தங்கம் மற்றும் வெள்ளி விலை சரிவு : இப்போது முதலீடு செய்ய உகந்த தருணமா?

தங்கம் விலை மற்றும் வெள்ளி விலை தொடர்ந்து சரிவைச் சந்தித்தன. ஹார்முஸ் ஜலசந்தியில் நிலவும் பதற்றமான சூழலை முதலீட்டாளர்கள் உன்னிப்பாகக் கவனித்து வருவதே இதற்குக் காரணம். ஸ்பாட் தங்கம், அவுன்ஸ் ஒன்றுக்கு $4,800 டாலருக்கு மேல் வர்த்தகத்தைத் தொடங்கிய போதிலும், தற்போது 0.5% சரிந்துள்ளது. கச்சா எண்ணெய் விலை சுமார் 1% வீழ்ச்சி அடைந்தும் தங்கம் விலை குறைந்துள்ளது குறிப்பிடத்தக்கது. இதேபோல், ஸ்பாட் வெள்ளியின் விலையும் 1% சரிவைக் கண்டுள்ளது.

இந்தச் சரிவின் எதிரொலியாக, இந்திய சந்தையிலும் MCX தங்கம் விலை சற்று குறைந்து, ரூ.1.53 லட்சம் என்ற நிலையில் வர்த்தகமாகி வருகிறது. மறுபுறம், MCX வெள்ளி விலை சுமார் 1% சரிந்து, ரூ.2.51 லட்சம் என்ற நிலையில் நீடிக்கத் தடுமாறி வருகிறது.

அமெரிக்கத் துணை அதிபர் ஜே.டி. வான்ஸ் மீண்டும் பாகிஸ்தானுக்கான அமெரிக்கக் குழுவிற்குத் தலைமை தாங்குவார் என எதிர்பார்க்கப்படுகிறது. அதேசமயம், பேச்சுவார்த்தையில் பங்கேற்காது என முன்பு கூறியிருந்த ஈரான், தற்போது தனது முடிவை மாற்றிக்கொண்டு பிரதிநிதிகளை அனுப்பத் தயாராகி வருவதாகத் தகவல்கள் தெரிவிக்கின்றன.

இதற்கிடையில், ஒப்பந்தம் காலாவதியாகும் முன் உடன்பாடு எட்டப்படாவிட்டால், தற்போதைய போர்நிறுத்தத்தை நீட்டிக்க வாய்ப்பில்லை என்று அதிபர் டொனால்ட் டிரம்ப் கூறியுள்ளார். ஒரு தீர்வு எட்டப்படும் வரை ஹார்முஸ் ஜலசந்தி மூடப்பட்டிருக்கும் என்றும் அவர் திட்டவட்டமாகத் தெரிவித்துள்ளார். டிரேடிங் எகனாமிக்ஸ் (Trading Economics) தகவல்படி, இந்த மத்திய கிழக்கு மோதல் வரலாறு காணாத எரிசக்தி விநியோக அதிர்ச்சியை ஏற்படுத்தியுள்ளது. இது பணவீக்க அபாயங்களை அதிகரித்து, மத்திய வங்கிகள் வட்டி விகிதங்களை உயர்த்தக்கூடும் என்ற சூழலை உருவாக்கியுள்ளது. இந்த காரணிகளே தங்கம் விலையில் பெரும் அழுத்தத்தை ஏற்படுத்தியுள்ளன.

Apr 21, 2026, 4:38 pm IST

இன்றைய தங்கம் விலை நிலவரம்: 24 காரட் தங்கம் விலையில் மாற்றமில்லை!

Gram	Today	Yesterday	Change
1 Gram	₹15,529	₹15,529	0
8 Grams	₹1,24,232	₹1,24,232	0
10 Grams	₹1,55,290	₹1,55,290	0
100 Grams	₹15,52,900	₹15,52,900	0

இந்தியாவில் இன்று 24 காரட் தங்கம் விலையில் எந்த மாற்றமும் செய்யப்படவில்லை. அதன்படி, 10 கிராம் தங்கம் ரூ. 1,55,290-க்கும், ஒரு கிராம் தங்கம் ரூ. 15,529-க்கும் விற்பனை செய்யப்படுகிறது.

Apr 21, 2026, 4:37 pm IST

இன்றைய தங்கம், வெள்ளி விலை நிலவரம்: விலையில் மாற்றத்தை ஏற்படுத்தும் காரணிகள் என்ன?

இந்த வாரத் தொடக்கத்தில் தங்கம் மற்றும் வெள்ளி விலையில் சரிவு காணப்பட்டது. சர்வதேச சந்தையில் ஸ்பாட் தங்கம் ஒரு அவுன்ஸ் 4,820 டாலர் என்ற அளவில் வர்த்தகமாகிறது. முன்னதாக இது 4,740 டாலருக்கும் கீழே சரிந்து மீண்டது. வெள்ளி விலை அவுன்ஸ் 79.7 டாலராக உள்ளது. அமெரிக்கா - ஈரான் இடையிலான பதற்றம் அதிகரித்துள்ளதால் கச்சா எண்ணெய் விலை உயர்ந்துள்ளது. இதனால் அமெரிக்க கருவூலப் பத்திரங்களின் லாபம் (Yields) அதிகரித்துள்ளதால், வட்டி வருமானம் தராத தங்கம் மீதான முதலீடு குறைந்துள்ளது. மேற்கு ஆசியாவில் 8-வது வாரமாகத் தொடரும் மோதலால் எரிசக்தி விநியோகம் பாதிக்கப்படலாம் என்ற அச்சம் எழுந்துள்ளது. இது பணவீக்கத்தை அதிகரித்து, வட்டி விகிதங்கள் நீண்ட காலத்திற்கு உயர்வாகவே இருக்கும் என்ற சூழலை உருவாக்கியுள்ளது. ஏப்ரல் 22-க்குப் பிறகு போர்நிறுத்தம் நீட்டிக்கப்பட வாய்ப்பில்லை என அமெரிக்கா சிக்னல் கொடுத்துள்ளது. இதற்கிடையே, ஃபெடரல் ரிசர்வ் தலைவராகப் பொறுப்பேற்க வாய்ப்புள்ள கெவின் வார்ஷ், வட்டி விகிதக் குறைப்பு மற்றும் கட்டமைப்பு மாற்றங்களுக்கு ஆதரவாகச் செயல்படலாம் என்ற தகவலும் சந்தையில் தாக்கத்தை ஏற்படுத்தியுள்ளது. இன்று தங்கம் விலை அவுன்ஸிற்கு 4,780 டாலருக்கும், வெள்ளி 79 டாலருக்கும் கீழே சரிந்தது. வலுவான அமெரிக்க டாலர் மற்றும் நிலையான பத்திர லாபம் இதற்கு முக்கியக் காரணமாகும். அமெரிக்கா - ஈரான் பேச்சுவார்த்தை மற்றும் அமெரிக்காவின் சில்லறை விற்பனை, வீட்டு வசதி, வேலைவாய்ப்பு தரவுகள் ஆகியவற்றைப் பொறுத்தே இனி தங்கம் விலையில் மாற்றம் இருக்கும் என கோடக் செக்யூரிட்டீஸ் ஆய்வாளர் கைனாத் செயின்வாலா தெரிவித்துள்ளார்.

Apr 21, 2026, 4:37 pm IST

இன்றைய தங்கம் விலை நிலவரம்: 18 கேரட் தங்கம் விலையில் மாற்றமில்லை!

Gram	Today	Yesterday	Change
1 Gram	₹11,647	₹11,647	0
8 Grams	₹93,176	₹93,176	0
10 Grams	₹1,16,470	₹1,16,470	0
100 Grams	₹11,64,700	₹11,64,700	0

18 கேரட் தங்கத்தின் விலை இன்றும் நேற்றைய விலையிலேயே நீடிக்கிறது. அதன்படி, 10 கிராம் தங்கம் ரூ. 1,16,470 என்ற விலையிலேயே இன்றும் விற்பனை செய்யப்படுகிறது.

Apr 21, 2026, 4:36 pm IST

தங்கம் விலை நேரலை: இன்று மாற்றமில்லாத 22 கேரட் தங்கம் விலை!

Gram	Today	Yesterday	Change
1 Gram	₹14,235	₹14,235	0
8 Grams	₹1,13,880	₹1,13,880	0
10 Grams	₹1,42,350	₹1,42,350	0
100 Grams	₹14,23,500	₹14,23,500	0

22 கேரட் ஆபரணத் தங்கத்தின் விலை நேற்றைய விலையிலேயே இன்றும் நீடிக்கிறது. அதன்படி, 10 கிராம் தங்கம் ரூ.1,42,350-க்கும், ஒரு கிராம் தங்கம் ரூ.14,235-க்கும் விற்பனையாகிறது.

Apr 21, 2026, 10:09 am IST

தங்கம் விலை நிலவரம்: சர்வதேச சந்தையில் தங்கம் விலை 0.5% சரிவு!

சர்வதேச சந்தையில் தங்கம் விலை இன்று சரிவைச் சந்தித்துள்ளது. வர்த்தகத்தின் தொடக்கத்தில் விலை அதிகரித்தாலும், தற்போது 4,800 டாலருக்கும் கீழே சரிந்துள்ளது. இந்தச் செய்தியை எழுதும் நேரத்தில், ஒரு அவுன்ஸ் தங்கம் 0.5% குறைந்து 4,797 டாலராக வர்த்தகமாகிறது. அமெரிக்கா மற்றும் ஈரான் இடையேயான பேச்சுவார்த்தை முடிவுகளை முதலீட்டாளர்கள் எதிர்பார்த்துக் காத்திருப்பதால், தங்கம் விலை கடும் அழுத்தத்தில் உள்ளது. ஈரான் பேச்சுவார்த்தையாளர்களைச் சந்திக்க ஜே.டி. வான்ஸ் மீண்டும் பாகிஸ்தான் செல்ல வாய்ப்புள்ளதாகத் தகவல்கள் தெரிவிக்கின்றன. இதற்கிடையில், இரண்டாம் கட்டப் பேச்சுவார்த்தையில் உடன்பாடு எட்டப்படாவிட்டால், 2 வார கால தற்காலிக அமைதி ஒப்பந்தத்தை நீட்டிக்க முடியாது என அமெரிக்க அதிபர் டொனால்ட் டிரம்ப் திட்டவட்டமாகத் தெரிவித்துள்ளார். ஈரான் தனது அணு ஆயுதக் கனவைக் கைவிட வேண்டும் என அமெரிக்கா விரும்பும் நிலையில், அதற்கு ஈரான் உடன்பட மறுத்து வருகிறது.

Apr 21, 2026, 10:08 am IST

வெள்ளி விலை நிலவரம்: சர்வதேச சந்தையில் 1% சரிவு - இன்றைய நேரலை அப்டேட்ஸ்!

சர்வதேச சந்தையில் வெள்ளி வர்த்தகம் இன்று தடுமாற்றத்துடன் காணப்படுகிறது. ஒரு அவுன்ஸ் வெள்ளி 80 டாலர் என்ற அளவில் நிலைபெற்றிருந்த நிலையில், தற்போது 1% சரிந்து 78.9 டாலராக வர்த்தகமாகி வருகிறது. குறிப்பாக, அமெரிக்கா-இஸ்ரேல்-ஈரான் போர் சூழலுக்குப் பிறகு வெள்ளியின் விலை சுமார் 15% வரை வீழ்ச்சியடைந்துள்ளது குறிப்பிடத்தக்கது.

Apr 21, 2026, 10:07 am IST

கமாடிட்டி சந்தை நேரலை: அமெரிக்க கச்சா எண்ணெய் விலை கடும் சரிவு!

சர்வதேச சந்தையில் அமெரிக்க டபிள்யூடிஐ (WTI) கச்சா எண்ணெய் விலை 1.2% சரிந்து, ஒரு பேரல் 86.4 டாலராக வர்த்தகமாகி வருகிறது. ஈரானுடன் இந்த வார இறுதியில் அமெரிக்கா மீண்டும் பேச்சுவார்த்தை நடத்த வாய்ப்புள்ளதாக வெளியான தகவல்களால், கச்சா எண்ணெய் விலை தனது முந்தைய உயர்வை இழந்துள்ளது. மேலும், இரண்டு வார கால போர்நிறுத்தம் முடிவுக்கு வரும் நிலையில், ஹார்முஸ் ஜலசந்தியில் அமெரிக்காவின் முற்றுகை தொடர்ந்து நீடிக்கிறது.

Apr 21, 2026, 10:06 am IST

கமாடிட்டி சந்தை நேரலை: 1% சரிந்தது பிரெண்ட் கச்சா எண்ணெய் விலை!

அமெரிக்காவின் WTI கச்சா எண்ணெய் விலையைத் தொடர்ந்து, சர்வதேச சந்தையில் பிரெண்ட் கச்சா எண்ணெய் விலையும் சுமார் 1% சரிந்து, ஒரு பேரல் 94.8 டாலர் என்ற அளவில் வர்த்தகமாகி வருகிறது. டிரேடிங் எகனாமிக்ஸ் (Trading Economics) அறிக்கையின்படி, தற்போது அமலில் உள்ள இரண்டு வார கால போர்நிறுத்தம் முடிவதற்குள், அமெரிக்காவுடன் இரண்டாம் கட்ட பேச்சுவார்த்தை நடத்த ஈரான் தனது பிரதிநிதிகளை இஸ்லாமாபாத்திற்கு அனுப்ப உள்ளது. கூடுதல் அமைதிப் பேச்சுவார்த்தைகளில் ஈடுபடப் போவதில்லை என்ற தனது முந்தைய நிலைப்பாட்டிலிருந்து ஈரான் தற்போது மாறியுள்ளதை இந்த நடவடிக்கை காட்டுகிறது. இதற்கிடையில், இந்த வாரத்திற்குள் உடன்பாடு எட்டப்படாவிட்டால், தற்போதைய போர்நிறுத்தத்தை நீட்டிக்கத் தயாராக இருப்பதாக அதிபர் டொனால்ட் ட்ரம்ப் தெரிவித்துள்ளார். அதேசமயம், ஒப்பந்தம் உறுதியாகும் வரை ஹார்முஸ் ஜலசந்தி (Strait of Hormuz) தொடர்ந்து முடக்கப்பட்டிருக்கும் என்றும் அவர் கூறியுள்ளார்.

Apr 21, 2026, 10:05 am IST

தங்கம் விலை நேரலை: MCX சந்தையில் பெரிய மாற்றமின்றி தங்கம் வர்த்தகம்

செவ்வாய்க்கிழமை காலை வர்த்தகத் தொடக்கத்தில் MCX சந்தையில் தங்கம் விலை நிதானமாக உள்ளது. தற்போது, 10 கிராம் தங்கம் விலை 93 ரூபாய் (0.06%) சரிந்து 1,53,850 ரூபாயாக வர்த்தகமாகிறது. இன்றைய வர்த்தகத்தில் தங்கம் விலை அதிகபட்சமாக 1,53,992 ரூபாய் வரையிலும், குறைந்தபட்சமாக 1,53,725 ரூபாய் வரையிலும் பதிவாகியுள்ளது.

Apr 21, 2026, 10:04 am IST

வெள்ளி விலை நிலவரம்: எம்சிஎக்ஸ் சந்தையில் 1% சரிவு!

செவ்வாய்க்கிழமை காலை வர்த்தகத்தில் தங்கத்தை விட வெள்ளியின் விலை அதிக சரிவைக் கண்டுள்ளது. தற்போது எம்சிஎக்ஸ் (MCX) சந்தையில் வெள்ளி விலை 0.61% அல்லது 1,545 ரூபாய் குறைந்து, ஒரு கிலோ 2.51 லட்சம் ரூபாய்க்கு வர்த்தகமாகி வருகிறது. இன்றைய வர்த்தகத் தொடக்கத்தில், ஒரு கிலோ வெள்ளியின் விலை குறைந்தபட்சமாக ரூ. 2,50,210 வரையிலும், அதிகபட்சமாக ரூ. 2,51,222 வரையிலும் சென்றது.