Click it and Unblock the Notifications
தமிழ்நாட்டை சேர்ந்த லட்சக்கணக்கான ரேஷன் அட்டைதாரர்களுக்கும் மிக முக்கியமான ஒரு அறிவிப்பை தமிழக அரசு வெளியிட்டிருக்கிறது. ரேஷன் அட்டைதாரர்கள் கேஒய்சி தொடங்கி அனைத்து விதமான ரேஷன் அட்டை சம்பந்தப்பட்ட பணிகளை எளிமையாக முடிக்கும் வகையில் சிறப்பு ரேஷன் அட்டை முகாம்களை அரசு அறிவித்துள்ளது.
வரும் சனிக்கிழமை அதாவது நவம்பர் 14ஆம் தேதி அனைத்து மாவட்டங்களிலும் ரேஷன் அட்டை குறை தீர்ப்பு முகாம் நடைபெற உள்ளது. தமிழ்நாட்டில் மாதம் தோறும் பொது விநியோக திட்டத்தின் கீழ் ஒவ்வொரு வட்டத்திலும் மாதத்தின் இரண்டாவது வார சனிக்கிழமை ரேஷன் அட்டை குறை தீர்ப்பு முகாம் நடத்தப்படுகிறது. அந்த வகையில் நவம்பர் மாதத்திற்கான குறைதீர்ப்பு முகாம் வரும் சனிக்கிழமை நடைபெற உள்ளது. காலை 10 மணி முதல் பிற்பகல் 1 மணி வரை மக்கள் இதில் பங்கேற்று ரேஷன் அட்டை தொடர்பான அனைத்து சேவைகளையும் பெறலாம்.
இந்த முகாமில் பொதுமக்கள் புதிதாக ரேஷன் கார்டுக்கு விண்ணப்பம் செய்வது ரேஷன் அட்டையில் பெயர் சேர்ப்பது, நீக்குவது மற்றும் முகவரி மாற்றம், தொலைபேசி எண்ணை புதுப்பித்தல் போன்ற ரேஷன் கார்டு தொடர்பான பல்வேறு சேவைகளையும் பெற முடியும்.
சென்னையை பொருத்தவரை சென்னையில் உள்ள உணவுப்பொருள் வழங்கல் மற்றும் நுகர்வோர் பாதுகாப்பு துறையின் 19 மண்டல உதவி ஆணையாளர் அலுவலகங்களிலும் சனிக்கிழமை காலை 10 மணி முதல் பிற்பகல் 1 மணி வரை இந்த குறை தீர்ப்பு கூட்டம் நடைபெறும் என தெரிவிக்கப்பட்டுள்ளது.
சென்னை போலவே அனைத்து மாவட்டங்களிலும் ரேஷன் அட்டைதாரர்களுக்கான குறை தீர்ப்பு முகாம் சனிக்கிழமை நடைபெற இருக்கிறது. அரிசி ரேஷன் கார்டு வைத்திருக்கும் நபர்கள் தவறாமல் இங்கே சென்று கேஒய்சி அப்டேட் செய்து கொண்டால் தடையின்றி ரேஷன் பொருட்கள் கிடைக்கும்.
தமிழ்நாட்டில் லட்சக்கணக்கான மக்களுக்கு பல்வேறு நலத்திட்டங்கள் கிடைப்பதற்கான முக்கிய ஆவணமாக ரேஷன் கார்டு தான் இருக்கிறது. மகளிர் உரிமைத் தொகை, பொங்கல் பரிசு தொகுப்பு உள்ளிட்ட பல்வேறு நலத்திட்டங்களை பெறுவதற்கு ரேஷன் கார்டு தான் அடிப்படை ஆவணம்.
மேலும் இலவச அரிசி, மானிய விலை பொருட்களை வாங்கவும் ரேஷன் கார்டு தேவை. எனவே ரேஷன் கார்டில் முகவரி, தொலைபேசி எண் உள்ளிட்ட தகவல்களை அப்டேட்டாக வைத்திருந்தால் தான் அரசின் நலத்திட்டங்கள் நமக்கு தடையின்றி கிடைக்கும். எனவே ரேஷன் கார்டில் தகவல்களை அப்டேட் செய்ய வேண்டியவர்கள் இந்த முகாமை பயன்படுத்தி கொள்ளலாம்.
குறிப்பாக அரிசி அட்டைதாரர்கள் இதுவரை கேஒய்சி புதுப்பிக்காமல் இருந்தால் இந்த முகாமில் சென்று வேலையை முடிக்கலாம். ரேஷன் கார்டில் திருத்தம் செய்ய வேண்டியவர்கள், இந்த முகாமுக்கு சென்றால் ஒரே நாளில் வேலை முடியும். பொதுமக்கள் தங்கள் பகுதிக்கு உட்பட்ட வட்ட அலுவலகங்களுக்கு சென்று இந்த முகாமில் பங்கேற்கலாம்.
ரேஷன் கடைக்கு நேரடியாக சென்று பொருள் பெற முடியாத மாற்றுத்திறனாளி நபர்களுக்கான அங்கீகார சான்று இந்த குறை தீர்ப்பு முகாம்களில் வழங்கப்படும். அதேபோல தங்களுக்கு பொது விநியோக திட்டத்தில் ஏதேனும் குறைபாடுகள் இருந்தால் அவற்றையும் இந்த முகாம்கள் வாயிலாக மக்கள் தெரிவிக்கலாம்.
Sign in with Google