்றன. மக்களின் எதிர்பார்ப்புகளைப் பூர்த்தி செய்யும் அறிவிப்புகள் இந்த பட்ஜெட்டில் எதிர்பார்க்கப்படுகின்றன.

Feb 17, 2026, 8:52 am IST

தேர்தல் சூழலில் இடைக்கால பட்ஜெட்

2026 சட்டமன்றத் தேர்தலுக்கு தமிழகம் தயாராகி வரும் நிலையில், இன்று (பிப்ரவரி 17, 2026) காலை 9.30 மணிக்கு நிதியமைச்சர் தங்கம் தென்னரசு இடைக்கால நிதிநிலை அறிக்கையை சட்டப்பேரவையில் தாக்கல் செய்கிறார். ஆட்சிக்காலம் முடிவடைவதால் இது முழு பட்ஜெட் அல்லாமல் இடைக்கால பட்ஜெட்டாக உள்ளது.