தங்கம், ரியல் எஸ்டேட் முதலீடுகள்.. நீங்கள் எவ்வளவு வரி செலுத்துகிறீர்கள் தெரியுமா?

Array

பொதுவாக ரியல் எஸ்டேட் முதலீடுகளில் கடந்த சில ஆண்டுகளில் பெரிய அளவிலான லாபம் இல்லை. மறுபுறம் தங்கம் கடந்த ஆண்டில் லாபம் கொடுத்திருந்தாலும், நீண்டகால நோக்கில் அதே அளவிலான லாபம் கொடுக்குமா என்ற கேள்விக்குறியும் உள்ளது. ஆக இன்றைய காலகட்டத்தில் தங்கம் மற்றும் ரியல் எஸ்டேட் என்பது சொந்த பயன்பாட்டிற்காக வைத்திருப்பதை தவிர, அதிக முதலீடு நல்ல வருவாயை கொடுக்கலாம் என்பது தவறானது.

தங்கம் மீதான வரிகள்

அதோடு இந்த இரு முதலீடுகளிலும் நீங்கள் முதலீடு செய்யும் போது குறுகிய கால மற்றும் நீண்டகால மூலதன வரிகள் உள்ளன. அவற்றை பார்த்து முதலீடு செய்யலாம். தங்கத்திற்கு குறுகிய கால நீண்டகால மூலதன ஆதாய வரி கணக்கிடப்படுகிறது. நீங்கள் தங்கத்தினை வாங்கி மூன்றாண்டுகளுக்குள் விற்கப்பட்டால் அது குறுகிய காலமாக கணக்கில் எடுத்துக் கொள்ளப்படுகிறது. இது உங்களுக்கு பொருந்தக்கூடிய வரி அடுக்கின் படி வரி விதிக்கப்படும்.
ஒரு வேளை மூன்று ஆண்டுகளுக்கு பிறகு தங்கத்தினை விற்றால், அது நீண்டகாலமாக கணக்கில் எடுத்துக் கொள்ளப்படுகிறது. இதற்காக உங்களுக்கு 20.8 சதவீதம் வரி விதிக்கப்படும்.

தங்க பத்திரம் மீதான வரிகள்

தங்க பத்திரத்தில் திட்டத்தில் முதலீடு செய்து 8 வருடங்கள் முதிர்வடையும் வரை காத்திருந்தால், நீண்டகால மூலதன ஆதாய வரி இல்லை.
ஒரு வேளை உங்களால் எட்டு வருடம் வரை நீடிக்க முடியவில்லை என்றால் நீங்கள் உங்கள் தங்கப் பத்திரத்தை எக்ஸ்சேஞ்சில் விற்றுக் கொள்ளலாம் (அல்லது) குறைந்தது ஐந்து வருடம் தாண்டினால் உங்கள் தங்கப் பத்திரத்தை நீங்கள் பணமாக மாற்றலாம். ஆனால் இந்த இரண்டிலும் மூலதன நீண்டகால ஆதாய வரியாக 20.8% செலுத்த வேண்டியிருக்கும். .

இதே குறுகிய கால மூலதன ஆதாய வரியாக நீங்கள் தங்க பத்திரத்தினை வாங்கி மூன்றாண்டுகளுக்குள் விற்கப்பட்டால், அது குறுகிய காலமாக கணக்கில் எடுத்துக் கொள்ளப்படுகிறது. இது உங்களுக்கு பொருந்தக்கூடிய வரி அடுக்கின் படி வரி விதிக்கப்படும்.

வட்டி வருவாய்க்கும் வரி உண்டு?

இந்த தங்க பத்திரங்களுக்கு வருடத்திற்கு 2.5 சதவீத வட்டி விகிதம் முதலீட்டாளர்களுக்கு கிடைக்கும். இந்த வட்டி உங்கள் வருமானமாக சேர்க்கப்பட்டு, அதற்கு நீங்கள் வருமான வரியும் செலுத்த வேண்டியிருக்கும். ஆனால், இதில் குறிப்பிடப்படவேண்டிய விஷயம் என்னவெனில், வட்டி வருவாயில் டிடிஎஸ் விதிக்கப்படுவதில்லை.

ரியல் எஸ்டேட் மீதான வரிகள்

ரியல் எஸ்டேட் துறையினை பொறுத்தவரையில், நீங்கள் முதலீடு செய்து இரண்டு வருடங்களுக்கு மேல் ஆகிவிட்டால், அது நீண்டகால முதலீடாக எடுத்துக் கொள்ளப்படும்.

ரியல் எஸ்டேட் முதலீட்டில் குறுகிய கால முதலீட்டிற்கு உங்களுக்கு பொருந்தக்கூடிய வரி அடுக்கின் படி வரி விதிக்கப்படும். இதே நீண்டகால மூலதன ஆதாய வரியாக 20.8% செலுத்த வேண்டியிருக்கும்.