18 மாதங்களில் இல்லாத உலக உணவுப் பொருட்களின் விலை உயர்வு.. 45 நாடுகள் மிகவும் பாதிப்பு..!!

ஐக்கிய நாடுகளின் உணவு மற்றும் வேளாண்மை அமைப்பு (FAO) வெளியிட்ட உலகளாவிய உணவு விலைக் குறியீடு ஒரு ஆபத்தான நிலையை எட்டியுள்ளது. அதன்படி, உலகளாவிய உணவு விலைகள் அக்டோபர் மாதத்தில் 18 மாதங்களில் இல்லாத அளவுக்கு உயர்ந்தது. இது செப்டம்பரில் இருந்து 2% உயர்ந்துள்ளது என்று ஐநாவின் உணவு மற்றும் வேளாண்மை அமைப்பு (FAO) வெள்ளிக்கிழமை தெரிவித்துள்ளது. எனவே, 45 நாடுகளின் பசியைப் போக்க வெளி உதவி தேவைப்படுகிறது.

உலக உணவுப் பொருட்களின் விலைக் குறியீடு கடந்த 18 மாதங்களில் இல்லாத உச்சத்தை எட்டியுள்ளது. ஐக்கிய நாடுகளின் உணவு மற்றும் வேளாண்மை அமைப்பு (FAO) உலகளாவிய உணவு விலைக் குறியீட்டை வெளியிட்டுள்ளது. செப்டம்பர் மாதத்தில் இந்த குறியீடு 124.9 புள்ளிகளாக இருந்தது. இது அக்டோபரில் 127.4 புள்ளிகளாக உயர்ந்தது. ஏப்ரல் 2023 இல் இந்த குறியீடு உணவு விலை உச்சத்தை தொட்டது. அதன்பிறகு, குறியீடு 18 மாத உச்சத்தை எட்டியுள்ளது.

FAO இன் கூற்றுப்படி, இறைச்சியைத் தவிர அனைத்து முக்கிய உணவுப் பொருட்களும் அக்டோபரில் விலை உயர்வைக் கண்டன. சமையல் எண்ணெய்கள் 7.3% ஆக மிகப்பெரிய உயர்வைச் சந்தித்தன.

சமையல் எண்ணெய் விலை 7.3 சதவீதம் அதிகரிப்பு: சமையல் எண்ணெய் விலை பனை உற்பத்தியில் ஏற்பட்ட வீழ்ச்சியே இந்த விலை உயர்வுக்குக் காரணம் என மதிப்பிடப்பட்டுள்ளது. இறைச்சியைத் தவிர, அனைத்து முக்கிய உணவுப் பொருட்களின் விலைகளும் அதிகரித்து, எண்ணெய் விலையில் மிகப்பெரிய உயர்வு 7.3% என FAO தெரிவித்துள்ளது. FAO இன் கூற்றுப்படி, உலகின் பெரும்பாலான நாடுகளில் சமையல் எண்ணெயின் விலையில் மிகப்பெரிய அதிகரிப்பு காரணமாக உணவுப் பொருட்களின் விலையும் கணிசமாக அதிகரித்துள்ளது.

வரலாற்று நிலைகளுடன் ஒப்பிடுகையில், அக்டோபரில் FAO இன் உணவு விலைக் குறியீடு ஒரு வருடத்திற்கு முன்பு இருந்ததை விட 5.5% அதிகமாக இருந்தது. இது கடந்த மார்ச் 2022 முதல் அதிகபட்ச அளவை விட 20.5% கீழே உள்ளது. தானியங்களின் விலை செப்டம்பரில் இருந்து 0.8% அதிகரித்துள்ளது. ஆனால் அக்டோபர் 2023 ஐ விட 8.3% குறைவாக இருந்தது.

அக்டோபரில் பால் பொருட்களின் விலை 1.9% உயர்ந்தது மற்றும் அக்டோபர் 2023 இலிருந்து 21.4% உயர்ந்தது.

செப்டம்பருடன் ஒப்பிடுகையில் அக்டோபரில் சர்க்கரை விலை 2.6% அதிகரித்தது. இது ஒரு வருடத்திற்கு முன்பு இருந்ததை விட 18.6% குறைந்த போதிலும், தொடர்ந்து இரண்டாவது மாதாந்திர உயர்வைக் குறிக்கிறது.

இதற்கு மாறாக, இறைச்சி விலைகள் அக்டோபர் 2023 ஐ விட 7.5% அதிகமாக இருந்தாலும், முந்தைய மாதத்துடன் ஒப்பிடும்போது அக்டோபரில் 0.3% சரிந்தன.

உணவுப் பொருட்களின் விலை உயர்வுக்கு என்ன காரணம்?:1)பல நாடுகளில் நிலவும் மோசமான வானிலை, 2)வடக்கில் கனமழை, 3) பிரேசிலில் வறண்ட வானிலையால் விவசாய நெருக்கடி, 4) ஒழுங்கற்ற மழையால் உணவுப் பொருட்களின் விளைச்சல் வீழ்ச்சி,
5)பணவீக்கம் உயரும் என்ற அச்சம், 6) உணவுப் பொருட்கள் வழங்கல் பற்றாக்குறை

2 சதவீதம் விலை உயர்வு: தானியங்கள், சர்க்கரை, இறைச்சி, பால் மற்றும் எண்ணெய் ஆகியவற்றின் விலை அக்டோபர் மாதத்தில் ரூ. 2 சதவீதம் அதிகரித்துள்ளது.

45 நாடுகளுக்கு உணவுப் பாதுகாப்பு தேவை:உணவுப் பற்றாக்குறை மிகவும் கடுமையாக உள்ளது. எனவே, 45 நாடுகளுக்கு வெளி உதவி தேவைப்படுகிறது. FAO அறிக்கையின்படி, ஐந்து நாடுகளில் நிலைமை பரிதாபமாக உள்ளது. ஆப்பிரிக்காவில் 33 நாடுகளும், ஆசியாவில் ஒன்பது நாடுகளும், லத்தீன் அமெரிக்கா மற்றும் கரீபியன் தீவுகளில் இரண்டும், ஐரோப்பாவில் ஒரு நாடும் நிலைமை விரிவாக விவரிக்கப்பட்டுள்ளது. மோதல், பாதுகாப்பின்மை ஆகியவை உணவுப் பாதுகாப்பின் முள்ளாக இருக்கிறது. காசா பகுதி, ஹைட்டி, மாலி மற்றும் சூடான் ஆகிய நாடுகளில் உணவுப் பாதுகாப்பின்மை கடுமையாக உள்ளது. 44 குறைந்த வருமானம் மற்றும் உணவுப் பற்றாக்குறை நாடுகளில், தானிய நுகர்வு ஐந்தாண்டு சராசரியை விட அதிகமாக இருப்பதாக மதிப்பிடப்பட்டுள்ளது.

ஆப்பிரிக்காவின் சில பகுதிகளில் குறைந்த விளைச்சல் காரணமாக சில இடங்களில் விலைவாசி அதிகரித்துள்ளது. இதனால், இறக்குமதி தொகை அதிகரித்துள்ளது. இது 8 சதவீதம் அதிகரிக்கும் என எதிர்பார்க்கப்படுகிறது. கிழக்கு மற்றும் தென்னாப்பிரிக்கா பிராந்தியத்தில் உணவு தேவையை இறக்குமதி மூலம் பூர்த்தி செய்ய வேண்டும் என்று அறிக்கையில் கூறப்பட்டுள்ளது.